Yosua 22:4 - AHYERƐLƐ KRONGRON

⁴ Afei AWURADE ɛmɔ Nyameɛ wabɔ ɛmɔ aliɛma mɔ atenaseɛ asomdwee nu, kyɛbɔ ɔhyɛle bɛ bɔ ne. Yiti ɛ́mɔsa ɛmɔ si bɛhɔ ɛmɔ kuro, wɔ aseɛ bɔ waayɛ ɛmɔ deɛ ne aso, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si dɔ ne.

Yosua 22:4 Iomraidhean Croise

1 Aberɛso Dwirɛ 22:18

“AWURADE ɛmɔ Nyameɛ, aso oggyi ɛmɔ si anaa? Maen mɔ bɔ bapɛ ɛmɔ nwo bayia ye, aso ɔmmane asomdwee ɔwwale ɛmɔ ne bɛ b’afia? Ofikyɛ wafa mmenia bɔ bɛte aseɛ ne aso wawura me sa, na AWURADE ne ye mmenia bali aseɛ ne aso ngonim.

Ɛksadɔso 33:14

Na AWURADE buale kyɛ, “Me bɔbɔ deinn me ne wɔ kɔhɔ, na ngɔmaa ekole wɔ nwome.”

Numeri 32:18

Yɛngosa yɛ si yɛngɔhɔ yɛ awuro kɔpem kyɛ Yisraelfoɛ amukoraa bɛ sa kɔha b’agyapadeɛ ɔ.

Deuteronomi 12:9

ofikyɛ nekaa bɔ ɛmɔkole bɛ nwome, ɔne agyapadeɛ bɔ AWURADE wɔ Nyameɛ ɔ́fa ma wɔ ne, ɛmɔnnya beddwuli berɛ.

Deuteronomi 29:8

Yɛfale b’aseɛ ne, na yɛfa yɛmane Rubenfoɛ, Gadefoɛ ne Manase abusua kure ne bue maa ɔyɛle b’agyapadeɛ.

Deuteronomi 3:20

kɔpem kyɛ AWURADE kɔma ɛmɔ aliɛma mɔ konya nekaa kole bɛ nwome, kyɛbɔ wayɔ wama ɛmɔ ne; kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ wɔ asue Yɔɔdan si dɔ ne ɔ. Na ɛhe asi ne, ebiala kɔhora kosa kɔɔfa ye aseɛ bɔ mafa mama ɛmɔ ne.’

Hebrifoɛ 4:8

Na sɛ Yosua maa benyane nwomelelɛ ne a, ahaa nziɛ ye Nyameɛ wangã kyẽa foforɛ nwo dwirɛ ko.

Yosua 1:15

kɔpem kyɛ AWURADE kɔbɔ ɛmɔ aliɛma nemɔ atenaseɛ asomdwee nu, kyɛbɔ wayɔ wama ɛmɔ ne, kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ ne ɔ. Ɛhe asi ne, né ɛmɔasa bawa baafa ɛmɔ bɔbɔ b’aseɛ deɛ ne, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si, wɔ eyia afiteleɛ bue nu dɔ ne.”

Yosua 12:6

AWURADE somvoɛ Mose ne Yisraelfoɛ lili bɛ so ngonim, na AWURADE somvoɛ Mose hyɛle b’aseɛ ne mane Rubenfoɛ, Gadefoɛ ne Manase abusua kure ne bue.

Yosua 13:15

Mose fale aseɛ ne bie mane Ruben abusua kure ne, kyɛbɔ bɛ mmusua mmusua nemɔ te ɔ.

Yosua 13:8

Manase abusua kure ne bue ko bɔ waha ne de, né bɛ ne Rubenfoɛ ne Gadefoɛ bali moa banya b’aseɛ deɛ dada. Mose yeɛ ɔfa mane bɛ wɔ asue Yɔɔdan si eyia afiteleɛ bue nu dɔ ɔ, kyɛbɔ AWURADE somvoɛ Mose hyɛ mane bɛ ne:

Yosua 22:3

Mmerɛ ye amukoraa, toonn bɔ ɔbaadwu ɛnɛ ye, ɛmɔanyakyi ɛmɔ aliɛma mɔ nu, na mmom ɛmɔali AWURADE ɛmɔ Nyameɛ ahyɛdeɛ so nahorɛ nu.