Yosua 22:9 - AHYERƐLƐ KRONGRON

⁹ Yiti Rubenfoɛ, Gadefoɛ ne Manase abusua kure ne bue yakyili Yisraelfoɛ ngaa ne wɔ Silo, bɔ ɔwɔ Kanaan aseɛ so. Na besili nu kyɛ besa bɛkɔ Gileade bɔ ɔte bɛ bɔbɔ b’aseɛ ne aso; aseɛ bɔ begyinane AWURADE ahyɛdeɛ bɔ ɔnate Mose so bɛfale ne.

Yosua 22:9 Iomraidhean Croise

2 Samuel 2:9

Ɔfale ye sili Gileade, Asurifoɛ, Yesreel, Efraim, Benyamin ne Yisrael mukoraa so hene.

1 Aberɛso Dwirɛ 5:9

Na ɔnate kyɛ né bɛ nyɛmmoa nemɔ bata pee wɔ Gileade aseɛ so ne ati, bɛtenane eyia afiteleɛ so alaa beedwuli ɛserɛ bɔ ɔla asue Yufreti nwo ne, ye noa.

Edwein 60:7

Gileade te me deɛ, yeɛ Manase koso te me deɛ; Efraim te me buralɛ kyerɛ; Yuda te me hɔtɔ.

Numeri 32:1

Né Ruben boso ama mɔ ne Gade boso ama mɔ bele nyɛmmoa pee paa. Mmerɛ bɔ Gadefoɛ ne Rubenfoɛ nwuni kyɛ Yasere aseɛ ɔne Gileade aseɛ te paa ma ngaka sielɛ ne,

Numeri 32:20

Yeɛ Mose sele bɛ kyɛ, “Sɛ ɛmɔyɔ ɛhemɔ a: sɛ ɛmɔfa akodeɛ ná ɛmɔkɔ koɛ wɔ AWURADE nyunu,

Numeri 32:22

ná AWURADE di aseɛ ne aso ngonim a, ye si ye, ɛmɔkɔhora bekosa bɛ si. Sɛ ɔba ye sɔ a, né ɛmɔnni AWURADE ne Yisrael nyunu fɔ, na aseɛ he kɔyɛ ɛmɔ agyapadeɛ AWURADE nyunu.

Numeri 32:26

Yɛ mma mɔ, yɛ ye mɔ, yɛ mmoaen kure mɔ, ɔne yɛ nyɛmmoa amukoraa kɔhɔ so bɛkɔtena Gileade nguro nemɔ anu.

Numeri 32:29

Na Mose sele bɛ kyɛ, “Gadefoɛ ne Rubenfoɛ, bɔ bɛ nu biala waboaboa ye nwo kyɛ ɔkɔ koɛ ma AWURADE ne, sɛ bɛ ne ɛmɔ pɛ asue Yɔɔdan ná ɛmɔkodi aseɛ ne aso ngonim a, ye de ɛ́mɔfa Gileade aseɛ ne bɛ́ma bɛ ma ɔyɛ b’agyapadeɛ.

Deuteronomi 3:18

“Sɔ mmerɛ ne, nhyɛle ɛmɔ kyɛ, ‘Ɔwɔ nu kyɛ AWURADE ɛmɔ Nyameɛ afa aseɛ he wama ɛmɔ kyɛ ɛmɔfa bɛtena so de, nakoso ɔsɛ kyɛ ɛmɔ koɛhonɛfoɛ ne amukoraa bɛfa akodeɛ bɛse bedi ɛmɔ aliɛma mɔ Yisraelfoɛ nyunu.

Deuteronomi 3:20

kɔpem kyɛ AWURADE kɔma ɛmɔ aliɛma mɔ konya nekaa kole bɛ nwome, kyɛbɔ wayɔ wama ɛmɔ ne; kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ wɔ asue Yɔɔdan si dɔ ne ɔ. Na ɛhe asi ne, ebiala kɔhora kosa kɔɔfa ye aseɛ bɔ mafa mama ɛmɔ ne.’

Deuteronomi 34:1

Afei Mose fili Moabo aseɛ frɛtɛɛ ne aso, na ɔfo hɔle Nebo bokaa ne aso, wɔ Pisiga ti afia, wɔ Yeriko ndendeneɛ so. Na AWURADE hyirele ye aseɛ ne amukoraati, fite Gileade bɔ ɔkwaadwu Dan,

Yosua 13:11

Yeɛ Gileade, Gesurefoɛ ne Maakatifoɛ aseɛ, Hɛmɔn bokaa ne amukoraa, Basan amukoraa bɔ ɔkwaadwu Saleka ne.

Yosua 13:25

B’aseɛ ne noa fa Yasere, Gileade nguro ne amukoraa, ɔne Amonfoɛ aseɛ ne bue, toonn bɔ ɔkwaadwu Aroye bɔ ɔwɔ Raba eyia afiteleɛ ne;

Yosua 13:31

Gileade bue, Astarote ne Yedrei, Ogo ahennie nu nguro bɔ bɛwɔ Basan. Mose fale sɔ aseɛ ne amukoraa mane Manase awa Makyiri ye bosofoɛ, kyɛbɔ bɛ mmusua mmusua nemɔ te ɔ; kyɛ ɔyɛ Makyirifoɛ bue nu ko deɛ.

Yosua 22:10

Mmerɛ bɔ Rubenfoɛ, Gadefoɛ ne Manase abusua kure ne bue beedwuli asue Yɔɔdan porɛ ne anu berɛ wɔ Kanaan aseɛ so nen, besili afɔleɛ bokyea kandinga bie wɔ asue Yɔɔdan noa.

Maenbulɛfoɛ 20:1

Afei Yisraelfoɛ ngaa amukoraa, ofi Dan bɔ ɔkwaadwu Beɛ Hyeba, bɔ Gileade mbɔtam boka so ɔ, bɛbɔle nu bɛwale AWURADE nyunu wɔ Misepa.

Maenbulɛfoɛ 5:17

Gileade hale asue Yɔɔdan asi; na Dan de, nzu ati yeɛ ɔtenane ɛlɛen nemɔ anwo ɔ? Asɛ tenane konn wɔ mboanoa, na ɔbɔle ye atenaleɛ wɔ etii so.