Yosua 2:10 - AHYERƐLƐ KRONGRON

¹⁰ Ofikyɛ, yate kyɛbɔ AWURADE mane Ɛpo Kɔkorɛ nu nzue wewele wɔ ɛmɔ nyunu, wɔ mmerɛ bɔ né ɛmɔfi Misraim bɛ́ba ne, ɔne nikyee bɔ ɛmɔfa bɛyɔle Amorifoɛ ahemvo nyɔ nemɔ: Sihon ne Ogo, bɔ bɛwɔ asue Yɔɔdan si dɔ ne, kyɛbɔ ɛmɔhuhuni bɛ bɔkɔɔ ne.

Yosua 2:10 Iomraidhean Croise

Edwein 74:15

Ebukyele asue mɔ ne asue ba mɔ maa bɛtengyɛle, nakoso ɛmane asue mbiri mɔ bɛwewele.

Numeri 20:14

Mose tuli ɛbɔfoɛ fili Kadese maa bɛhɔle Edom hene berɛ beesele ye kyɛ, “Eliɛma Yisrael nwa: Ɛse edwirɛ tɛɛ mɔ bɔ watoto yɛ ne amukoraa.

Numeri 23:22

Nyameɛ bɔ ɔyele bɛ fili Misraim ne, ye anwoserɛ te kyɛ torɔen mmɛen ma bɛ.

Numeri 24:8

Nyameɛ bɔ ɔyele Yisrael fili Misraim ne, ye anwoserɛ te kyɛ torɔen mmɛen ma ye. Ɔkɔsɛkye maen maen bɔ bɛte ye pɔfoɛ ɔ, ná wabubu bɛ mmowue nu. Ɔkɔto ye agyaen kɔwowɔ bɛ.

Deuteronomi 2:30

Nakoso Hesebon hene Sihon wambene kyɛ yɛkɔfa ye aseɛ aso ɔ, ofikyɛ AWURADE wɔ Nyameɛ mane ye so yɛle se, maa obubuli mmakaa tuale ye so, amaa ɔnate so wafa ye wawura wɔ sa, kyɛbɔ kekesaala ye wayɔ ye.

Yosua 24:12

Nzomane kotokuradu mɔ maa belili ɛmɔ nyunu, na bɛfoane Amorifoɛ ahemvo nyɔ nemɔ befili ɛmɔ nyunu. Nna wɔ ngrandɛ anaa w’agyaen yeɛ ɛfa yɔle sɔ ɔ.

Yosua 4:24

AWURADE yɔle sɔ, kyɛbɔ aseɛ so mmenia mukoraati konwu ye kyɛ AWURADE le tumi ɔ, amaa ɔnate so ɛmɔasuro AWURADE ɛmɔ Nyameɛ mmerɛ biala.”

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 9:10

ɔne nikyee biala bɔ ɔfa yɔle Amorifoɛ ahemvo nyɔ nemɔ: Sihon ne Hesebon bɔ né bɛwɔ Yɔɔdan si dɔ ne, ɔne Basan hene Ogo bɔ né ɔte Astarote ne.