Yosua 23:8 - AHYERƐLƐ KRONGRON

⁸ Na mmom odi kyɛ ɛmɔfa ɛmɔ nwo bɛbɔ AWURADE ɛmɔ Nyameɛ, kyɛbɔ ɛmɔayɔ alaa maa waadwu ɛnɛ ye.

Yosua 23:8 Iomraidhean Croise

2 Ahemvo 18:6

Ofikyɛ olili AWURADE si yé. Wandwe ye nwo wamvi AWURADE nwo, na mmom olili AWURADE mmeraa dwirɛ bɔ ɔfa mane Mose ne aso.

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Deuteronomi 10:20

AWURADE wɔ Nyameɛ yeɛ ɔsɛ kyɛ esuro ye ɔ; ye ngome twe yeɛ sɔne ye ɔ; ye yeɛ fa wɔ nwo bɔ ye ɔ, na ye dumaa yeɛ fa ta ndaen ɔ.

Deuteronomi 11:22

Ofikyɛ mmeraa dwirɛ amukoraati bɔ méhyɛ méma ɛmɔ ye, sɛ ɛmɔdi so yé, ná ɛmɔkuro AWURADE ɛmɔ Nyameɛ dwirɛ, ná ɛmɔnate ye atee amukoraati so, ná ɛmɔfa bɛ nwo bɛbɔ ye a,

Deuteronomi 13:4

AWURADE ɛmɔ Nyameɛ ngome yeɛ ɔsɛ kyɛ ɛmɔdi ye si ná ɛmɔsuro ye ɔ. Ye mmeraa dwirɛ yeɛ ɔsɛ kyɛ ɛmɔdi so ɔ, na ye dwirɛ yeɛ ɔsɛ kyɛ ɛmɔtie ɔ. Ye yeɛ ɔsɛ kyɛ ɛmɔso ye ná ɛmɔfa bɛ nwo bɛbɔ ye ɔ.

Deuteronomi 13:5

Nakoso sɔ ngɔmhyɛlɛniɛ anaa sɔ sona bɔ ɔnate laleɛ so hyɛ ngɔm ne de, ɛ́mɔhu ye, ofikyɛ wafa ye noa dwirɛ wabɔ mmenia asɔne wafi AWURADE wɔ Nyameɛ bɔ ɔyele ɛmɔ fili Misraim aseɛ so, ná olele wɔ fili ngoaasolɛ nu ne nwo. Na ɔtwetwe wɔ fi atee bɔ AWURADE wɔ Nyameɛ hyɛle wɔ kyɛ ɛfa so ne aso. Yiti ɔsɛ kyɛ etu bɔne ne bo fi wɔ nu.

Deuteronomi 4:4

Nakoso ɛmɔ bɔ ɛmɔfale bɛ nwo bɛbɔle AWURADE ɛmɔ Nyameɛ ne de, ɛmɔ amukoraa bɛtɛ te ase.

Deuteronomi 8:20

Na kyɛbɔ AWURADE sɛkye maen maen bɔ bɛko betia wɔ ne, sɔ ala yeɛ sɛ andie AWURADE wɔ Nyameɛ dwirɛ a, ɔkɔsɛkye wɔ ɔ.

Yosua 22:5

Ɛ́mɔnea yé ná ɛ́mɔli mmeraa dwirɛ ne mmeraa bɔ AWURADE somvoɛ Mose hyehyɛ mane ɛmɔ ne aso: kyɛ ɛmɔhuro AWURADE ɛmɔ Nyameɛ dwirɛ, kyɛ ɛ́mɔli ye dwirɛ amukoraa so, kyɛ ɛ́mɔli ye mmeraa dwirɛ so, kyɛ ɛ́mɔfa bɛ nwo bɛbɔ ye, ná ɛ́mɔfa ɛmɔ ahone mukoraa ne ɛmɔ kra mukoraa bɛso ye.”

Yosua 23:7

amaa ɛmɔamva ɛmɔ nwo bammɔ maen maen mɔ bɔ baha wɔ ɛmɔ nwo wa ye, amaa ɛmɔammɔ bɛ nyameɛ nemɔ dumaa, amaa ɛmɔamva bɛ banda ndaen, amaa ɛmɔanzo bɛ, ná ɛmɔangoto bɛ.

Yosua 23:9

Ofikyɛ AWURADE afoa maen mbiri mbiri bɔ bɛ nwo yɛ se ɔ wafi ɛmɔ nyunu. Na ɛmɔ de, toonn bɔ ɔbaadwu ɛnɛ ye, ebiala nne berɛ bɔ wahora wagyina ɛmɔ nyunu ɔ.