Yosua 23:7 - AHYERƐLƐ KRONGRON

⁷ amaa ɛmɔamva ɛmɔ nwo bammɔ maen maen mɔ bɔ baha wɔ ɛmɔ nwo wa ye, amaa ɛmɔammɔ bɛ nyameɛ nemɔ dumaa, amaa ɛmɔamva bɛ banda ndaen, amaa ɛmɔanzo bɛ, ná ɛmɔangoto bɛ.

Yosua 23:7 Iomraidhean Croise

2 Ahemvo 17:12

Né AWURADE ahã ahyire Yisraelfoɛ kyɛ nnɛmaa bɛsɔne mmosoen mɔ, nakoso bɛsɔnene bɛ.

2 Ahemvo 5:18

Nakoso w’akoaa, sɔ nikyee komapɛ he anwo de, mesrɛ AWURADE kyɛ ɔ́fa ɔ́hyɛ me. Ye ole kyɛ, sɛ me mene Siria hene kɔ bosoen Rimon so kyɛ ɔkwaasɔne wɔ berɛ, ná ɔkã kyɛ ngɔmmoka ye, maa ye sɔ ti mebɔ me nu ase mesɔne Rimon a, sɛ mebɔ me nu ase mesɔne Rimon a, w’akoaa, mesrɛ AWURADE kyɛ sɔ nikyee he angome de ɔfa hyɛ me.”

2 Aberɛso Dwirɛ 7:19

“Nakoso sɛ ɛmɔyakyi me si lilɛ, ná ɛmɔanni me m’ahyɛdeɛ ne me mmeraa dwirɛ bɔ mafa mama ɛmɔ ne aso, ná mmom ɛmɔkɔso nyameɛ foforɛ biemɔ bɛsɔne bɛ a,

Edwein 16:4

Bɛ bɔ bɛso nyameɛ foforɛ mɔ ne de, bɛtwetwe aworabɔlɛ pee bɛbrɛ bɛ nwo; mengɔbɔ mogya anonneɛ afɔleɛ mengɔma sɔ nyameɛ foforɛ nemɔ, yeɛ mengɔbɔ bɛ dumaa mengɔsɔne bɛ.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 23:13

Bɔ mahã mahyire ɛmɔ ne amukoraa, ɛ́mɔli so. Nnɛma ɛmɔbɔ nyameɛ foforɛ biala dumaa; yeɛ nnɛmɔma ofite ɛmɔ noa.

Ɛksadɔso 23:33

Nnɛmaa bɛtena w’aseɛ so, anyɔ a né bamaa ayɔ bɔne atia me; ofikyɛ sɛ ɛso bɛ bosoen nemɔ a, ɔkɔyɛ wɔ so ngaen.”

Anyandera 4:14

Bɔnefoɛ atee ne, nnɛfa so bie, yeɛ nnɛfa amumuyɛɛfoɛ atee so.

Yeremia 12:16

Na sɛ bɛkɔyere bɛ nwo bekosua me maen ye atee, ná bɛkɔfa me dumaa bɛkɔta ndaen kyɛ, ‘Kyɛ AWURADE te ase ye’, kyɛbɔ behyirele me maen maa bɛfale Baal bɛtale ndaen ne a, ye de bɛ bo kotimu wɔ me maen ne anu.

Yeremia 5:7

“Ɛhe de, ɔkɔyɛ sɛɛ né mafa wɔ bɔne mahyɛ wɔ? Wɔ mma mɔ bapo me, na bafa bɛ bɔ nna nyameɛ mɔ ahɔ ɔ bata ndaen. Mmane bɛ ko yili ne, bɛbɔle adwaman, na betuli bi bɛhɔle gyanderafoɛ awuro.

Hosea 2:17

Ofikyɛ ngɔye Baal mɔ dumaa ngofi ye noa nu, na bɛngɔbɔ bɛ dumaa bɛngɔkaye bɛ ko.

Sefania 1:5

yeɛ bɛ bɔ bɛsɔne anwuro abɔdeɛ mɔ wɔ sua ti afia; yeɛ bɛ bɔ bɛsɔne AWURADE bɛfa ye bɛta ndaen, nakoso bɛfa bosoen Milkom bɛta ndaen ɔ;

Numeri 32:38

Nebo, ɔne Baal Meon (bɛsesane dumaa ne biemɔ), ɔne Sibima. Nguro bɔ besa bɛkyekyele nemɔ, bɛtotole bɛ dumaa foforɛ.

Numeri 33:55

Nakoso sɛ ɛmɔamvoa aseɛ ne aso ama bamvi ɛmɔ nyunu a, ye de bɛ bɔ ɛmɔkɔmaa bɛkɔha aseɛ ne aso ne, bɛkɔyɛ kyɛ mmakaa bɛkɔwowɔ ɛmɔ nye, bɛkɔyɛ kyɛ mmowue bɛkɔwowɔ ɛmɔ mvenu, na bɛkɔha ɛmɔ adwene wɔ aseɛ bɔ ɛmɔkwaatena so ne aso.

1 Korintofoɛ 15:33

Nnɛmɔma bɛlakalaka ɛmɔ, na “abiɛngoɛ tɛɛ sɛkye bra paa.”

Ɛfesofoɛ 5:11

Nnɛma ɛmɔyɔ awosii nnwumaa bɔ onzu mmaa ne bie, na mmom ɛ́mɔpa bɛ nwo tena!

Deuteronomi 10:20

AWURADE wɔ Nyameɛ yeɛ ɔsɛ kyɛ esuro ye ɔ; ye ngome twe yeɛ sɔne ye ɔ; ye yeɛ fa wɔ nwo bɔ ye ɔ, na ye dumaa yeɛ fa ta ndaen ɔ.

Deuteronomi 6:13

Suro AWURADE wɔ Nyameɛ, ye yeɛ ɔsɛ kyɛ ɛso ye ɔ, na ye dumaa ngome yeɛ fa ta ndaen ɔ.

Deuteronomi 6:14

Nnɛma ɛmɔdi nyameɛ foforɛ biala si; mmenia bɔ bapɛ ɛmɔ nwo bayia ne, nnɛma ɛmɔdi bɛ nyameɛ nemɔ nu biala si,

Yosua 23:12

Ofikyɛ sɛ ɛmɔanni nahorɛ, ná maen maen hemɔ anu mmenia bɔ baha wɔ ɛmɔ nwo wa ye, ɛmɔ ne bɛ bɔ afɛ, ná ɛmɔgyigya bɛ nwo, bɔ ɛmɔgya bɛ mmrasua ma bɛ koso begya ɛmɔ deɛ a,

Yosua 23:8

Na mmom odi kyɛ ɛmɔfa ɛmɔ nwo bɛbɔ AWURADE ɛmɔ Nyameɛ, kyɛbɔ ɛmɔayɔ alaa maa waadwu ɛnɛ ye.