Yosua 23:13 - AHYERƐLƐ KRONGRON

¹³ ye de ɛ́mɔnwu ye kyɛ, AWURADE ɛmɔ Nyameɛ ne, ɔngɔfoa maen maen hemɔ ngofi ɛmɔ nyunu ko, na mmom bɛkɔkakyi ɛmɔ so ngaen ne atodum. Bɛkɔkakyi mbire bekofi ɛmɔ, ná bakakyi mmowue bawowɔ ɛmɔ nye, kɔpem kyɛ ɛmɔkowuwu bekofi aseɛ paa he bɔ AWURADE ɛmɔ Nyameɛ wafa wama ɛmɔ ne aso ɔ.

Yosua 23:13 Iomraidhean Croise

1 Ahemvo 11:4

Ofikyɛ Solomon yɛle aworowaa ne, ɔye nemɔ mane ye adwene kakyili oolili nyameɛ foforɛ mɔ si, ná wanni nahorɛ wamma AWURADE ye Nyameɛ, kyɛbɔ ye baba Dawide de olili nahorɛ mane AWURADE ne.

2 Ahemvo 17:18

Yiti AWURADE fɛle Yisrael so yaa paa, na ɔfoane bɛ fili ye nyunu; mmusua kure nemɔ anu biala wanga, sana Yuda angome.

2 Ahemvo 17:20

AWURADE pole Yisrael boso ama amukoraa. Ɔhwene bɛ so fale bɛ wurale apaabɔlɛfoɛ mɔ sa, kɔpem kyɛ ɔfoane bɛ fili ye nyunu ɔ.

2 Ahemvo 25:21

Babilɔn hene maa befini bɛ mbire, na ɔmaa behuhuni bɛ wɔ Ribla bɔ ɔwɔ Hamate aseɛ so ne. Yiti bɛhyele Yudafoɛ nnure befili bɛ maen nu bɛhɔle.

2 Ahemvo 25:26

Yeɛ mmenia ne amu, atitire ne kwahweabaa mɔ, bɛ ne safohene nemɔ bɛnwati bɛhɔle Misraim, ofikyɛ né besuro kyɛ Babilɔnfoɛ kootua bɛ so kerɛ.

Edwein 69:22

Bɛ bɔbɔ bɛ poen bɔ bato ne, maa ɔkakyi bɛ so ngaen; ma bɛ nwo waenbɔlɛ ne, ɔkakyi bɛ so kafoli.

Ɛksadɔso 10:7

Na Faro mbanyi mɔ sele ye kyɛ, “Kyinzu koraa yeɛ biaa he kosua yɛ ngaen maa ɔkɔɔpem ɔ? Ma mmienzua ne bɛhɔ bɛɛsɔne AWURADE bɛ Nyameɛ ne. Aso ennwu ye kyɛ Misraim abɔ ɔ?”

Ɛksadɔso 23:33

Nnɛmaa bɛtena w’aseɛ so, anyɔ a né bamaa ayɔ bɔne atia me; ofikyɛ sɛ ɛso bɛ bosoen nemɔ a, ɔkɔyɛ wɔ so ngaen.”

Ɛksadɔso 34:12

Aseɛ bɔ ɛ́kɔ so ne, nea yé ná ɛne so ama anyɛ apam, ná wanyɛ wɔ so ngaen.

Ɛksadɔso 34:16

Annea a, né agyigya bɛ mmrasua nemɔ bie ama wɔ mma mmienzua nemɔ. Na bɛ mma mmrasua nemɔ bɛbɔ adwaman bedi bɛ bosoen nemɔ asi a, bɛkɔma wɔ mma mmienzua nemɔ koso kɔbɔ adwaman koli bɛ bosoen nemɔ asi bie.

Hesekiel 28:24

“Na Yisrael awuro ama de, maen maen amukoraa bɔ bapɛ bɛ nwo bayia, bɔ bebu bɛ animtia ne, bɛngɔkakyi bɛ so ɛfone anaa mmowue ngɔwowɔ bɛ ko. Na afei bekonwu kyɛ me ole AWURADE Nyameɛ.

Numeri 33:55

Nakoso sɛ ɛmɔamvoa aseɛ ne aso ama bamvi ɛmɔ nyunu a, ye de bɛ bɔ ɛmɔkɔmaa bɛkɔha aseɛ ne aso ne, bɛkɔyɛ kyɛ mmakaa bɛkɔwowɔ ɛmɔ nye, bɛkɔyɛ kyɛ mmowue bɛkɔwowɔ ɛmɔ mvenu, na bɛkɔha ɛmɔ adwene wɔ aseɛ bɔ ɛmɔkwaatena so ne aso.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Deuteronomi 29:28

AWURADE fɛle yaa. Ole ɛyaa piri ne ɛyaa hahii yeɛ otuli bɛ fili b’aseɛ so ɔ, na waagyi bɛ wagua aseɛ foforɛ so, kyɛbɔ kekesaala ye ɔte ye.’

Deuteronomi 30:18

ye de mekã mekyire ɛmɔ ɛnɛ kyɛ, ewue yeɛ ɛmɔkowu ɔ; na aseɛ bɔ ɛ́mɔpɛ asue Yɔɔdan bɛkɔɔfa bɛtena so ne, ɛmɔngɔtena so ngɔhyɛ.

Deuteronomi 4:26

ye de méfrɛ anwuro ne aseɛ maa bedi adanzeɛ betia ɛmɔ ɛnɛ kyẽa ye, kyɛ ɔngɔhyɛ biala ɛmɔ boso konua bɔkɔɔ wɔ aseɛ bɔ ɛmɔkwaapɛ asue Yɔɔdan bɛkɔfa ne aso. Ɛmɔngɔtena so bɛngɔhyɛ, na ɛmɔ boso konua bɔkɔɔ.

Deuteronomi 7:16

Na ekohũhũ mmenia bɔ AWURADE wɔ Nyameɛ kɔfa bɛ kowura wɔ sa ne amukoraati. Nnɛnwu bɛ anwumvoin, yeɛ nnɛso bɛ nyameɛ nemɔ, ofikyɛ ɛhe kɔyɛ wɔ so ngaen.

2 Timoteo 2:26

ná banya bɛ ti badidi nu bafi abɔnzam bɔ wahye bɛ nnure kyɛ bɛyɔ ye apɛdeɛ ne, ye ngaen nu.

Maenbulɛfoɛ 2:21

maen maen bɔ Yosua wanni bɛ so ngonim koraka yeɛ owu ne, mengɔfoa bɛ nu biala mengofi bɛ nyunu ko.”