Yosua 23:1 - AHYERƐLƐ KRONGRON

¹ Afoɛ pee asi ne, mmerɛ bɔ AWURADE mane Yisrael nyane asomdwee fili ye pɔfoɛ amukoraa bɔ bapɛ ye nwo bayia sa nu nen, mmerɛ bɔ né Yosua anyi wayɛ aworowaa ne,

Yosua 23:1 Iomraidhean Croise

Gyenesise 25:8

Abraham yɛle aworowaa posoposo, ɔyɛle panyi paa, na owuli ye mbanyi nu asomdwee nu. Na ɔtoale ye mbanyi mɔ.

1 Ahemvo 1:1

Nana Dawide nyini paa yɛle aworowaa. Ɔwɔ nu kyɛ bɛfale ɛtena begurɔle ye nwo de, nakoso né ɛyerɛ tɛ ku ye.

1 Aberɛso Dwirɛ 23:25

Na Dawide hane kyɛ, “AWURADE Yisrael Nyameɛ wama ye mmenia banya asomdwee, na ɔte Yerusalem afebɔɔ.

1 Aberɛso Dwirɛ 27:1

Nana Dawide koɛhonɛfoɛ bɔ kure ko biala te apee aburanyɔ ne nna, bɔ né kure ko biala kɔ adwuma bosome ko wɔ afoɛ biala nu ne, Yisraelfoɛ mmusua mmusua mbanyi, koɛhonɛfoɛ apee apee so safohene mɔ ne ɛyaa ɛyaa so safohene mɔ, ɔne bɛ mbanyi bɔ bɛnea bɛ so bɛfa bɛso Nana Dawide ne, bɛ ɛhe:

2 Aberɛso Dwirɛ 14:1

Abiya toale ye mbanyi mɔ. Besiele ye wɔ Dawide kuro, na ɔwa Asa lili ye bia. Asa aberɛ so maen ne nyane asomdwee afoɛ buru.

2 Aberɛso Dwirɛ 14:5

Afei koso, otutuli asɔneyɛɛ nemɔ ne ɛyɛɛ afɔleɛ bokyea nemɔ abo fili Yuda nguro amukoraa so. Na ye aberɛ so, maen ne nyane asomdwee.

2 Aberɛso Dwirɛ 20:30

Na asomdwee wale Yehosafate ahennie nu, ofikyɛ ye Nyameɛ ma onyane asomdwee pɛle ye nwo amukoraa bra yiale.

Edwein 46:9

Ɔmaa koɛ bo ɔpɛ alaa kɔka aseɛ noa dɔ; obubu agyaen nu, na obubu pealɛɛ nu gɔsɔgɔsɔ, na ɔfa see yera teaseɛnam mɔ.

Yesaya 63:14

Na AWURADE Sunzum ne maa belele bɛ nwome kyɛ nandwie mɔ bɔ bɛtorotoro bɛkɔ bɔnza nu ɔ. Sɔ yeɛ ehyirele wɔ maen atee ɛfa nyane animnyam dumaa mane wɔ nwo ɔ.

Deuteronomi 31:2

osa toale so sele bɛ kyɛ, “Kekesaala ye, mali afoɛ ɛyaa ko ne aburanyɔ. Me a mengora kɔ, yeɛ mengora ba. Na AWURADE aha ahyire me kyɛ, ‘Nnɛpɛ asue Yɔɔdan kɔ ye si.’

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.

Yosua 13:1

Né Yosua ayɛ panyi, yeɛ afei né wayɛ aworowaa; na AWURADE sele ye kyɛ, “Ayɛ panyi, yeɛ afei ayɛ aworowaa, nakoso aseɛ bɔ waha bɔ ɔsɛ kyɛ ɛmɔfa bɛyɛ bɛ deɛ ne, ɔte dɔnn.

Yosua 21:44

AWURADE bɔle bɛ atenaseɛ asomdwee nu wɔ aseɛ ne aso nekaa biala, kyɛbɔ ɔtale ye nwo ndaen hyirele bɛ nana mɔ ne. Bɛ pɔfoɛ amukoraa nu ko po wangora bɛ nyunu gyina, ofikyɛ AWURADE maa belili bɛ mukoraa so ngonim.

Yosua 22:4

Afei AWURADE ɛmɔ Nyameɛ wabɔ ɛmɔ aliɛma mɔ atenaseɛ asomdwee nu, kyɛbɔ ɔhyɛle bɛ bɔ ne. Yiti ɛ́mɔsa ɛmɔ si bɛhɔ ɛmɔ kuro, wɔ aseɛ bɔ waayɛ ɛmɔ deɛ ne aso, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si dɔ ne.

1 Samuel 12:2

Ɛ́mɔtie, afei de, ɛhene ne yeɛ ɔla ɛmɔ noa ɔ. Me de, mayɛ aworowaa bɔ mafu gyein ɔ, nakoso me mma mmienzua nemɔ de, bɛboka ɛmɔ so. Mali ɛmɔ nyunu toonn fite me ngwadaa nu maa waadwu ɛnɛ kyẽa ye.