Yosua 23:10 - AHYERƐLƐ KRONGRON

¹⁰ Ɛmɔ nu sona ko kora foa mmenia apee, ofikyɛ AWURADE ɛmɔ Nyameɛ yeɛ ɔko ma ɛmɔ ɔ, kyɛbɔ ɔhyɛle ɛmɔ bɔ ne.

Yosua 23:10 Iomraidhean Croise

2 Samuel 23:8

Dawide koɛhonɛfoɛ ahoneserɛfoɛ nemɔ, bɛ dumaa ɛhe: Takemoniniɛ Yosebo Basebete bɔ né ɔla koɛhonɛfoɛ ahoneserɛfoɛ nza nemɔ noa ne. Ɔhwene ye pealɛɛ wɔ mmenia ɛyaa mmɔtwɛ so huhuni bɛ wɔ koɛ komapɛ anu.

1 Aberɛso Dwirɛ 5:20

Nyameɛ bokale Rubenfoɛ, Gadefoɛ yeɛ Manase abusua kure ne bue maa belili Hagritefoɛ ne bɛ bɔ bɛboka bɛ so ne amukoraa so ngonim, ofikyɛ besu bɛfrɛle Nyameɛ wɔ koɛ ne anu. Nyameɛ tiele bɛ mbaeɛ, ofikyɛ bɛfale bɛ nwo bɛtole ye so.

1 Aberɛso Dwirɛ 5:22

Pɔfoɛ nemɔ pee totɔle, ofikyɛ Nyameɛ ho tiale bɛ, na Rubenfoɛ, Gadefoɛ, yeɛ Manase abusua kure ne bue bɛtenane pɔfoɛ nemɔ aseɛ ne aso alaa kɔpem kyɛ ebiemɔ bɛɛhyele bɛ koso nnure bɛhɔle ɔ.

Edwein 35:1

Ao AWURADE, tu wɔ nye sie bɛ bɔ betu bɛ nye besie me so ɔ nemɔ aso, na ko tia bɛ bɔ bɛko betia me ne!

Edwein 46:7

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Ɛksadɔso 14:14

AWURADE kɔho kɔma ɛmɔ, yiti ɛmɔ de, ɛ́mɔyɛ konn.”

Yesaya 30:17

Bɛ nu ko nwo suronyi ɔkɔma mmenia apee kɔnwati, bɛ nu nnu nwo suronyi ɔkɔma ɛmɔkɔnwati, kɔpem kyɛ ɛmɔ ayieleɛ kɔyɛ kyɛ frangaa bɔ ogyi bokaa ti afia ɔ, kyɛ sɛngyerɛnneɛ bɔ ogyi pambaa so ɔ.

Lewitikɔso 26:7

Ɛmɔkɔfoa ɛmɔ pɔfoɛ mɔ, na bɛkɔtotɔ ɛmɔ ngrandɛ noa.

Lewitikɔso 26:8

Ɛmɔ nu mmenia nnu kɔfoa mmenia ɛyaa ko, yeɛ ɛmɔ nu mmenia ɛyaa ko kɔfoa mmenia apee buru, na ɛmɔ pɔfoɛ mɔ kɔtotɔ ɛmɔ ngrandɛ noa.

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

Deuteronomi 20:3

Ɔ́ha hyire bɛ kyɛ, ‘Yisrael, tie, ɛnɛ kyẽa ye, ɛne wɔ pɔfoɛ mɔ bɛkwaaho koɛ. Nnɛma wɔ kunu tete wɔ, nnɛsuro, nnɛma wɔ nwo wosowoso wɔ, yeɛ nnɛma bɛ nwo suronyi tɔ wɔ so.

Deuteronomi 20:4

Ofikyɛ AWURADE ɛmɔ Nyameɛ yeɛ ɔne ɛmɔ nate ɔ, kyɛ ɔne ɛmɔ pɔfoɛ mɔ kwaaho ma ɛmɔ, ná odi ngonim ma ɛmɔ.’

Deuteronomi 28:7

“Wɔ pɔfoɛ mɔ bɔ bedwɔso betia wɔ ne, Nyameɛ kɔmaa bekoli ngoguo wɔ wɔ nyunu. Bɛkɔfa atee ko aso bɛkɔwa wɔ so, nakoso bɛkɔfa atee ahoroɔ nzoo so bɛkɔnwati bekofi wɔ nyunu.

Deuteronomi 3:22

Nnɛma ɛmɔsuro bɛ, ofikyɛ AWURADE ɛmɔ Nyameɛ yeɛ ɔko ma ɛmɔ ɔ.’

Deuteronomi 32:20

Na osele kyɛ, ‘Ngɔye me nye ngofi bɛ so, ná manea kyɛbɔ b’ayieleɛ kosi koyie bɛ ɔ, ofikyɛ bɛte amumuyɛɛ aworɛ ndoatoasoɛ, mmaa bɔ nahorɛ nne bɛ nu ɔ.

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.

Yosua 10:42

Yosua lili ahemvo hemɔ amukoraa ne b’aseɛ so ngonim wɔ koɛ komapɛ anu, ofikyɛ AWURADE Yisrael Nyameɛ yeɛ ɔho mane Yisrael ɔ.

Yosua 23:11

Yiti ɛ́mɔnea ɛmɔ nwo yé, ná ɛmɔhuro AWURADE ɛmɔ Nyameɛ dwirɛ.

Yosua 23:3

Ɛmɔ bɔbɔ bɛ nye tua nikyee biala bɔ ɔnate ɛmɔ ti AWURADE ɛmɔ Nyameɛ wafa wayɔ sɔ maen hemɔ amukoraa ɔ, ofikyɛ AWURADE ɛmɔ Nyameɛ ne, ye yeɛ ɔho mane ɛmɔ ɔ.

Maenbulɛfoɛ 15:15

Samson nwuni afunum awogyee monɛ bie. Ɔkoto fale, na ɔfa huni mmienzua apee ko.

Maenbulɛfoɛ 3:31

Ehude ewue asi ne, Anate awa Samega dwɔsole, ná ɔfale pɔmaa bɔ bɛfa bɛka nandwie huni Filistifoɛ ɛyaa nzia. Ye koso ɔɔpepɛ lele Yisrael.

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”