Yosua 2:2 - AHYERƐLƐ KRONGRON

² Na ebie ɔɔbɔle Yeriko hene amaneɛ kyɛ, “Yisrael mmienzua biemɔ bawa wa ɛnɛ kɔngɔen ye kyɛ bɛbaasra y’aseɛ ye besie.”

Yosua 2:2 Iomraidhean Croise

Edwein 127:1

Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Yesaya 43:13

“Me ole Nyameɛ. Ofi tetetete, Me ole Ye, ebiala ngɔhora ngofoti nikyee ngofi me sa nu, sɛ meyɔ nikyee a, nwa yeɛ ɔkɔhora kɔsesã ye ɔ?”

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Yosua 2:1

Afei Nun awa Yosua somane maentetɛlɛfoɛ nyɔ kudɛɛ fili Sitim, na osele bɛ kyɛ, “Ɛmɔhɔ bɛɛsra aseɛ ne besie, nganga Yeriko.” Yiti besili nu bɛhɔle, na bɛɛlale braa gyanderaniɛ bie bɔ oli Rahabo awuro.

Yosua 2:3

Na Yeriko hene somane maa beesele Rahabo kyɛ, “Mmienzua bɔ bawa wɔ berɛ, bɔ bɛwɔ w’awuro berɛ ne, ye bɛ fite bra, ofikyɛ aseɛ ye amukoraa tetɛlɛ ti yeɛ bawa ɔ.”

Maenbulɛfoɛ 18:2

Yiti Danfoɛ yele bɛ mmusua nemɔ anu mmienzua ahoneserɛfoɛ nnu, bɔ befi Sora ne Esetao, kyɛ bɛɛtetɛ aseɛ ne, ná bɛneanea so. Na besele bɛ kyɛ, “Ɛmɔhɔ bɛɛneanea aseɛ ne aso.” Beedwuli Mika awuro wɔ Efraim mmokaa aseɛ ne aso ne, besikyele berɛ.