Yosua 22:30 - AHYERƐLƐ KRONGRON

³⁰ Ɔsɔfo Finehase ne Yisrael mbanyi atitire, bɔ bɛlela Yisrael mmusua mɔ noa, bɔ bɛ ne ye hɔle ne, mmerɛ bɔ bɛtele edwirɛ bɔ Rubenfoɛ, Gadefoɛ ne Manasefoɛ hane nen, bɛ kunu dwole bɛ fɔnwoo.

Yosua 22:30 Iomraidhean Croise

Gyenesise 28:8

Yiti Yisɔ nwuni kyɛ Yisake nye ngye Kanaan mmrasua nemɔ nwo ne,

2 Aberɛso Dwirɛ 30:4

Nana Hesekia ne maen ne amukoraa benwuni kyɛ sɔ nzusuleɛ ne, ɔte paa.

Ɛseta 1:21

Sɔ foɛtulɛ ne yɛle Nana Ahasuro ne ye mbanyi amukoraa fɛ, na Nana Ahasuro yɔle kyɛbɔ Memukan susuli ne ala.

Anyandera 15:1

Ɛyɛ wɔ noa bɛtɛɛ ɛma mmuayɛɛ a, ɔma ahone tɔ nzue nu, nakoso edwudwo fumfum a, ye de ɔma ahone hu.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Yosua 22:29

Yɛddwenene ye nwo le kyɛ yɛkɔyɛ AWURADE nwo lɔen, anaakyɛ ɛnɛ ye yɛkɔyakyi AWURADE si lilɛ ɔ. Yɛngosi afɔleɛ bokyea ngɔbɔ naen yeralɛ afɔleɛ, aburoo afɔleɛ, anaa afɔleɛ wɔ so, bɔ ɔngɔma yɛngɔbɔ afɔleɛ ne wɔ AWURADE yɛ Nyameɛ afɔleɛ bokyea bɔ ogyi ye nyianu sua ne nyunu ɔ!”

Yosua 22:31

Na ɔsɔfo Eleasa awa Finehase sele Rubenfoɛ, Gadefoɛ ne Manasefoɛ kyɛ, “Ɛnɛ de, yanwu ye kyɛ AWURADE gyi yɛ si, ofikyɛ ɛhe de, nna musue nikye yeɛ ɛmɔayɔ batia AWURADE ɔ; na kekesaala ye de, ɛmɔale Yisraelfoɛ bafi AWURADE tumi asohwenɛ nu.”

Yosua 22:33

B’amaneɛ ne yɛle Yisraelfoɛ fɛ. Yisraelfoɛ yele Nyameɛ ayɛ, na banyɛ b’adwene ko kyɛ bɛkɔɔfa koɛ bɛkɔtoa Rubenfoɛ ne Gadefoɛ, bɔ ɔkɔmaa bekohũhũ b’aseɛ ne aso ama ná basɛkye so nningyein ɔ.

Maenbulɛfoɛ 8:3

Nyameɛ afa Midian safohene Orebo ne Seebo wawura ɛmɔ sa. Nikyee titire beni yeɛ mahora mayɔ bɔ odwu bɔ ɛmɔayɔ ye ɔ?” Ɔhane sɔ ne, b’ahone bɔ wahu ne tɔle nzue nu.

1 Samuel 29:6

Afei Akise frɛle Dawide sele ye kyɛ, “Kyɛ AWURADE te ase ye, edi nahorɛ. Ɔhale me ngome a, ahaa ɛne me yeɛ yɛkɔhɔ koɛ ne ɔ; ofikyɛ, ofi kyẽa bɔ ɛɛfale wɔ nwo bɔle me bɔ ɔbaadwu ɛnɛ ɔ, nnwuni wɔ nwo dwirɛ tɛɛ biala. Nakoso ahemvo ngaa nemɔ bɛmbene so kyɛ ɛne yɛ kɔhɔ ɔ.