Yosua 22:16 - AHYERƐLƐ KRONGRON

¹⁶ “AWURADE mmenia ne amukoraa nwa nyoo: Ɔwale ye sɛ, bɔ ɛmɔayɔ musue nikyee he batia Yisrael Nyameɛ, bɔ ɛnɛ ye de ɛmɔayakyi AWURADE si lilɛ ɔ; bɔ ɛnɛ ye de ɛmɔasi ɛmɔ bɔbɔ b’afɔleɛ bokyea bafa bayɛ AWURADE nwo lɔen ɔ?

Yosua 22:16 Iomraidhean Croise

Ɛsra 8:22

Na ɔyɛle me nya kyɛ ngɔsrɛ Nana Atasɛsɛse kyɛ ɔma yɛ koɛhonɛfoɛ ne pɔngɔhanɛfoɛ bɔ bɛkɔbɔ yɛ nwo waen bekofi yɛ pɔfoɛ mɔ sa nu wɔ atunu ɔ, ofikyɛ né yali moa yahã yahyire ye kyɛ, “Sona biala bɔ ɔpena yɛ Nyameɛ si atee ne, Nyameɛ do ye ɔbɔ ye nwo waen. Nakoso ebiala bɔ ɔpo Nyameɛ nen, Nyameɛ tumi ne ye yaafɛlɛ ko tia ye.”

Lewitikɔso 17:8

“Na sá ka kyire bɛ kyɛ, ‘Ebiala bɔ ofi Yisrael awuro anaakyɛ ɛwɔfoɛ biala bɔ waatena Yisraelfoɛ nu, sɛ ɔbɔ naen yeralɛ afɔleɛ, anaa ɔbɔ afɔleɛ biala,

Numeri 32:15

Sɛ ɛmɔyakyi ye si lilɛ a, okosa kɔyakyi mmenia hemɔ bɛ nu wɔ ɛserɛ ne aso, na ɛmɔkɔmaa mmenia he amukoraa bɛ boso konua.”

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Yosua 22:11

Yisraelfoɛ ngaa ne tele kyɛ Rubenfoɛ, Gadefoɛ ne Manase abusua kure ne bue basi afɔleɛ bokyea wɔ Kanaan aseɛ ɛwɛen so, wɔ asue Yɔɔdan porɛ ne anu berɛ, wɔ Yisraelfoɛ ngaa ne b’aseɛ so.

Yosua 22:15

Ɛbɔfoɛ nemɔ wale Rubenfoɛ, Gadefoɛ ne Manase abusua kure ne bue berɛ wɔ Gileade aseɛ so, na bɛbɔle b’amaneɛ behyirele bɛ kyɛ,

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.