Yosua 2:24 - AHYERƐLƐ KRONGRON

²⁴ Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Yosua 2:24 Iomraidhean Croise

Ɛksadɔso 15:15

Afei Edom ahemvo mɔ babɔ fuin; ɛserɛ aha Moabo atitirefoɛ; na bɛ bɔ bɛte Kanaan amukoraa b’ahone atu.

Ɛksadɔso 23:31

Ngɔto wɔ wɛen ngofi Ɛpo Kɔkorɛ noa maa okoodwu Filistifoɛ mboanoa, fi ɛserɛ so kodwu asue Yufreti noa. Ofikyɛ ngɔmaa ɛmɔkoli aseɛ ne asofoɛ so ngonim, ná afoa bɛ afi wɔ nyunu.

Anyandera 25:13

Kyɛbɔ asukɔtwea yurukuku ɔte wɔ ahuhuro mmerɛ bɔ bɛfa fieso aleɛ ne, sɔ ala yeɛ somafoɛ nahorɛniɛ ɔte ma bɛ bɔ bɛsomane ye ne ɔ, na ɔma ye mene mɔ bɛ kra nwo tɔ bɛ fɔnwoo.

Yosua 1:8

Nnɛyakyi Mmeraa nwomaa he kengalɛ le; na mmom dwene ye nwo alehyeleɛ ne alesaleɛ, amaa ɔnate so ali bɔ bahyerɛ ye nu amukoraati so nahorɛ nu. Na ɛhe yeɛ ɔkɔmaa nningyein kɔhɔ so yé kɔma wɔ, ná wayie wɔ yé ɔ.

Yosua 2:23

Afei Yisraelfoɛ nyɔ ne sá torotorole mmokaa aseɛ ne bedwuli ase. Bɛpɛle asue ne, na bɛwale Nun awa Yosua berɛ bɛɛfale b’amaneɛ mukoraati bɛbɔle ye.

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 6:2

Na AWURADE sele Yosua kyɛ, “Tie, mafa Yeriko ne ye hene ne ye koɛhonɛfoɛ mɔ mawura wɔ sa.

Yosua 8:1

Afei AWURADE sele Yosua kyɛ, “Nnɛsuro, yeɛ nnɛma wɔ kunu tete wɔ. Fa koɛhonɛfoɛ ne amukoraati boka wɔ nwo so, na fo kɔ Aye. Tie, mafa Aye hene ne ye mmenia, ye kuro ne, ɔne ye aseɛ mawura wɔ sa.

Maenbulɛfoɛ 1:2

Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ. Mafa aseɛ ne mawura ye sa.”

Maenbulɛfoɛ 18:10

Sɛ ɛmɔkɔ dwu berɛ a, ɛmɔkɔɔto mmenia bie bɔ bɛndwene kyɛ edwirɛ tɛɛ bie po kɔto bɛ ɔ. Aseɛ ne terɛ, na wiase wa nikyee biala nhia bɛ wɔ berɛ. Aseɛ ne, Nyameɛ afa awura ɛmɔ sa.”

Maenbulɛfoɛ 7:9

Sɔ kɔngɔen ne ala, AWURADE sele Gideon kyɛ, “Dwɔso, na fa koɛ kɔteta asikyeleɛ ne; ofikyɛ mafa mawura wɔ sa.”