Yosua 2:14 - AHYERƐLƐ KRONGRON

¹⁴ Na mmienzua nyɔ ne buale Rahabo kyɛ, “Sɛ yɛku ɛmɔ a, yɛ wora Nyameɛ ohu yɛ bie! Sɛ amma yɛ nwo dwirɛ amvite a, ye de AWURADE fa aseɛ ne ma yɛ a, yɛkoli nahorɛ yɛkɔma wɔ, na yɛkɔyɛ wɔ paa.”

Yosua 2:14 Iomraidhean Croise

Gyenesise 24:49

Yiti sɛ ɛmɔkɔpene so na ɛmɔkoli nahorɛ bɛkɔma me mene a, ɛmɔhã behyire me. Na sɛ ɛmɔngɔpene koso a, ɛmɔhã, na nwu kyɛbɔ mesi meyɛ me nwo ɔ.”

Gyenesise 47:29

Na mmerɛ bɔ Yisrael wue pingyele ne, ɔfrɛle ɔwa Yosef sele ye kyɛ, “Sɛ anya alo me a, ye de fa wɔ sa bawura me sɔ abo, na hyɛ ɛbɔ kitii kyɛ ekoli nahorɛ kɔma me: Sɛ mewu a, nnɛsie me wɔ Misraim.

2 Samuel 2:5

Dawide tuli ɛbɔfoɛ mɔ maa bɛhɔle Yabese Gileadefoɛ berɛ beesele bɛ kyɛ, “AWURADE yira ɛmɔ, kyɛ ɛmɔahyire ɔdɔ bama ɛmɔ mene Sɔɔlo, ná ɛmɔasie ye ɔ.

2 Samuel 2:6

Mesrɛ kyɛ, AWURADE ɔye ye ɔdɔ pindinn ne ye nahorɛlilɛ ali ohyire ɛmɔ. Na me koso, bɔ ɛmɔayɔ ye, ngɔfa ye nwo akatuaa ngɔma ɛmɔ.

2 Samuel 9:1

Ɛlɛho bie, Dawide bisale kyɛ, “Sɔɔlo boso ama ne, aso ebie tɛ wɔ berɛ bɔ ɔnate Yonatan ti ɔsɛ kyɛ meyɛ ye paa ɔ?”

1 Ahemvo 20:39

Ahabo dwuli berɛ pɛ, ngɔmhyɛlɛniɛ ne teane nu sele ye kyɛ, “W’akoaa, ngongyinane koɛ serɛserɛ bie noa. Na koɛhonɛniɛ bie fale ebie bɔ bahye ye nnure ɔ brɛle me. Na osele me kyɛ, ‘Nea biaa ye aso. Sɛ ɔnwati a, bekohu wɔ bie bekotua kerɛ, anaakyɛ ekotua ɛdwetɛ talɛnde ko.’

Anyandera 14:22

Bɛ bɔ bɛbɔ porɛ tɛɛ ne, aso bɛnyɔ mvomsoɛ anaa? Na bɛ bɔ bɛdwene adwene paa ne, benya pɛpɛɛpɛyɛlɛ ne nahorɛlilɛ.

Anyandera 18:24

Abiɛngoɛ biemɔ fa sona kɔ sɛkyelɛ nu, nakoso abiɛngoɛ bie bata wɔ tra aliɛmaa.

Mateo 5:7

“Bɛ bɔ benwu bɛ mmango anwumvoin ne banya saleɛ, ofikyɛ bɛ yeɛ bekonwu bɛ anwumvoin ɔ.

Asomafoɛ 23:22

Na safohene ne hyɛle aberandeɛ ne kyɛ, “Nnɛbɔ so kyire ebiala kyɛ aha sɔ dwirɛ ne ahyire me!” Na afei ɔmaa ɔhɔle.

Yosua 2:13

kyɛ ɛmɔngohu me baba ne me maame, nniɛma mmienzua ne mmrasua, ɔne bɛ nwo ama nu biala, na mmom ɛmɔkɔmaa yɛkonya yɛ ti yɛkodidi nu.”

Yosua 2:15

Afei Rahabo fale nyamaa dwurale bɛ fale mboma nu, ofikyɛ né ye sua ne wura kuro berɛ fasue ne anu, yiti fasue ne anu yeɛ né ɔte ɔ.

Yosua 6:17

Ɔsɛ kyɛ ɛmɔsɛkye kuro ne ɔne nu nningyein amukoraati bɔkɔɔ maa ɔyɛ afɔleɛ ma AWURADE. Sana gyanderaniɛ Rahabo ngome, ɔne mmenia bɔ bɛwɔ ye awuro berɛ amukoraati yeɛ bekonya bɛ ti bekodidi nu ɔ, ofikyɛ ye yeɛ ɔfale ɛbɔfoɛ mɔ bɔ yɛsomane bɛ ne feale ɔ.

Yosua 6:22

Na Yosua sele mmienzua nyɔ bɔ bɛɛtetɛle aseɛ ne besiele ne kyɛ, “Ɛmɔhɔ gyanderaniɛ n’awuro berɛ, ná ɛ́mɔfa braa ne bɛbra, ɔne ye nwo ama mukoraati, kyɛbɔ ɛmɔtale ndaen behyirele ye ne.”

Yosua 6:25

Nakoso gyanderaniɛ Rahabo ne ye nwo ama mukoraa de, Yosua maa benyane bɛ ti bedidili nu. Na ye abusua ne atena Yisrael maa waadwu ɛnɛ ne ɛnɛ ye, ofikyɛ ɛbɔfoɛ mɔ bɔ Yosua somane bɛ maa bɛɛtetɛle Yeriko nen, ɔfale bɛ feale.

1 Samuel 20:8

Nwu w’akoaa anwumvoin, ofikyɛ ama w’akoaa ne wɔ bayɛ apam wɔ AWURADE dumaa nu. Sɛ medi fɔ a, ye de wɔ bɔbɔ ku me. Nzu ati yeɛ ɔsɛ kyɛ ɛfa me kɔma wɔ baba ɔ?”