Yosua 2:19 - AHYERƐLƐ KRONGRON

¹⁹ Na sɛ ɛmɔ nu bie fi w’awuro wa fite kɔ dwaaso de a, ye de ye bɔbɔ deinn ye wue kɔbɔ ye ti so, na yɛnni ye wue nwo fɔ. Nakoso bɛ bɔ bɛkɔɔboka wɔ so wɔ awuro wa ne de, sɛ ebie fa ye sa ka bɛ nu biala a, ye de ye wue kɔbɔ yɛ ti so.

Yosua 2:19 Iomraidhean Croise

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

2 Samuel 4:11

Na sɛ nzɛmmɔnefoɛ ahu sona bɔ ɔtengyɛ, wɔ ye bɔbɔ ye awuro, wɔ ye mba so a, ye de ngotua bɛ so kerɛ piri paa! Ɔnate ehunɛ bɔ ɛmɔahu ye ne ati, ngotua ɛmɔ so kerɛ, na ngɔye ɛmɔ ngofi aseɛ ye aso.”

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

Ɛksadɔso 12:13

Mogya ne yeɛ ɔkɔhyɛ ɛmɔ nzorɛ, wɔ awuro mɔ bɔ ɛmɔtete nu ne anu ɔ. Na sɛ menwu mogya ne a, ngɔbɔ ngɔtra ɛmɔ, amaa sɛ mébɔ Misraim maen ne a, amaneɛ ne bie ando ɛmɔ.

Ɛksadɔso 12:22

Ɛ́mɔfa sufiɛ, ná ɛ́mɔfa bɛbɔ mogya bɔ ɔwɔ ayaa ne anu, ná ɛ́mɔfa mogya bɔ ɔwɔ nu ne bɛ́keka sua ne bati so ɔne aponnwaa nyɔ ne. Nnɛma ɛmɔ nu biala fi ye awuro fite maa okodwu ngyerɛmɔ.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Lewitikɔso 20:11

Bienzua bɔ ɔne ɔse aye bɛkɔla ne, wagua ɔse nyunu ase; odi kyɛ beku bɛ munyɔ: baa ne ɔne braa ne, na bɛ wue kɔbɔ bɛ bɔbɔ bɛ ti so.

Lewitikɔso 20:9

Ebiala bɔ ɔkɔnoma ɔse anaa oni ne, odi kyɛ beku ye, ɔnate kyɛ wanoma ɔse anaa oni, na ye wue kɔbɔ ye bɔbɔ ye ti so.

Mateo 24:17

sona bɔ ɔwɔ sua ti afia ne, onni kyɛ odwu ase kyɛ ɔkwaafa nikyee biala fi ye awuro;

Asomafoɛ 18:6

Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.”

Asomafoɛ 20:26

Ɛhe ati ɛnɛ kyẽa ye mekã mekyire ɛmɔ kyɛ, menni ɛmɔ nu biala mogya nwo fɔ;

Asomafoɛ 27:31

Na Pɔɔlo sele asraafoɛ ɛyaa so panyi ɔne asraafoɛ nemɔ kyɛ, “Sɛ ɛlɛenhanɛfoɛ nemɔ anyakyi nwatilɛ bandena ɛlɛen ne anu a, ye de ɛmɔngonya ngoa.”

Filipifoɛ 3:9

amaa wanwu me wɔ ye nu, kyɛ me de, nnne me bɔbɔ me tenenee bɔ ofi mmeraa ne anu ɔ, na mmom bɔ ɔnate Kristo nu gyidie so ɔba ɔ, tenenee bɔ ofi Nyameɛ berɛ, bɔ ɔnate gyidie so ɔ.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Yosua 2:12

Ɔnate kyɛ mayɛ ɛmɔ paa ne ati, ɛ́mɔta AWURADE ndaen kekesaala ye, kyɛ ɛmɔ koso ɛmɔkɔyɛ me baba awuro ama paa. Ɛ́mɔhyire me nikyee bɔ ɔkɔmaa ngole ɛmɔ ngoli,

Yosua 2:14

Na mmienzua nyɔ ne buale Rahabo kyɛ, “Sɛ yɛku ɛmɔ a, yɛ wora Nyameɛ ohu yɛ bie! Sɛ amma yɛ nwo dwirɛ amvite a, ye de AWURADE fa aseɛ ne ma yɛ a, yɛkoli nahorɛ yɛkɔma wɔ, na yɛkɔyɛ wɔ paa.”

Yosua 2:20

Nakoso sɛ ɛma yɛ nwo dwirɛ fite de a, ye de yɛndo ndaen bɔ amaa yata ne.”