Yosua 2:9 - AHYERƐLƐ KRONGRON

⁹ oosele bɛ kyɛ, “Mese kyɛ AWURADE afa aseɛ ye wama ɛmɔ; ɛmɔ nwo suronyi atɔ yɛ so, na ɔnate ɛmɔ ti ahunundetelɛ atɔ maen he anu ama mukoraati so.

Yosua 2:9 Iomraidhean Croise

Gyenesise 35:5

Na besili nu bɔ bɛ́kɔ ne, Nyameɛ mane esuronyi kandinga tɔle nguro bɔ né bapɛ bɛ nwo bayia ne aso, yiti bangora bamvoa Yakob mma mmienzua nemɔ.

2 Samuel 17:10

Sɛ ɔba ye sɔ a, koɛhonɛniɛ bɔ ye ahone yɛ se te kyɛ gyata ne po, ɔkɔbɔ fuin. Ofikyɛ Yisraelfoɛ amukoraa bɛse kyɛ wɔ baba te koɛhonɛniɛ, yeɛ ye mmenia nemɔ koso bɛte koɛhonɛfoɛ ahoneserɛfoɛ.

2 Ahemvo 5:15

Yeɛ Naaman, ɔne ye lɔen bɔ bɛboka ye so amukoraa, besa bɛhɔle Nyameɛ sona ne berɛ. Naaman oogyinane ye nyunu berɛ, na ɔhane kyɛ, “Afei de manwu kyɛ aseɛ ye aso amukoraa, Nyameɛ biala ɔnne neka fee sana Yisrael angome. Mesrɛ wɔ, de w’akoaa sa nu akyɛdeɛ ye.”

2 Ahemvo 7:6

Ofikyɛ né AWURADE ama Siria koɛhonɛfoɛ nemɔ bate teaseɛnam mɔ, mbɔngɔ mɔ, ɔne koɛhonɛfoɛ lɔen kandinga nga wɔ bɛ so anu, bɔ ɔnate so maa besisele bɛ nwo kyɛ, “Yisrael hene waabɔ Hiti ahemvo ne Misraim ahemvo mɔ paa kyɛ bɛɛfa koɛ bɛtoa yɛ.”

Nehemia 6:16

Na yɛ pɔfoɛ nemɔ amukoraa bɛtele nen, maen maen amukoraa bɔ bapɛ yɛ nwo bayia ne, esuronyi tɔle bɛ so, na bɛ nyunu guale ase paa. Ofikyɛ benwuni kyɛ yɛ Nyameɛ yeɛ waboka maa yayɔ sɔ adwuma he ɔ.

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

YOB NWOMAA NE 19:25

Ofikyɛ me de, mese kyɛ me Defoɛ ne ɔte ase, na ayieleɛ ne, okoli me dwirɛ kɔma me wɔ aseɛ ye aso.

Edwein 112:10

Bɔnefoɛ nwu ye, na ɔyɛ ye ahi; ɔkɔnwose ye gye ná waboto; bɔ bɔnefoɛ wafa wasie ye nye so ne, ɔngɔyɛ berɛ.

Edwein 115:16

Anwuro te Nyameɛ ye deɛ, nakoso aseɛ de, wafa wama adasa mmaa.

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Ɛksadɔso 23:27

“Ngɔma me nwo suronyi koli wɔ nyunu, na maen biala bɔ ekodwu so ne, ngɔma ahunundetelɛ kɔtɔ nu mmenia so. Na ngɔma wɔ pɔfoɛ amukoraa kɔnwati kofi wɔ nyunu.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Yesaya 23:5

Sɛ sɔ dwirɛ ne odwu Misraim a, bekoli bɔ wato Tiro ne nwo aworabɔlɛ.

Yeremia 27:5

“Me yeɛ mvale me tumi piri ne me tumi asaa mmɔle aseɛ, so mmenia ne so ngaka ɔ, na mefa mema ebiala bɔ me bɔbɔ mekuro ɔ.

Nahum 2:10

Ninewe abɔ tɔɔ, wabɔ tɔɔ, wasɛkye bɔkɔɔ! Mmenia nwo ngaka atu amini, nangoroma mɔ bayɛ hodwoo, bɛ sisia amukoraa yɛ bɛ yea, yeɛ bɛ nyunu amukoraa ayɛ hoyaa!

Numeri 20:14

Mose tuli ɛbɔfoɛ fili Kadese maa bɛhɔle Edom hene berɛ beesele ye kyɛ, “Eliɛma Yisrael nwa: Ɛse edwirɛ tɛɛ mɔ bɔ watoto yɛ ne amukoraa.

