Yosua 18:7 - AHYERƐLƐ KRONGRON

⁷ Lewifoɛ mɔ de, bengonya aseɛ biala wɔ ɛmɔ nu, ofikyɛ AWURADE sɔfolilɛ adwuma ne yeɛ ɔte b’agyapadeɛ ɔ. Na Gade abusua kure, Ruben abusua kure, ɔne Manase abusua kure ne bue de, banya b’agyapadeɛ deɛ wɔ Yɔɔdan si eyia afiteleɛ, na sɔ aseɛ ne yeɛ AWURADE somvoɛ Mose fa mane bɛ ne.”

Yosua 18:7 Iomraidhean Croise

Numeri 18:20

Na AWURADE sele Aarɔn kyɛ, “Engonya b’aseɛ ne bie, yeɛ engonya b’agyapadeɛ ne bie. Me yeɛ nde wɔ kyɛfa ne w’agyapadeɛ wɔ Yisraelfoɛ nu ɔ.

Numeri 18:23

Nakoso odi kyɛ Lewifoɛ yeɛ bɛyɔ ɛtena sua atenaleɛ nu berɛ adwuma ne ɔ, na bɛ bɔbɔ bɛ mvomsoɛ nwo musue kɔbɔ bɛ ti so. Ɔkɔyɛ daa ahyɛdeɛ wɔ ɛmɔ aworɛ ndoatoasoɛ mukoraati nu. Nakoso bengonya agyapadeɛ biala wɔ Yisraelfoɛ nu,

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Deuteronomi 10:9

Na ɔnate ɛhe ati, abusua agyapadeɛ bɔ Lewi aliɛma nemɔ nyane ye nen, ye de wannya nu kyɛfa biala; AWURADE yeɛ ɔte ye agyapadeɛ ɔ, kyɛbɔ AWURADE wɔ Nyameɛ ha hyirele ye ne.)

Yosua 12:6

AWURADE somvoɛ Mose ne Yisraelfoɛ lili bɛ so ngonim, na AWURADE somvoɛ Mose hyɛle b’aseɛ ne mane Rubenfoɛ, Gadefoɛ ne Manase abusua kure ne bue.

Yosua 13:33

Nakoso Lewi abusua kure ne de, Mose amma bɛ aseɛ biala, AWURADE Yisrael Nyameɛ yeɛ ɔte b’agyapadeɛ ɔ, kyɛbɔ ɔha hyirele bɛ ne.