Yosua 21:45 - AHYERƐLƐ KRONGRON

⁴⁵ Edwirɛ fɛɛ amukoraa bɔ AWURADE fa bɔle Yisrael awuro ama anohoba nen, wanni bɛ ngasi wɔ bɛ nu biala nu, na ye mukoraa wale nu.

Yosua 21:45 Iomraidhean Croise

1 Ahemvo 8:15

Ɔhane kyɛ, “Animnyam hã AWURADE Yisrael Nyameɛ bɔ ɔnate ye tumi so, nikyee bɔ ɔtele ye noa hyɛle me baba Dawide bɔ ne, wamaa wawa nu ɔ. AWURADE hane kyɛ,

1 Ahemvo 8:20

Afei AWURADE ama ye dwirɛ bɔ ɔhane ne awa nu; ofikyɛ mali me baba Dawide bia, na matena Yisrael ahennie bia so, kyɛbɔ AWURADE hyɛle bɔ ne. Na masi sua ne mafa AWURADE Yisrael Nyameɛ dumaa mato so.

1 Ahemvo 8:24

Ama ɛbɔ bɔ ɛhyɛle wɔ somvoɛ me baba Dawide ne wawa nu. Ɛtele wɔ noa ɛhyɛle ye bɔ, na ɛnɛ ɛnate wɔ bɔbɔ wɔ tumi so amaa wawa nu.

1 Ahemvo 8:56

“Animnyam hã AWURADE bɔ wama ye maen Yisrael banya asomdwee, kyɛbɔ ɔhyɛle bɔ ne ala. Nningyein paa bɔ ɔnate ye somvoɛ Mose so hyɛle ye nwo bɔ ne amukoraa, nu ko po nne berɛ bɔ wamma nu ɔ.

Nehemia 9:8

Enwuni kyɛ ye ahone nu te wɔ wɔ nyunu, na ɛne ye bɛyɛle apam kyɛ ɛkɔfa Kanaanfoɛ, Hitifoɛ, Amorifoɛ, Perisifoɛ, Yebusifoɛ ne Gɛgasifoɛ b’aseɛ kɔma ye boso ama; na wɔ bɔhyɛ bɔ ɛhyɛle ne, ali so, ofikyɛ ɛtengyɛ.

Yesaya 48:3

“Mvili tetetete yeɛ ngane nningyein bɔ osisi ne anwo dwirɛ ɔ, ɔte me noa dwirɛ, na mva ndole dwaa; nyɔle bɛ mvum nu, na besisili.

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

1 Korintofoɛ 1:9

Nyameɛ bɔ wafrɛ ɛmɔ kyɛ ɛmɔ ne Ɔwa, y’Awurade Yesu Kristo bɛfa abiɛngoɛ ne, odi nahorɛ.

1 Tɛsalonikafoɛ 5:24

Bɔ ɔfrɛ ɛmɔ ne odi nahorɛ, na ɔkɔyɔ koso amba.

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

1 Samuel 3:19

Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.