Yosua 22:18 - AHYERƐLƐ KRONGRON

¹⁸ Afei de, ɛmɔayakyi AWURADE si lilɛ! Sɛ ɛmɔtwi bɛfa AWURADE dwirɛ so ɛnɛ a, ɛhema ɔkɔfɛ Yisrael mmenia mukoraa so yaa.

Yosua 22:18 Iomraidhean Croise

2 Samuel 24:1

AWURADE ahone huli Yisrael so bieku paa, na ɔmane Dawide yɔle nikyee tiale bɛ. Osele ye kyɛ, “Kɔha Yisraelfoɛ ne Yudafoɛ.”

1 Ahemvo 9:6

“Nakoso sɛ ɛmɔyakyi me si lilɛ, kyɛ ɛmɔ oo, kyɛ ɛmɔ bosofoɛ oo, ná ɛmɔanni me mmeraa dwirɛ ne m’ahyɛdeɛ bɔ mafa mama ɛmɔ ne aso, ná mmom ɛmɔkɔso nyameɛ foforɛ biemɔ bɛsɔne bɛ a,

2 Ahemvo 17:21

AWURADE pakyele Yisrael fili Dawide awuro ama nwo ne, Yisraelfoɛ fale Nebate awa Yeroboam belili bɛ so hene. Yeroboam hwehwene Yisraelfoɛ fili AWURADE sililɛ nwo, na ɔmaa bɛyɔle bɔne kandinga paa.

1 Aberɛso Dwirɛ 21:1

Abɔnzam dwɔso tiale Yisrael, na osili Dawide adua maa ɔhale Yisraelfoɛ bɛ somaa.

1 Aberɛso Dwirɛ 21:14

Yiti AWURADE mane anwonyerɛ tɛɛ te pene Yisrael, na mmenia apee aburasoo wuwuli wɔ Yisrael.

2 Aberɛso Dwirɛ 25:27

Ofi mmerɛ bɔ Amasia yakyili AWURADE si lilɛ ne, mmenia bɔle ye nwo porɛ wɔ Yerusalem, na ɔnwati hɔle Lakise. Nakoso bɛsomane maa bɛpole ye so wɔ Lakise beehuni ye wɔ dɔ.

2 Aberɛso Dwirɛ 34:33

Yosia tuli akyiwadeɛ amukoraa bo fili Yisraelfoɛ aseɛ amukoraa so. Na ɔmane ebiala bɔ ɔwɔ Yisrael sɔnene AWURADE bɛ Nyameɛ ne. Mmerɛ bɔ Yosia te ngoa nu amukoraa, banni AWURADE bɛ nana mɔ Nyameɛ ne, ye sɔnenɛ nwo makyebu.

Lewitikɔso 10:6

Na Mose sele Aarɔn, ɔne Aarɔn mma mmienzua Eleasa ne Yitama kyɛ, “Nnɛmɔma ɛmɔ ti nwiaa fu gua ye nwo fusaa, yeɛ nnɛma ɛmɔsunzua ɛmɔ ndaadeɛ nu. Sɛ ɔba ye sɔ a, ɛmɔkowu, na AWURADE ɛyaafɛlɛ piri kɔwa maen ne amukoraa so. Nakoso ɛmɔ aliɛma mɔ, Yisrael awuro ama mukoraa de, bɛkɔhora bekosu bɛ bɔ AWURADE afa see wayera bɛ ne.

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Numeri 32:15

Sɛ ɛmɔyakyi ye si lilɛ a, okosa kɔyakyi mmenia hemɔ bɛ nu wɔ ɛserɛ ne aso, na ɛmɔkɔmaa mmenia he amukoraa bɛ boso konua.”

Deuteronomi 7:4

Ofikyɛ bɛkɔkakyi wɔ mma nemɔ adwene bɔ bengoli me si ɔ, maa bɛkɔɔso nyameɛ foforɛ biemɔ. Na ɔba ye sɔ a, AWURADE kɔfɛ ɛmɔ so yaa piri paa, na okohu wɔ ndɛndɛ.

Yosua 22:15

Ɛbɔfoɛ nemɔ wale Rubenfoɛ, Gadefoɛ ne Manase abusua kure ne bue berɛ wɔ Gileade aseɛ so, na bɛbɔle b’amaneɛ behyirele bɛ kyɛ,

Yosua 22:16

“AWURADE mmenia ne amukoraa nwa nyoo: Ɔwale ye sɛ, bɔ ɛmɔayɔ musue nikyee he batia Yisrael Nyameɛ, bɔ ɛnɛ ye de ɛmɔayakyi AWURADE si lilɛ ɔ; bɔ ɛnɛ ye de ɛmɔasi ɛmɔ bɔbɔ b’afɔleɛ bokyea bafa bayɛ AWURADE nwo lɔen ɔ?

Yosua 22:20

Nningyein bɔ AWURADE tu siele berɛ kyɛ yɛsɛkye ye ne, aso Sera awa Akan wando ye nwo mmeraa ne? Aso ɔnate sɔ ati Nyameɛ amvɛ Yisraelfoɛ amukoraati so yaa? Ye amumuyɛɛ bɔ ɔyɔle ne, ye ngome yeɛ owuli ɔ?”

Yosua 7:1

Nakoso AWURADE mmeraa bɔ ɔfa nningyein bɔ watu wasie berɛ kyɛ bɛsɛkye ye ne anwo ne, Yisraelfoɛ buli so. Akan bɔ ɔse ole Karemi, bɔ ɔse ole Sabidi, bɔ ye koso ɔse ole Sera bɔ ofi Yuda abusua kure nu ne, ɔfale nningyein bɔ AWURADE atu asie berɛ kyɛ bɛsɛkye ye ne bie, yiti AWURADE fɛle Yisraelfoɛ so yaa piri paa.

Yosua 7:11

Yisrael ayɔ bɔne. M’apam bɔ nhyɛle bɛ kyɛ beli so ne, babu so. Basesa nningyein bɔ matu masie berɛ kyɛ bɛsɛkye ye ne bie; bawua, bapɛ ngondombo, na bafa baafea bɛ bɔbɔ bɛ nningyein nu.

Yosua 7:21

Nwuni aguasoɛ nyemenenyemene bie bɔ bɛyɔle ye wɔ Sinari, ɛdwetɛ kilo nyɔ, ɔne sikaa kɔkorɛ bɔ nu nonɛ te kilo bue wɔ koɛ nu nzesadeɛ ne anu. Me nye yɛle bɛ nwo koakoa, na nzesale. Mafu mawura ase wɔ me tena sua ne anu, na ɛdwetɛ ne yeɛ ɔwɔ ye bo paa ɔ.”

1 Samuel 12:14

Sɛ ɛmɔkosuro AWURADE, ɛmɔkɔso ye, ɛmɔkotie ye dwirɛ, ná mmom ɛmɔandwi bamva AWURADE mmeraa dwirɛ so, ná ɛmɔ ne ɛhene bɔ odi ɛmɔ so ne bedi AWURADE ɛmɔ Nyameɛ si a, ye de okoyie ɛmɔ yé.

1 Samuel 12:20

Na Samuel sele maen ne kyɛ, “Nnɛma ɛmɔsuro. Ɛmɔayɔ amumuyɛɛ he amukoraa de, nakoso nnɛma ɛmɔyakyi AWURADE si lilɛ, na mmom odi kyɛ ɛmɔfa ɛmɔ ahone amukoraa bɛso AWURADE.