Yosua 22:27 - AHYERƐLƐ KRONGRON

²⁷ Nakoso ɔkɔyɛ yɛ ne ɛmɔ afia adanzeɛ, ɔne yɛ bosofoɛ bɔ nziɛ ye bɛkɔwa ɔ adanzeɛ, kyɛ yɛfa yɛ naen yeralɛ afɔleɛ ne y’afɔleɛ ne y’asomdwee afɔleɛ yɛso AWURADE wɔ ye nyunu. Na ɔnate so kyẽa bie ɛmɔ mma mɔ ngɔhã ngohyire yɛ mma mɔ kyɛ, “Ɛmɔlle kyɛfa biala wɔ AWURADE nu.” ’

Yosua 22:27 Iomraidhean Croise

Gyenesise 31:48

Na Laban hane kyɛ, “Sɔ nyɔboɛ kure ye te me ne wɔ afia adanzeɛ ɛnɛ.” Yiti yeɛ ɔmaa bɛfrɛle berɛ Galeede ɔ.

Gyenesise 31:52

Nyɔboɛ kure he te adanzeɛ, yeɛ ngayeɛ nyɔboɛ ye koso te adanzeɛ kyɛ mengɔtra sɔ nyɔboɛ kure he mengɔwa wɔ so mengɔyɔ wɔ hwee, na wɔ koso ɛngɔtra sɔ nyɔboɛ kure ye ne ngayeɛ nyɔboɛ ye ɛngɔwa me so na ɛngɔyɔ me hwee.

Edwein 16:5

AWURADE te m’agyapadeɛ bɔ mafa ɔ, ɔne me ngrabea; wɔ sa nu yeɛ me nwo amukoraa wura ɔ.

Yesaya 19:19

Sɔ kyẽa ne, bekosi afɔleɛ bokyea wɔ Misraim aseɛ ne afia bɛkɔma AWURADE, na bɛkɔfa ngayeɛ nyɔboɛ bɛkɔpena ye wɛen so bɛkɔma AWURADE.

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Yosua 22:10

Mmerɛ bɔ Rubenfoɛ, Gadefoɛ ne Manase abusua kure ne bue beedwuli asue Yɔɔdan porɛ ne anu berɛ wɔ Kanaan aseɛ so nen, besili afɔleɛ bokyea kandinga bie wɔ asue Yɔɔdan noa.

Yosua 22:26

Ye sɔ ne ati, yeɛ ɔmaa yɛhane kyɛ, ‘Ɛ́mɔma yɛsi afɔleɛ bokyea, bɔ yɛngɔbɔ naen yeralɛ afɔleɛ anaa afɔleɛ wɔ so ɔ.

Yosua 22:28

Na yɛsusuli kyɛ, sɛ kyẽa bie bɛka sɔ dwirɛ ne bekyire yɛ anaa yɛ bosofoɛ a, yɛkɔha kyɛ, ‘AWURADE afɔleɛ bokyea ne, ɛ́mɔnea ye sɛso bɔ yɛ nana mɔ sili ɔ; bɔ banzi kyɛ bɛbɔ naen yeralɛ afɔleɛ anaa afɔleɛ wɔ so ɔ, na mmom kyɛ ɔkɔyɛ yɛ ne ɛmɔ afia adanzeɛ ɔ.’

Yosua 22:34

Na Rubenfoɛ ne Gadefoɛ bɛtole afɔleɛ bokyea ne dumaa kyɛ, Adanzeɛ. Ofikyɛ bɛhane kyɛ, “Ɔte yɛ ne b’afia adanzeɛ kyɛ AWURADE ole Nyameɛ.”

Yosua 24:27

Na Yosua sele maen ne amukoraati kyɛ, “Ɛ́mɔtie, nyɔboɛ he yeɛ ɔte adanzeɛ ɔ, ofikyɛ wate AWURADE dwirɛ amukoraa bɔ waha wahyire yɛ ne. Na sɛ ɛmɔanni nahorɛ bamma ɛmɔ Nyameɛ a, nyɔboɛ ne kɔyɛ adanzeɛ kotia ɛmɔ.”

1 Samuel 7:12

Afei Samuel fale nyɔboɛ penane Misepa ne Sɛn b’afia, ɔfrɛle nyɔboɛ ne Ebenesa, na ɔhane kyɛ, “Ɛwa yeɛ AWURADE waboka yɛ waadwu ɔ.”