Numeri 20:24

“Aarɔn kowu kɔɔtoa ye mbanyi mɔ. Ye gya baa ngotia aseɛ bɔ mafa mama Yisraelfoɛ ne aso, ofikyɛ ɛmɔyɛle m’ahyɛdeɛ nwo asoserɛ wɔ Meriba asue nwo.

Mateo 20:15

Nikyee bɔ me bɔbɔ me deɛ ahɔ ne, asoɛ nnne ye nwo ate kyɛ mefa meyɔ bɔ mekuro anaa? Anaakyɛ, nde paa ti yeɛ wɔ nye aboro ye?’

Deuteronomi 11:25

Kuro sona biala ngɔhora ngogyina ɛmɔ nyunu. Na kyɛbɔ AWURADE ɛmɔ Nyameɛ ahyɛ ɛmɔ bɔ ne, ɔkɔma ɛmɔ nwo suronyi ne ɛmɔ nwo surolɛ piri kɔtɔ aseɛ mukoraati bɔ ɛmɔ gya kotia so ɔ so.

Deuteronomi 2:25

Ofi ɛnɛ bɔ ɔkɔ ɔ, ngɔma wɔ nwo suronyi ne esurolɛ piri kɔtɔ mmenia bɔ bɛwɔ ewiase amukoraati so. Na ebiala bɔ ɔkɔte wɔ nga nen, ɔnate wɔ ti ye nwo kɔwosowoso ye, na ahunundetelɛ kɔtɔ ye so.’

Deuteronomi 28:10

Na aseɛ so mmenia mukoraati konwu ye kyɛ AWURADE dumaa la wɔ so, na bekosuro wɔ.

Deuteronomi 32:8

Anwuro Anwuro Nyameɛ hyɛle aseɛ mane maen maen mɔ nen, ohyirele nekaa bɔ ebiala ɔtena nen, ɔtotole maen maen nemɔ wɛen, kyɛbɔ Nyameɛ mma nemɔ bɛ somaa te ɔ.

Hebrifoɛ 11:31

Ɔnate gyidie so yeɛ bangu gyanderaniɛ Rahabo bammoka bɛ bɔ banne banni nemɔ aso ɔ, ofikyɛ olele bɛ bɔ bɛɛsrale maen ne anu besiele ne nyemene so.

Yosua 2:11

Yɛtele sɔ dwirɛ ne pɛ yeɛ ahunundetelɛ tɔle yɛ so ɔ, na ɔnate ɛmɔ ti yɛ mukoraati y’aba nu buli; ofikyɛ AWURADE ɛmɔ Nyameɛ ne, ye ole Nyameɛ wɔ nyameɛso anwuro anwuro ne aseɛ ye aso amba.

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Yosua 2:8

Anzana mmenia nyɔ ne bɛbaala ne, Rahabo hɔle bɛ nwo berɛ wɔ abuu ne aso

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 6:2

Na AWURADE sele Yosua kyɛ, “Tie, mafa Yeriko ne ye hene ne ye koɛhonɛfoɛ mɔ mawura wɔ sa.

Yosua 9:10

ɔne nikyee biala bɔ ɔfa yɔle Amorifoɛ ahemvo nyɔ nemɔ: Sihon ne Hesebon bɔ né bɛwɔ Yɔɔdan si dɔ ne, ɔne Basan hene Ogo bɔ né ɔte Astarote ne.

Yosua 9:24

Na bebuale Yosua kyɛ, “Ebie ha hyirele wɔ ngoaa mɔ pefee kyɛ, AWURADE wɔ Nyameɛ hyɛle ye somvoɛ Mose kyɛ ɔ́fa aseɛ ne amukoraa ɔ́ma ɛmɔ, ná ohuhu so mmenia amukoraa ofi ɛmɔ nyunu. Na ɔnate ɛmɔ ti, né yɛsuro paa kyɛ yɛ ngoa kofi yɛ sa ɔ; yiti yeɛ ɔmaa yɛyɔle sɔ ne.

Yosua 9:9

Na bebuale ye kyɛ, “AWURADE wɔ Nyameɛ dumaa bɔ watrɛ wahɔ dede ne, ɔnate ye ti yeɛ wɔ ngoaa yafi maen dedeede bie aso yawa ɔ; ofikyɛ yate ye nwo dwirɛ, bɔ ɔyɔle ye wɔ Misraim amukoraa,

Maenbulɛfoɛ 7:14

Yeɛ obiɛngo ne buale kyɛ, “Laleɛ he de nna hwee ɔ; Yoase awa Yisraelniɛ Gideon, ye ngrandɛ ne ɔ. Nyameɛ afa Midian ne koɛhonɛfoɛ ne amukoraa wawura ye sa.”