Yosua 22:22 - AHYERƐLƐ KRONGRON

²² “AWURADE, ɔte Ɛdangama Nyameɛ! AWURADE, ɔte Ɛdangama Nyameɛ! Ye yeɛ odi yɛ adanzeɛ ɔ, na yɛpena kyɛ Yisrael koso te ye bo. Sɛ yayɛ AWURADE nwo lɔen, anaakyɛ yanni nahorɛ yamma ye a, ye de ɛmɔhu yɛ ɛnɛ.

Yosua 22:22 Iomraidhean Croise

1 Ahemvo 8:39

ye de tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ. Wɔ ngome yeɛ ɛse sona biala ye ti anu dwirɛ ɔ. Yɔ ma ebiala kyɛbɔ ɔfata ye ɔ, ofikyɛ ɛse kuro sona biala ti anu dwirɛ,

YOB NWOMAA NE 10:7

Ɔwɔ nu kyɛ ɛse kyɛ menni fɔ, yeɛ ebiala koso nne berɛ bɔ okole me kofi wɔ sa nu ɔ.

YOB NWOMAA NE 23:10

Nakoso ye de, ɔse atee bɔ mefa so ɔ, na sɛ oso me nea a, ngofi nu ngofite ma me nwo kɔyɛ hyɛmm kyɛ sikaa kɔkorɛ.

YOB NWOMAA NE 31:22

ye de ma m’awaen otu fi me bati ɔpa tɔ, ye de ma me sa bo otu fi me batwɛ.

Edwein 136:2

Ao, ɛmɔla nyameɛ mɔ nu Nyameɛ ne ase, ofikyɛ ye ɔdɔ bɔ onni ngasi ne, ɔwɔ berɛ afebɔɔ.

Edwein 37:6

Na ɔkɔma wɔ tenenee kɔla ali kyɛ kanea, ná wɔ belilɛ ne wata kyɛ eyiagyina.

Edwein 40:9

Mahã tenenee nwo ndɛenvɛen ne wɔ badwa kandinga ne anu. Ao AWURADE, kyɛbɔ wɔ bɔbɔ ɛse ne, amba, mangã me noa mando nu.

Edwein 44:21

aso ahaa Nyameɛ ongonwu ye anaa? Ofikyɛ ye yeɛ ɔse sona ti anu mvealeɛ dwirɛ ɔ.

Edwein 44:22

Ɔnate wɔ ti beku yɛ daa biala, na bebu yɛ kyɛ mmoaen bɔ bɛfa bɛ bɛkɔ akumyɛɛ ɔ.

Edwein 50:1

Tuminiɛ ne, Nyameɛ bɔ ɔte AWURADE ne, wadwudwo, wato ye sa wafrɛ aseɛ ye aso ama amukoraa, fi eyia afiteleɛ kɔka eyia atɔleɛ.

Edwein 82:1

Nyameɛ atena ye bia nu wɔ nyameɛso badwa ne anu, na obua nyameɛ mɔ ndɛen kyɛ,

Edwein 95:3

Ofikyɛ AWURADE te Nyameɛ piri, ɔte Ɛhene piri bɔ ɔtra nyameɛ mɔ amukoraa ɔ.

Edwein 97:7

Mmenia bɔ bɛsɔne mmosoen, bɔ bɛfa amoen mɔ bɛhoahoa bɛ nwo ne, bɛ mukoraa bɛ nyunu agua ase; nyameɛ mɔ amukoraa, odi kyɛ ɛmɔkoto ye.

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Yeremia 12:3

Nakoso AWURADE, wɔ de ɛse me. Anwu me aso me anea, na anwu kyɛbɔ nzi nde ɔ. Twe bɛ kɔ kyɛ mmoaen bɔ bɛ́fa bɛ bɛ́kɔ akumyɛɛ ɔ, na tu bɛ sie berɛ ma ehunɛ kyẽa ne.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Mika 7:9

AWURADE ahonehulɛ ne, mede meto nu, ofikyɛ mayɔ bɔne matia ye, kɔpem kyɛ okoli me dwirɛ kɔma me, ná okobua ndɛen turoloo kɔma me ɔ. Ɔkɔye me kofite kɔwa hyireinn nu, na ngonwu ye tenenee ne.

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Asomafoɛ 1:24

Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye

Asomafoɛ 25:11

Na sɛ mabu mmeraa ne aso, anaa mayɔ nikyee bɔ ɔfata ewue hɔ a, menzrɛ kyɛ nnɛma beku me. Nakoso sɛ nahorɛ biala nne kwaadu bɔ bafa babɔ me ne anu de a, ye de ebiala ngɔhora ngɔye me ngɔma bɛ. Yiti mefa me dwirɛ meto Kaesare nyunu.”

2 Korintofoɛ 11:11

Nzu ati ɔ? Aso menguro ɛmɔ dwirɛ hɔ ɔ? Nyameɛ yeɛ ɔse ɔ.

2 Korintofoɛ 11:31

Na Nyameɛ bɔ ɔte y’Awurade Yesu Kristo Baba, bɔ ɛkamvolɛ te ye deɛ daa daa ne, ɔse kyɛ membɛ ngondombo.

2 Korintofoɛ 5:11

Ɔnate kyɛ yɛse kyɛbɔ Awurade nwo suronyi si te ɔ ne ati, yɛbɔ mmɔden kyɛ yɛkɔma mmenia kosuro ye ɔ. Nyameɛ se kyɛbɔ yɛsi yɛte ɔ, na mede medi kyɛ ɛmɔ tiboa koso ma ɛmɔse kyɛbɔ yɛsi yɛte ɔ.

Deuteronomi 10:17

Ofikyɛ AWURADE ɛmɔ Nyameɛ ne, ɔte nyameɛ mɔ nu Nyameɛ ɔne meneɛ mɔ nu Meneɛ, Nyameɛ piri bɔ ye nwo yɛ suro, bɔ ɔnyɛ nyeyemuɛ, bɔ onne fea-ase-ma ɔ.

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Yosua 22:21

Afei Rubenfoɛ, Gadefoɛ ne Manase abusua kure ne bue buale mbanyi bɔ bɛlela Yisrael mmusua nemɔ noa kyɛ,

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”

1 Samuel 2:3

Nnɛma ɛmɔka nduhoɛ dwirɛ mbiri mbiri ko, nnɛmɔma anwomasoɛ dwirɛ fi ɛmɔ noa nu ba; ofikyɛ AWURADE te Nyameɛ bɔ onwu nikyee biala ɔ, na ye yeɛ obua ebiala yɔleɛ nwo ndɛen ɔ.