Yosua 23:14 - AHYERƐLƐ KRONGRON

¹⁴ “Kekesaala ye de, waha kãa né matoa me mbanyi mɔ. Na ɛmɔ ahone nu ne ɛmɔ ti anu de, ɛmɔ amukoraa bɛse kyɛ, nningyein paa bɔ AWURADE ɛmɔ Nyameɛ ɔfa hyɛle ɛmɔ bɔ ne, nu ko po nne berɛ bɔ wali ɛmɔ ngasi wɔ nu ɔ; ye mukoraa awa nu ama ɛmɔ, ko po anni ngasi.

Yosua 23:14 Iomraidhean Croise

Gyenesise 47:29

Na mmerɛ bɔ Yisrael wue pingyele ne, ɔfrɛle ɔwa Yosef sele ye kyɛ, “Sɛ anya alo me a, ye de fa wɔ sa bawura me sɔ abo, na hyɛ ɛbɔ kitii kyɛ ekoli nahorɛ kɔma me: Sɛ mewu a, nnɛsie me wɔ Misraim.

1 Ahemvo 2:2

“Wahã kãa né mafi aseɛ ye aso maatoa me mbanyi mɔ. Gyina pindinn, ma wɔ hue yɛ se,

1 Ahemvo 8:56

“Animnyam hã AWURADE bɔ wama ye maen Yisrael banya asomdwee, kyɛbɔ ɔhyɛle bɔ ne ala. Nningyein paa bɔ ɔnate ye somvoɛ Mose so hyɛle ye nwo bɔ ne amukoraa, nu ko po nne berɛ bɔ wamma nu ɔ.

YOB NWOMAA NE 30:23

Amba, mese kyɛ ɛkɔfa me kɔhɔ ewue nu, awuro bɔ ebiala bɔ ɔte ase ne, ɔkɔhɔ nu bie ne anu.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Nworɛ Dwirɛhanɛniɛ 12:5

kyẽa bɔ sona kosuro nningyein bɔ so kɔ anwuro ɔ, bɔ atee so kɔyɛ suro ɔ, bɔ atonwaa kɔbɔ nyerɛen ɔ, bɔ torɔka kɔhwe ye nwo ase ɔ, bɔ akɔnnɔ bo kɔpɛ ɔ; ofikyɛ sona kɔ ye awuro afebɔɔ ne anu, bɔ ɛsɛenvoɛ bekyinikyini mmorɔnoɛ so ɔ;

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Luka 21:33

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,

1 Samuel 3:19

Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.