Yosua 22:8 - AHYERƐLƐ KRONGRON

⁸ na osele bɛ kyɛ, “Anwonyadeɛ pee, nyɛmmoa pee, ɛdwetɛ, esikaa kɔkorɛ, kɔɔbere, mmuralɛ ne ndena pee paa yeɛ ɛmɔsa bɛfa bɛkɔ ɛmɔ tena sua nemɔ anu ɔ; na koɛ nu nzesadeɛ bɔ ɛmɔanya bafi ɛmɔ pɔfoɛ mɔ berɛ ne, odi kyɛ ɛmɔ ne ɛmɔ aliɛma mɔ bɛkyɛ.”

Yosua 22:8 Iomraidhean Croise

1 Aberɛso Dwirɛ 5:9

Na ɔnate kyɛ né bɛ nyɛmmoa nemɔ bata pee wɔ Gileade aseɛ so ne ati, bɛtenane eyia afiteleɛ so alaa beedwuli ɛserɛ bɔ ɔla asue Yufreti nwo ne, ye noa.

2 Aberɛso Dwirɛ 17:5

Yiti AWURADE mane Yehosafate ahennie ne abo timuni. Yuda amukoraa tuale ndɔ mane Yehosafate, na onyane anwonya ne animnyam paa.

2 Aberɛso Dwirɛ 32:27

Hesekia nyane ye nwo tam, na onyane animnyam koso. Na osisili sua bɔ bɛfa sɔ nningyein hemɔ besie nu ɔ: ɛdwetɛ, esikaa kɔkorɛ, nyɔboɛ bɔ ye nyɔboɛ yɛ se ɔ, ayirefona, akokyɛm, ɔne nningyein ahoroɔ bɔ bɛ nyɔboɛ yɛ se ɔ.

Edwein 68:12

“Koɛhonɛfoɛ b’ahemvo mɔ bɛnwatinwati!” Mmrasua bɔ bɛwɔ awuro yeɛ bɛkyɛ koɛ nu nzesadeɛ ne ɔ,

Anyandera 3:16

Ngoa tendenn wɔ ye sa famaa nu, yeɛ anwonya ne animnyam wɔ ye sa bɛen nu.

Numeri 31:27

Kyɛ koɛ nu nzesadeɛ ne anu nyɔ: fa bue ko ma koɛhonɛfoɛ bɔ bɛhɔle koɛ ne, ná fa bue ko koso ma Yisraelfoɛ ngaa ne amukoraa.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

Hebrifoɛ 11:26

Na onwuni kyɛ sɛ ɔnate Kristo ti begua wɔ nyunu ase a, ye nwo le mvasoɛ tra kyɛ ekonya Misraim anwonyadeɛ ɔ, ofikyɛ né ye nye la kyẽa bie akatuaa so.

1 Samuel 30:16

Misraimniɛ ne fale Dawide hɔle apaabɔlɛfoɛ nemɔ dɔ. Né bayɛ berɛ amukoraa birikabirika. Né begu so bedidi, bɛno, bego abilie, ɔnate koɛ nu nzesadeɛ worawora bɔ baafa ye Filistifoɛ aseɛ so ne Yuda aseɛ so ne ati.

1 Samuel 30:24

Bɔ ɛmɔaha ne, ebiala ne ɛmɔ nyɛ adwene. Ofikyɛ, sona bɔ ogyina koɛ noa ne, ye koɛ nu nzesadeɛ bue deɛ ne, sɔ ala yeɛ sona bɔ ɔneane nningyein ne koso, ɔsɛ kyɛ onya ɔ. Bɛkyɛ ye pɛ.”