Yosua 22:34 - AHYERƐLƐ KRONGRON

³⁴ Na Rubenfoɛ ne Gadefoɛ bɛtole afɔleɛ bokyea ne dumaa kyɛ, Adanzeɛ. Ofikyɛ bɛhane kyɛ, “Ɔte yɛ ne b’afia adanzeɛ kyɛ AWURADE ole Nyameɛ.”

Yosua 22:34 Iomraidhean Croise

Gyenesise 31:47

Laban frɛle nyɔboɛ kure ne Yega Sahaduta, yeɛ Yakob wora ɔfrɛle ye Galeede.

Gyenesise 31:48

Na Laban hane kyɛ, “Sɔ nyɔboɛ kure ye te me ne wɔ afia adanzeɛ ɛnɛ.” Yiti yeɛ ɔmaa bɛfrɛle berɛ Galeede ɔ.

1 Ahemvo 18:39

Mmenia ne amukoraa benwuni ye ne, bɛfale bɛ nyunu bebutubutuli ase, na besele kyɛ, “AWURADE te Nyameɛ amba; AWURADE te Nyameɛ amba.”

Yesaya 19:19

Sɔ kyẽa ne, bekosi afɔleɛ bokyea wɔ Misraim aseɛ ne afia bɛkɔma AWURADE, na bɛkɔfa ngayeɛ nyɔboɛ bɛkɔpena ye wɛen so bɛkɔma AWURADE.

Yesaya 43:10

AWURADE nwa nyoo, “Ɛmɔte m’adanzefoɛ, ɔne me somvoɛ bɔ maneanea nu maye ye ɔ, amaa ɔnate so ɛmɔanwu me ná ɛmɔale me bali, ná ɛmɔate ye bo kyɛ me ole Ye. Banyɔ nyameɛ biala bɔ olili me nyunu wale ɔ, yeɛ ebiala ngofi me si ngɔwa.

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Yosua 22:27

Nakoso ɔkɔyɛ yɛ ne ɛmɔ afia adanzeɛ, ɔne yɛ bosofoɛ bɔ nziɛ ye bɛkɔwa ɔ adanzeɛ, kyɛ yɛfa yɛ naen yeralɛ afɔleɛ ne y’afɔleɛ ne y’asomdwee afɔleɛ yɛso AWURADE wɔ ye nyunu. Na ɔnate so kyẽa bie ɛmɔ mma mɔ ngɔhã ngohyire yɛ mma mɔ kyɛ, “Ɛmɔlle kyɛfa biala wɔ AWURADE nu.” ’

Yosua 24:27

Na Yosua sele maen ne amukoraati kyɛ, “Ɛ́mɔtie, nyɔboɛ he yeɛ ɔte adanzeɛ ɔ, ofikyɛ wate AWURADE dwirɛ amukoraa bɔ waha wahyire yɛ ne. Na sɛ ɛmɔanni nahorɛ bamma ɛmɔ Nyameɛ a, nyɔboɛ ne kɔyɛ adanzeɛ kotia ɛmɔ.”