Yosua 22:15 - AHYERƐLƐ KRONGRON

¹⁵ Ɛbɔfoɛ nemɔ wale Rubenfoɛ, Gadefoɛ ne Manase abusua kure ne bue berɛ wɔ Gileade aseɛ so, na bɛbɔle b’amaneɛ behyirele bɛ kyɛ,

Yosua 22:15 Iomraidhean Croise

1 Aberɛso Dwirɛ 21:3

Yeɛ Yoabo buale kyɛ, “Nana, me mene, mesrɛ kyɛ AWURADE ɔ́ma mmenia ne bɛ somaa ɔ́yɛ mmɔhoɛ ɛyaa ko. Aso bɛ mukoraa nna wɔ somvoɛ mɔ ɔ? Me mene, na nzu ati yeɛ ekuro kyɛ ɛyɔ sɔ nikyee ye ɔ? Nzu ati yeɛ ɛtwetwe musue brɛ Yisrael ye?”

2 Aberɛso Dwirɛ 10:19

Yiti Yisrael wayɛ Dawide awuro ama nwo lɔen maa waadwu ɛnɛ.

2 Aberɛso Dwirɛ 25:27

Ofi mmerɛ bɔ Amasia yakyili AWURADE si lilɛ ne, mmenia bɔle ye nwo porɛ wɔ Yerusalem, na ɔnwati hɔle Lakise. Nakoso bɛsomane maa bɛpole ye so wɔ Lakise beehuni ye wɔ dɔ.

2 Aberɛso Dwirɛ 26:18

Bɛhã besili Nana Yusia nyunu kyɛ, “Nana, nna wɔ yeɛ odi kyɛ ɛyera ɛyɛɛ ma AWURADE ɔ, na mmom Aarɔn boso ama asɔfo nemɔ bɔ bɛ yeɛ batu bɛ basie berɛ kyɛ bɛbɔ afɔleɛ ne, bɛ yeɛ odi kyɛ bɛyɔ sɔ ɔ. Fi nekaa krongron berɛ fite, ofikyɛ ayɔ bɔne, na ɛhe ngɔma engonya animnyam wɔ AWURADE Nyameɛ nyunu.”

2 Aberɛso Dwirɛ 28:13

maa yiti besele bɛ kyɛ, “Nnɛma ɛmɔfa mmenia bɔ ɛmɔahye bɛ nnure ne bɛba wa, ofikyɛ ɛmɔpena kyɛ ɛmɔfa AWURADE nyunu foɛlilɛ bɛfoa yɛ bɔne bɔ yayɔ ne yɛ foɛ bɔ yali ne aso. Ofikyɛ yɛ foɛlilɛ ne, ɔte piri dada, na AWURADE afɛ Yisrael so yaa piri paa.”

Ɛsra 9:15

O AWURADE Yisrael Nyameɛ, ɛtengyɛ, ofikyɛ ama yɛ ngaa ne yanya yɛ ti yadidi nu, kyɛbɔ kekesaala ye ɔte ye. Yɛ amumuyɛɛ nu yeɛ yɛwɔ wɔ nyunu ɔ, ɔwɔ nu kyɛ ebiala ngɔhora ngɔfa sɔ amumuyɛɛ ne ngogyina wɔ nyunu.”

Ɛsra 9:2

Ofikyɛ bagyigya bɛ mma mmrasua nemɔ bie, yeɛ bagyigya bie koso bama bɛ mma mmienzua mɔ. Ɔnate sɔ ati, mmenia krongron mɔ ne aseɛ nemɔ so ama bali afra. Na mbɔtam mbanyi ne mbanyi bɔ bɛla yɛ noa nemɔ po yeɛ bapɛ sɔ esaa tɛɛ ne bato berɛ ɔ.”

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Lewitikɔso 26:40

“Nakoso sɛ bɛka b’amumuyɛɛ ɔne bɛ nana mɔ amumuyɛɛ: kyɛ bɛyɛle ɛlɔen betiale me, na afei bɛtoale so bedwɔso betiale me,

Lewitikɔso 5:19

Ɔte foɛlilɛ afɔleɛ; odi fɔ wɔ AWURADE nyunu.”

