Yosua 2:11 - AHYERƐLƐ KRONGRON

¹¹ Yɛtele sɔ dwirɛ ne pɛ yeɛ ahunundetelɛ tɔle yɛ so ɔ, na ɔnate ɛmɔ ti yɛ mukoraati y’aba nu buli; ofikyɛ AWURADE ɛmɔ Nyameɛ ne, ye ole Nyameɛ wɔ nyameɛso anwuro anwuro ne aseɛ ye aso amba.

Yosua 2:11 Iomraidhean Croise

1 Ahemvo 8:60

amaa aseɛ ye aso mmenia amukoraa banwu kyɛ AWURADE, wɔ yeɛ ɛte Nyameɛ ɔ; na nyameɛ foforɛ biala nne berɛ ko.

2 Ahemvo 5:15

Yeɛ Naaman, ɔne ye lɔen bɔ bɛboka ye so amukoraa, besa bɛhɔle Nyameɛ sona ne berɛ. Naaman oogyinane ye nyunu berɛ, na ɔhane kyɛ, “Afei de manwu kyɛ aseɛ ye aso amukoraa, Nyameɛ biala ɔnne neka fee sana Yisrael angome. Mesrɛ wɔ, de w’akoaa sa nu akyɛdeɛ ye.”

Nehemia 6:16

Na yɛ pɔfoɛ nemɔ amukoraa bɛtele nen, maen maen amukoraa bɔ bapɛ yɛ nwo bayia ne, esuronyi tɔle bɛ so, na bɛ nyunu guale ase paa. Ofikyɛ benwuni kyɛ yɛ Nyameɛ yeɛ waboka maa yayɔ sɔ adwuma he ɔ.

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

Edwein 102:15

Maen maen mɔ bekosuro wɔ dumaa ne, na aseɛ so ahemvo amukoraa bekosuro w’animnyam ne.

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Edwein 58:7

Maa betu bemini kyɛ nzue bɔ ɔse ɔ, maa betiatia bɛ so, ná bɛkese kyɛ ɛserɛ.

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Ɛksadɔso 15:14

Maen maen ate, na bɛ nwo wosowoso bɛ; na bɛ bɔ bɛte Filistia ne, ahunundetelɛ atɔ bɛ so.

Ɛksadɔso 15:15

Afei Edom ahemvo mɔ babɔ fuin; ɛserɛ aha Moabo atitirefoɛ; na bɛ bɔ bɛte Kanaan amukoraa b’ahone atu.

Yesaya 13:7

Yiti asaa mukoraa nu kohodwo, ahunundetelɛ kɔtɔ sona biala so,

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Hesekiel 21:15

Mafa ngrandɛ anoa nnaennaen magyinagyina bɛ pambim amukoraa nu, amaa ɔnate so ahunundetelɛ atɔ bɛ so, ná b’amaneɛnwunɛ ayɛ pee. Ah! ɔte yerɛmyerɛm kyɛ agralaa, na bahwi ye nwo bɔ bɛbaafa bekũkũ ɔ.

Nahum 2:10

Ninewe abɔ tɔɔ, wabɔ tɔɔ, wasɛkye bɔkɔɔ! Mmenia nwo ngaka atu amini, nangoroma mɔ bayɛ hodwoo, bɛ sisia amukoraa yɛ bɛ yea, yeɛ bɛ nyunu amukoraa ayɛ hoyaa!

Deuteronomi 1:28

Nisua paa yeɛ yɛkɔ ye? Y’eliɛma mɔ amaneɛ bɔ bɛɛbɔle ne ama y’ahone atu. Bɛnwa: ‘Mmenia nemɔ mbiri ne bɛ ndendenn tra yɛ; nguro nemɔ te mbiri, na bale bɛ nwo waen bahɔ anwuro anwuro paa. Yɛnwuni Anake ye bosofoɛ po wɔ berɛ!’ ”

Deuteronomi 20:8

Mbanyi nemɔ kɔhɔ so kodwudwo kohyire ɛlɔen ne kyɛ, ‘Aso ebie wɔ yɛ nu bɔ osuro anaa ye kunu tete ye ɔ? Osa hɔ ye awuro; anyɔ a né wama ye mmango kunu atete bɛ kyɛbɔ ye deɛ tete ye ne.’

Deuteronomi 4:39

Yiti, te ye bo ɛnɛ, ná fa sie wɔ ti anu, kyɛ AWURADE te Nyameɛ bɔ ɔwɔ nyameɛso anwuro anwuro ne aseɛ so ɔ, na nyameɛ foforɛ biala nne berɛ ko.

Yosua 14:8

Aliɛmaa mɔ bɔ bɛ ne me hɔle ne, bɛmane ahunundetelɛ tɔle yɛ mmenia ne aso, nakoso me de, nnili nahorɛ turoloo mane AWURADE me Nyameɛ.

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 7:5

Ayefoɛ huhuni bɛ nu mmenia kɔyɛ aburasa ne nzia, bɛfoane bɛ befili kuro berɛ pambim ne asi toonn beedwuli Hyebarim, na behuhuni bɛ wɔ bokaa ne ndoroleɛ nu. Ɛserɛ hane Yisraelfoɛ, na bɛbɔle fuin.

Yosua 9:24

Na bebuale Yosua kyɛ, “Ebie ha hyirele wɔ ngoaa mɔ pefee kyɛ, AWURADE wɔ Nyameɛ hyɛle ye somvoɛ Mose kyɛ ɔ́fa aseɛ ne amukoraa ɔ́ma ɛmɔ, ná ohuhu so mmenia amukoraa ofi ɛmɔ nyunu. Na ɔnate ɛmɔ ti, né yɛsuro paa kyɛ yɛ ngoa kofi yɛ sa ɔ; yiti yeɛ ɔmaa yɛyɔle sɔ ne.

Nyekyire 6:16

Na besele mmokaa ne nyɔbotaen nemɔ kyɛ, “Ɛ́mɔdwiri begua yɛ so, ná ɛ́mɔfa yɛ bɛfea béfi bɔ ɔte ahennie bia ne aso ne nyunu, ɔne Boaen Ba n’ahonehulɛ nu;