Yosua 22:29 - AHYERƐLƐ KRONGRON

²⁹ Yɛddwenene ye nwo le kyɛ yɛkɔyɛ AWURADE nwo lɔen, anaakyɛ ɛnɛ ye yɛkɔyakyi AWURADE si lilɛ ɔ. Yɛngosi afɔleɛ bokyea ngɔbɔ naen yeralɛ afɔleɛ, aburoo afɔleɛ, anaa afɔleɛ wɔ so, bɔ ɔngɔma yɛngɔbɔ afɔleɛ ne wɔ AWURADE yɛ Nyameɛ afɔleɛ bokyea bɔ ogyi ye nyianu sua ne nyunu ɔ!”

Yosua 22:29 Iomraidhean Croise

Gyenesise 44:17

Nakoso Yosef sele bɛ kyɛ, “Daabi, mengɔyɔ ye sɔ le! Sona bɔ benwuni kulie ne wɔ ye dɔ ne angome yeɛ ɔkɔyɛ m’akoaa ɔ; ɛmɔ ngaa ne de, ɛ́mɔsa bɛhɔ ɛmɔ ase dɔ asomdwee nu.”

Gyenesise 44:7

Na besele ye kyɛ, “Nzikyɛ dwirɛ yeɛ me mene ɔne yɛ ka ye? Wɔ ngoaa ngɔhora sɔ nikyee ne yɔ le!

1 Ahemvo 21:3

Nakoso Nabɔto buale Ahabo kyɛ, “AWURADE pa gua kyɛ ngɔfa me nana mɔ agyapadeɛ ngɔma wɔ ɔ.”

2 Ahemvo 18:22

Nakoso ebiaa ɛmɔkɔhã bekohyire me kyɛ, ‘Yafa yɛ nwo yato AWURADE yɛ Nyameɛ so.’ Aso nna ye asɔneyɛɛ mɔ ne afɔleɛ bokyea mɔ yeɛ Hesekia wabubu bɛ ye? Aso Hesekia wanga wangyire Yuda ne Yerusalem kyɛ, Afɔleɛ bokyea he bɔ ɔwɔ Yerusalem ne, so yeɛ ɔsɛ kyɛ ɛmɔsɔne ɔ’?

2 Aberɛso Dwirɛ 32:12

Aso nna Hesekia komapɛ ye yeɛ wabubu ye asɔneyɛɛ mɔ ne afɔleɛ bokyea mɔ ye? Aso Hesekia wanhyɛ Yuda ne Yerusalem kyɛ, ‘Afɔleɛ bokyea komapɛ so yeɛ ɔsɛ kyɛ ɛmɔsɔne, na so yeɛ odi kyɛ ɛmɔyera ɛmɔ ɛyɛɛ ɔ?’

Romanfoɛ 3:6

Dabida! Sɛ Nyameɛ nga nahorɛ a, nzaade ɔkɔyɛ sɛɛ né wabua wiase ndɛen?

Romanfoɛ 6:2

Dabida! Yɛ bɔ yawu yafi bɔne nu ne, ɔkɔyɛ sɛɛ ná yahɔ so yatena bɔne nu?

Romanfoɛ 9:14

Afei, yɛkɔhã ye sɛ? Aso Nyameɛ te nyeyemuɛ anaa? Dabida!

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Yosua 22:23

Sɛ yasi afɔleɛ bokyea kyɛ yɛfa yɛtwe yɛ nwo yɛfi AWURADE nwo, anaa sɛ yɛyɔle sɔ kyɛ yɛbɔ naen yeralɛ afɔleɛ wɔ so, anaa aburoo afɔleɛ wɔ so, anaa asomdwee afɔleɛ wɔ so a, ye de ma AWURADE bɔbɔ ɔtɔ yɛ so wereɛ.

Yosua 22:26

Ye sɔ ne ati, yeɛ ɔmaa yɛhane kyɛ, ‘Ɛ́mɔma yɛsi afɔleɛ bokyea, bɔ yɛngɔbɔ naen yeralɛ afɔleɛ anaa afɔleɛ wɔ so ɔ.

Yosua 22:28

Na yɛsusuli kyɛ, sɛ kyẽa bie bɛka sɔ dwirɛ ne bekyire yɛ anaa yɛ bosofoɛ a, yɛkɔha kyɛ, ‘AWURADE afɔleɛ bokyea ne, ɛ́mɔnea ye sɛso bɔ yɛ nana mɔ sili ɔ; bɔ banzi kyɛ bɛbɔ naen yeralɛ afɔleɛ anaa afɔleɛ wɔ so ɔ, na mmom kyɛ ɔkɔyɛ yɛ ne ɛmɔ afia adanzeɛ ɔ.’

Yosua 22:30

Ɔsɔfo Finehase ne Yisrael mbanyi atitire, bɔ bɛlela Yisrael mmusua mɔ noa, bɔ bɛ ne ye hɔle ne, mmerɛ bɔ bɛtele edwirɛ bɔ Rubenfoɛ, Gadefoɛ ne Manasefoɛ hane nen, bɛ kunu dwole bɛ fɔnwoo.

Yosua 24:16

Na Yisraelfoɛ buale kyɛ, “Ɔngɔwa ye sɔ le kyɛ yɛkɔyakyi AWURADE berɛ yɛkɔɔso nyameɛ foforɛ biemɔ ɔ.

1 Samuel 12:23

Yeɛ me koso, ɔngɔwa ye sɔ le, kyɛ ngɔyakyi ɛmɔ nwo mbaeɛbɔlɛ maa ɔnate so ngɔyɔ bɔne ngotia AWURADE ɔ. Atee bɔ ɔte paa ná ɔtengyɛ ne yeɛ ngohyirehyire ɛmɔ ɔ.