Yosua 23:16 - AHYERƐLƐ KRONGRON

¹⁶ AWURADE ɛmɔ Nyameɛ apam bɔ ɔhyehyɛ mane ɛmɔ ne, sɛ ɛmɔbu so, ná ɛmɔkɔso nyameɛ foforɛ biemɔ, ná ɛmɔkoto bɛ a, ye de AWURADE kɔfɛ ɛmɔ so yaa piri paa, na ɛmɔkowuwu ndɛndɛ bekofi aseɛ paa bɔ wafa wama ɛmɔ ne aso.”

Yosua 23:16 Iomraidhean Croise

1 Ahemvo 14:15

“AWURADE kɔwoso Yisrael ahennie, kyɛbɔ nzue woso elemmire ɔ. Aseɛ paa he bɔ ɔfa mane bɛ nana mɔ ne, ɔkɔpɛ bɛ asue kofi so, na ɔkɔbɔ bɛ aya maa bɛkɔhɔ asue Yufreti asi, ofikyɛ bagyinagyina bosoen Asera dosii mɔ bafa bawura AWURADE apue maa wafɛ yaa.

1 Ahemvo 9:6

“Nakoso sɛ ɛmɔyakyi me si lilɛ, kyɛ ɛmɔ oo, kyɛ ɛmɔ bosofoɛ oo, ná ɛmɔanni me mmeraa dwirɛ ne m’ahyɛdeɛ bɔ mafa mama ɛmɔ ne aso, ná mmom ɛmɔkɔso nyameɛ foforɛ biemɔ bɛsɔne bɛ a,

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

2 Ahemvo 17:7

Ɛhe sili ofikyɛ né Yisraelfoɛ bayɔ bɔne batia AWURADE bɛ Nyameɛ bɔ ɔyele bɛ fili Misraim aseɛ so, ɔne Misraim hene Faro sa nu ne. Yisraelfoɛ sɔnene nyameɛ foforɛ mɔ,

2 Ahemvo 24:20

Nahorɛ nu, Yerusalem ne Yuda huli AWURADE ahone maa ɔnate so AWURADE pɛle bɛ asue fili ye nyunu. Na Sedekia yɛle Babilɔn hene nwo lɔen.

Yesaya 24:5

Efiɛ ahã aseɛ ye, so ama bɛ yɔleɛ ti, ofikyɛ bato mmeraa ne, batu ahyɛdeɛ ne bagua, yeɛ babu apam afebɔɔ ne aso.

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Yeremia 32:24

Ao nea, bagyinagyina nyinasoɛ mɔ wɔ kuro ne anwo kyɛ bɛfa betua kuro ne bedi so ngonim, na ɔnate ngrandɛ ne ɛhɔen ne ewue anwonyerɛ ne ati, bafa kuro ne bawura Kaldeafoɛ bɔ bafa koɛ bateta ye ne, bɛ sa. Edwirɛ bɔ ɛhane ne wawa nu, na nea, wɔ bɔbɔ enwu ye.

Numeri 33:56

Na nikyee bɔ nyɛle m’adwene kyɛ ngɔfa ngɔyɔ bɛ ne, ɛmɔ yeɛ ngɔfa ngɔyɔ ɛmɔ ɔ.”

Deuteronomi 17:3

kyɛ waaso nyameɛ foforɛ biemɔ wakoto bɛ: kyɛ eyia oo, ɛsraen oo, anaa anwuro abɔdeɛ mɔ bɔ mabera ne oo,

Deuteronomi 28:15

“Nakoso sɛ andie AWURADE wɔ Nyameɛ dwirɛ, ná anni ye mmeraa dwirɛ ne ye ahyɛdeɛ bɔ mehyɛ mema wɔ ɛnɛ ye aso nahorɛ nu a, ye de sɔ musue ye amukoraa kɔto wɔ, na okobu kɔfa wɔ so:

Deuteronomi 6:15

ofikyɛ AWURADE wɔ Nyameɛ bɔ ɔne wɔ nate ne, ɔte nungunɛ Nyameɛ. AWURADE wɔ Nyameɛ kɔfɛ wɔ so yaa piri paa, na okohu wɔ kokyikyi wɔ boso kofi aseɛ ye aso.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 2:20

Yiti AWURADE fɛle Yisrael so yaa paa, na osele kyɛ, “Ɔnate kyɛ maen he abu m’apam bɔ nhyehyɛle mane bɛ nana mɔ ne aso, ná bandie me dwirɛ ne ati,

1 Samuel 12:25

Nakoso sɛ ɛmɔtoa so bɛyɔ bɔne a, ye de, ɛmɔ ne ɛmɔ hene ne, ɛmɔ boso konua.”