Yosua 23:6 - AHYERƐLƐ KRONGRON

⁶ Yiti ɛ́mɔmia ɛmɔ nye, ná ɛ́mɔnea kyɛ nikyee biala bɔ bahyerɛ ye Mose mmeraa nwomaa ne anu ne, ɛmɔkoli so ná ɛmɔkɔyɔ ɔ. Nnɛma ɛmɔdi ye nwo makyebu bɛkɔ famaa so anaa bɛen so;

Yosua 23:6 Iomraidhean Croise

1 Ahemvo 2:3

ná di bɔ AWURADE wɔ Nyameɛ wahyɛ wɔ kyɛ ɛyɔ ne aso. Tie ye dwirɛ, ná di ye ahyɛdeɛ, ye mmeraa dwirɛ, ye nhyehyɛleɛ ne ye noa dwirɛ so, kyɛbɔ bahyerɛ ye wɔ Mose mmeraa ne anu ne, amaa wayie wɔ yé wɔ nikyee biala bɔ ɛkɔyɔ ɔ nu, ɔne nekaa biala bɔ ɛkɔhɔ ɔ.

Edwein 101:3

Mengɔfa nikyee biala bɔ mvasoɛ nne so ɔ mengosie me nye so. Bɛ bɔ bedi wɔ dwirɛ nwo makyebu ne, mekyi bɛ yɔleɛ; mengɔma bɛ yɔleɛ ne ngɔte ngɔmata me.

Edwein 119:102

Nnnili wɔ nhyehyɛleɛ nwo makyebu, ofikyɛ ahyirehyire me.

Yeremia 9:3

Bɛkondo bɛ temverema kyɛ agyaen bɛpɛ anoanu; nna nahorɛ ɔ, na mmom ngondombopɛlɛ yeɛ wamaa batindim wɔ aseɛ ye aso ɔ, ofikyɛ bɛyɔ bɔne bɛfoa bɔne so, na bɛnze me, AWURADE noa dwirɛ ɛne.

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

Deuteronomi 12:32

“Bɔ méhyehyɛ méma ɛmɔ biala, ɛ́mɔnea yé kyɛ ɛmɔkoli so ɔ. Nnɛfa bie boka so, yeɛ nnɛye bie fi nu.

Deuteronomi 17:20

Ɔba ye sɔ a, ɔngɔdwene kyɛ ɔte paa tra ye mmango Yisraelfoɛ, yeɛ ɔngɔhwe ye nwo ngofi mmeraa dwirɛ ne anwo ngɔhɔ bɛen anaa famaa so; amaa ɔnate so ye, yeɛ ye bosofoɛ bali hene bahyɛ wɔ Yisrael.

Deuteronomi 28:14

Yiti, ahyɛdeɛ bɔ méhyɛ méma ɛmɔ ɛnɛ ye, nnɛmakye fi bɛ nu biala nwo kɔ famaa anaa bɛen so kodi nyameɛ foforɛ biemɔ si ɛkɔso bɛ.

Deuteronomi 5:32

Yiti bɔ AWURADE ɛmɔ Nyameɛ ahyɛ ɛmɔ kyɛ ɛ́mɔyɔ ne, ɛ́mɔnea kyɛ ɛmɔkoli so ɔ. Nnɛma ɛmɔnea bɛen anaa famaa.

Hebrifoɛ 12:4

Na apereapereɛ bɔ ɛmɔ ne bɔne bedi ye, ɛmɔnnya bɛffale ɛmɔ ngoa bɛppɛle so.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”