Yosua 22:25 - AHYERƐLƐ KRONGRON

²⁵ Ofikyɛ ɛmɔ Rubenfoɛ ne Gadefoɛ de, AWURADE afa asue Yɔɔdan wato ɛwɛen wɔ yɛ ne ɛmɔ afia; na ɛmɔlle kyɛfa biala wɔ AWURADE nu.’ Na ɔba ye sɔ a, ɛmɔ mma mɔ kɔma yɛ mma kɔyakyi AWURADE sɔnenɛ.

Yosua 22:25 Iomraidhean Croise

2 Samuel 20:1

Biaa bie bɔ bɛfrɛ ye Hyeba, bɔ onni dwirɛ ngɔ kuro so ɔ, né ɔwɔ (Gilgal) berɛ bie. Ɔse ole Benyaminniɛ Bikri. Ohuli totorobɛndo teane nu sele kyɛ, “Yɛ ne Dawide yɛlle hwee yɛnyɔ oo! Yese awa ne, yɛlle agyapadeɛ biala wɔ ye nu oo! Yisraelfoɛ ee, ebiala hɔ ye awuro!”

1 Ahemvo 12:16

Yisrael amukoraa nwuni kyɛ Nana Rehoboam wanne bɛ dwirɛ ne wando nu, na besele ye kyɛ, “Kyɛfa beni yeɛ yɛle ye wɔ Dawide nu ɔ? Yɛlle agyapadeɛ biala wɔ Yese awa ne anu. Yisrael ee, ebiala ɔhɔ ye awuro oo! Dawide bosoniɛ, koli wɔ mmenia so hene.” Yiti Yisraelfoɛ besili nu bɛhɔle b’awuro.

1 Ahemvo 14:16

Ɔnate Yeroboam bɔne bɔ wayɔ bɔ wahwe Yisrael maen maa bayɔ bie ne ati, AWURADE kɔye ye sa kofi Yisrael bo.”

1 Ahemvo 15:30

Ɔyɔle sɔ, ɔnate Yeroboam bɔne bɔ ɔyɔle, ɔne bɔne bɔ ɔhwene Yisrael hɔle nu, ɔne ɛyaa bɔ owurale AWURADE Yisrael Nyameɛ apue maa ɔfɛle ne ati.

Nehemia 2:20

Yeɛ mmuale bɛ kyɛ, “Nyameɛso Nyameɛ, ye yeɛ ɔkɔmaa yɛkoli ngonim ɔ. Yɛte ye ngoaa mɔ, na yɛkodwɔso yɛkosi. Nakoso ɛmɔ de, ɛmɔlle kyɛfa anaa agyapadeɛ anaa ngayeɛ biala wɔ Yerusalem nu.”

Edwein 16:5

AWURADE te m’agyapadeɛ bɔ mafa ɔ, ɔne me ngrabea; wɔ sa nu yeɛ me nwo amukoraa wura ɔ.

Asomafoɛ 8:21

Yɛ dwumadie ne ɛbboka so, yeɛ elle kyɛfa biala koso wɔ nu, ɔnate kyɛ wɔ nzusuleɛ ndengyɛ wɔ Nyameɛ nyunu.

Yosua 22:24

Nna sɔ ɔ! Ɛhe ati yeɛ yɛsili ɔ: Né yɛsuro kyɛ kyẽa bie ɛmɔ mma kɔha kohyire yɛ mma kyɛ, ‘Nzikyɛ ngitahoɛ koraa yeɛ ɔla ɛmɔ ne AWURADE Yisrael Nyameɛ b’afia ɔ?

Yosua 22:26

Ye sɔ ne ati, yeɛ ɔmaa yɛhane kyɛ, ‘Ɛ́mɔma yɛsi afɔleɛ bokyea, bɔ yɛngɔbɔ naen yeralɛ afɔleɛ anaa afɔleɛ wɔ so ɔ.

Yosua 22:27

Nakoso ɔkɔyɛ yɛ ne ɛmɔ afia adanzeɛ, ɔne yɛ bosofoɛ bɔ nziɛ ye bɛkɔwa ɔ adanzeɛ, kyɛ yɛfa yɛ naen yeralɛ afɔleɛ ne y’afɔleɛ ne y’asomdwee afɔleɛ yɛso AWURADE wɔ ye nyunu. Na ɔnate so kyẽa bie ɛmɔ mma mɔ ngɔhã ngohyire yɛ mma mɔ kyɛ, “Ɛmɔlle kyɛfa biala wɔ AWURADE nu.” ’

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’