Yosua 2:22 - AHYERƐLƐ KRONGRON

²² Yisraelfoɛ nyɔ ne sili nu hɔle mmokaa ne anu dɔ, na belili berɛ ɛlɛsa, kɔpem kyɛ mmenia nemɔ sá hɔle ɔ. Né mmenia nemɔ apena bɛ dee wɔ atee ne aso, nakoso bannwu bɛ.

Yosua 2:22 Iomraidhean Croise

2 Samuel 17:20

Na mmerɛ bɔ Absalom somvoɛ nemɔ bɛɛtole braa ne wɔ awuro berɛ ne, bebisale ye kyɛ, “Ahimaase ne Yonatan bɛwɔ nisua?” Na braa ne buale bɛ kyɛ, “Bapɛ asue ne bahɔ.” Bɛpenane bɛ alaa, nakoso bannwu bɛ, yiti besa bɛhɔle Yerusalem.

Yosua 2:21

Na Rahabo buale kyɛ, “Edwirɛ bɔ ɛmɔaha ne, ɔ́yɛ sɔ ala.” Ɔmane bɛ ate, na besili nu bɛhɔle. Afei ɔfale nyamaa kɔkorɛ ne sinzele mboma ne anu.

Yosua 2:23

Afei Yisraelfoɛ nyɔ ne sá torotorole mmokaa aseɛ ne bedwuli ase. Bɛpɛle asue ne, na bɛwale Nun awa Yosua berɛ bɛɛfale b’amaneɛ mukoraati bɛbɔle ye.