Yosua 23:11 - AHYERƐLƐ KRONGRON

¹¹ Yiti ɛ́mɔnea ɛmɔ nwo yé, ná ɛmɔhuro AWURADE ɛmɔ Nyameɛ dwirɛ.

Yosua 23:11 Iomraidhean Croise

Ɛksadɔso 20:6

Nakoso bɛ bɔ bekuro me dwirɛ, ná bedi me mmeraa dwirɛ so ne de, mekuro bɛ dwirɛ maa okodwu aworɛ ndoatoasoɛ apee apee so.

Anyandera 4:23

Adwene bɔ ɛkɔfa ne, dwene ye nwo yé paa, ofikyɛ nu yeɛ ngoa ofi ba ɔ.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

1 Korintofoɛ 8:3

Na sona bɔ okuro Nyameɛ dwirɛ nen, ye yeɛ Nyameɛ se ye ɔ.

Ɛfesofoɛ 5:15

Yiti ɛ́mɔnea ɛmɔ nwo yé wɔ atee bɔ ɛmɔnate so ɔ nwo; nnɛma ɛmɔyɛ kyɛ mmenia bɔ bɛnze nworɛ ɔ, na mmom kyɛ nworɛfoɛ.

Deuteronomi 30:16

[Sɛ edi AWURADE wɔ Nyameɛ mmeraa] bɔ mehyɛ mema wɔ ɛnɛ ye aso, ná ekuro AWURADE wɔ Nyameɛ dwirɛ, ná ɛfa ye atee so, ná edi ye mmeraa dwirɛ ne ye ahyɛdeɛ ne ye nhyehyɛleɛ so a, ye de ekonya ngoa, na ɛkɔta pee, na AWURADE wɔ Nyameɛ koyira wɔ wɔ aseɛ bɔ ɛkwaafa tena so ne aso.

Deuteronomi 30:20

Kuro AWURADE wɔ Nyameɛ dwirɛ, tie ye dwirɛ, ná fa wɔ nwo bɔ ye; ofikyɛ, sɔ yeɛ ɔkɔmaa ekonya ngoa ná anyi ahyɛ ɔ. Na ɛkɔtena aseɛ bɔ AWURADE tale ndaen kyɛ ɔkɔfa kɔma wɔ nana mɔ Abraham, Yisake ne Yakob ne aso.”

Deuteronomi 4:15

“Kyẽa bɔ AWURADE dwudwo hyirele ɛmɔ fili see ne anu wɔ Horebo nen, ɛmɔannwu AWURADE, yiti ɛmɔnea ɛmɔ nwo yé paa,

Deuteronomi 4:9

“Nakoso ɛ́mɔnea yé, ɛ́mɔnea ɛmɔ nwo yé, ná ɛmɔ wora amvi nningyein bɔ ɛmɔ nye anwu ye ne, yeɛ nnɛmɔma ofi ɛmɔ ti anu le wɔ mmerɛ biala bɔ ɛmɔte ngoa nu ɔ. Ɛ́mɔfa béhyirehyire ɛmɔ mma ne ɛmɔ nnomaa;

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Yosua 22:5

Ɛ́mɔnea yé ná ɛ́mɔli mmeraa dwirɛ ne mmeraa bɔ AWURADE somvoɛ Mose hyehyɛ mane ɛmɔ ne aso: kyɛ ɛmɔhuro AWURADE ɛmɔ Nyameɛ dwirɛ, kyɛ ɛ́mɔli ye dwirɛ amukoraa so, kyɛ ɛ́mɔli ye mmeraa dwirɛ so, kyɛ ɛ́mɔfa bɛ nwo bɛbɔ ye, ná ɛ́mɔfa ɛmɔ ahone mukoraa ne ɛmɔ kra mukoraa bɛso ye.”

Yosua 23:10

Ɛmɔ nu sona ko kora foa mmenia apee, ofikyɛ AWURADE ɛmɔ Nyameɛ yeɛ ɔko ma ɛmɔ ɔ, kyɛbɔ ɔhyɛle ɛmɔ bɔ ne.

Yosua 23:12

Ofikyɛ sɛ ɛmɔanni nahorɛ, ná maen maen hemɔ anu mmenia bɔ baha wɔ ɛmɔ nwo wa ye, ɛmɔ ne bɛ bɔ afɛ, ná ɛmɔgyigya bɛ nwo, bɔ ɛmɔgya bɛ mmrasua ma bɛ koso begya ɛmɔ deɛ a,