Yosua 2:4 - AHYERƐLƐ KRONGRON

⁴ Nakoso né braa ne afa mmienzua nyɔ ne wafea. Na obuale kyɛ, “Ɔte amba, mmienzua biemɔ wale me wa, nakoso menze nekaa bɔ befi bɛwale ɔ.

Yosua 2:4 Iomraidhean Croise

2 Ahemvo 6:19

Na Elisa sele bɛ kyɛ, “Nna atee ne ɛhe, yeɛ nna kuro ne ɛhe. Ɛ́mɔli me si maa mva ɛmɔ ngɔ sona bɔ ɛmɔpena ye ne berɛ.” Yiti olili bɛ nyunu fale bɛ hɔle Samaria.

Ɛksadɔso 1:19

Na mmrasua bɔ bede aworɛ ne buale Faro kyɛ, “Hebri mmrasua nemɔ de, bɛtte kyɛ Misraim mmrasua nemɔ; ofikyɛ bɛ nwo te kyerekyerɛɛ, na bɛwo koraka né sona bɔ ode aworɛ ne adwu berɛ.”

Yakobo 2:25

Na sɔ ala koso, aso nna nnwumaa so yeɛ begyina bebuale adwamanbɔlɛniɛ Rahabo be ɔ, mmerɛ bɔ olele ɛbɔfoɛ nemɔ, ná ɔmaa bɛfale atee foforɛ so bɛhɔle ne?

Yosua 2:3

Na Yeriko hene somane maa beesele Rahabo kyɛ, “Mmienzua bɔ bawa wɔ berɛ, bɔ bɛwɔ w’awuro berɛ ne, ye bɛ fite bra, ofikyɛ aseɛ ye amukoraa tetɛlɛ ti yeɛ bawa ɔ.”

Yosua 2:5

Na aleɛ sane bɔ yeɛ ɛwa ama bɛbaato kuro wa pambim nu nen, mmenia nemɔ fite hɔle. Nekaa bɔ mmenia nemɔ hɔle de, menze. Yiti ɛ́mɔhã bɛ nwo bɛpo bɛ so, na ɛmɔkɔto bɛ.”

Yosua 6:17

Ɔsɛ kyɛ ɛmɔsɛkye kuro ne ɔne nu nningyein amukoraati bɔkɔɔ maa ɔyɛ afɔleɛ ma AWURADE. Sana gyanderaniɛ Rahabo ngome, ɔne mmenia bɔ bɛwɔ ye awuro berɛ amukoraati yeɛ bekonya bɛ ti bekodidi nu ɔ, ofikyɛ ye yeɛ ɔfale ɛbɔfoɛ mɔ bɔ yɛsomane bɛ ne feale ɔ.

Yosua 6:25

Nakoso gyanderaniɛ Rahabo ne ye nwo ama mukoraa de, Yosua maa benyane bɛ ti bedidili nu. Na ye abusua ne atena Yisrael maa waadwu ɛnɛ ne ɛnɛ ye, ofikyɛ ɛbɔfoɛ mɔ bɔ Yosua somane bɛ maa bɛɛtetɛle Yeriko nen, ɔfale bɛ feale.