Numeri 14:43

Ofikyɛ Amalɛkefoɛ ne Kanaanfoɛ kɔfa koɛ kɔtoa ɛmɔ wɔ dɔ, na ɛmɔkɔtotɔ ngrandɛ noa. Ɔnate kyɛ ɛmɔayɛ AWURADE nwo lɔen ne ati, AWURADE ngogyina ɛmɔ si.”

Numeri 32:15

Sɛ ɛmɔyakyi ye si lilɛ a, okosa kɔyakyi mmenia hemɔ bɛ nu wɔ ɛserɛ ne aso, na ɛmɔkɔmaa mmenia he amukoraa bɛ boso konua.”

Numeri 5:6

“Ka kyire Yisraelfoɛ kyɛ, Sɛ bienzua bie anaa brasua bie yɔ obiɛngo tɛɛ, maa ɔnate so ti ɔyɔ bɔne tia AWURADE a, sɔ sona ne di fɔ,

Mateo 18:17

Na sɛ wandie bɛ koso a, kɔhã kyire asɔre ne. Na sɛ wandie asɔre ne koso a, ye de bu ye kyɛ bosoensolɛniɛ ne ɛtoɔdidelɛniɛ.

1 Korintofoɛ 1:10

Nniɛma mɔ, mefa y’Awurade Yesu Kristo dumaa mesrɛ ɛmɔ kyɛ ɛmɔ amukoraa ɛ́mɔyɛ ko ná mbakyembakyemuɛ amma ɛmɔ nu; na ɛ́mɔyɛ ko wɔ adwene ko ne porɛ bɔlɛ ko nu.

1 Korintofoɛ 5:4

Sɛ me sunzum ne ɛmɔ beyia nu wɔ y’Awurade Yesu Kristo dumaa nu, na y’Awurade Yesu Kristo tumi boka so a,

Deuteronomi 30:17

Nakoso sɛ ɛyɛ asoserɛ, ná andie, ná ɛmaa bɛtwetwe wɔ maa ɛkɔkoto nyameɛ foforɛ biemɔ, ná ɛso bɛ de a,

Deuteronomi 7:4

Ofikyɛ bɛkɔkakyi wɔ mma nemɔ adwene bɔ bengoli me si ɔ, maa bɛkɔɔso nyameɛ foforɛ biemɔ. Na ɔba ye sɔ a, AWURADE kɔfɛ ɛmɔ so yaa piri paa, na okohu wɔ ndɛndɛ.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Yosua 22:12

Na mmerɛ bɔ Yisraelfoɛ ngaa ne tele sɔ dwirɛ nen, Yisrael maen ye amukoraa boaboale bɛ noa wɔ Silo, kyɛ bɛkwaafa koɛ bɛtoa bɛ.

Yosua 22:14

Mbanyi atitirefoɛ buru bokale ye so yeɛ bɛhɔle ɔ. Yisrael abusua kure biala nu sona ko, na bɛ nu biala la abusua noa wɔ Yisrael mmusua mmusua ne anu.

Yosua 22:16

“AWURADE mmenia ne amukoraa nwa nyoo: Ɔwale ye sɛ, bɔ ɛmɔayɔ musue nikyee he batia Yisrael Nyameɛ, bɔ ɛnɛ ye de ɛmɔayakyi AWURADE si lilɛ ɔ; bɔ ɛnɛ ye de ɛmɔasi ɛmɔ bɔbɔ b’afɔleɛ bokyea bafa bayɛ AWURADE nwo lɔen ɔ?

Yosua 22:18

Afei de, ɛmɔayakyi AWURADE si lilɛ! Sɛ ɛmɔtwi bɛfa AWURADE dwirɛ so ɛnɛ a, ɛhema ɔkɔfɛ Yisrael mmenia mukoraa so yaa.

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”