Yosua 18:3 - AHYERƐLƐ KRONGRON

³ Yiti Yosua sele Yisraelfoɛ kyɛ, “Aseɛ bɔ AWURADE ɛmɔ nana mɔ Nyameɛ wafa wama ɛmɔ ne, kyinzu koraa yeɛ ɛmɔtwetwe ɛmɔ gya ase maa okoodwu koraka né ɛmɔaafa ɔ?

Yosua 18:3 Iomraidhean Croise

Anyandera 10:4

Asaa bɔ ɔte foen ne, ɔne ehiaa yeɛ bɛnate ɔ, nakoso asaa bɔ okuro adwuma ne de, ɔmaa enya wɔ nwo.

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Anyandera 15:19

Sona bɔ ɔte foen ne, ye atee te mmowue mmowue, nakoso teneneeniɛ de, ye atee te atimbire.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Sefania 3:16

Sɔ mmerɛ ne anu, bekose Yerusalem kyɛ, “O Sion, nnɛsuro, nnɛma w’abasa nu yɛ hodwoo.

Mateo 20:6

Na kɔyɛ nɔsoa nnɔnnum, ɔhɔle dwaaso dɔ oonwuni mmenia biemɔ kyɛ begyigyi berɛ mbaen ɔ; na obisale bɛ kyɛ, ‘Nzu ati yeɛ ɛmɔgyigyi wa ɛnɛ amukoraa bɔ ɛmɔnyɔ hwee ɔ?’

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

Yosua 1:6

Gyina pindinn ná ma w’ahone yɛ se; ofikyɛ aseɛ bɔ ndale ye nwo ndaen ngyirele mmenia hemɔ bɛ nana mɔ kyɛ ngɔfa ngɔma bɛ nen, wɔ yeɛ ekoli mmenia ne nyunu maa bɛkɔɔfa bɛkɔyɛ bɛ deɛ ɔ.

Yosua 13:1

Né Yosua ayɛ panyi, yeɛ afei né wayɛ aworowaa; na AWURADE sele ye kyɛ, “Ayɛ panyi, yeɛ afei ayɛ aworowaa, nakoso aseɛ bɔ waha bɔ ɔsɛ kyɛ ɛmɔfa bɛyɛ bɛ deɛ ne, ɔte dɔnn.

Yosua 18:2

Né waha Yisraelfoɛ abusua kure nzoo bɔ né bɛ de bennyane agyapadeɛ ne bie ɔ.

Yosua 18:4

Abusua kure biala, ɛ́mɔye nu mmienzua nza. Mésoma bɛ maa bɛkɔfa aseɛ ne aso amukoraa, ná bɛkyerɛ aseɛ ne, ɔne so nningyein nwo dwirɛ. Ɛhe yeɛ yɛkogyina so yɛkɔhyɛ maa ɔkɔyɛ b’agyapadeɛ ɔ, ná ye si ye basa bawa me wa.

Maenbulɛfoɛ 18:9

Bebuale kyɛ, “Ɛ́mɔdwɔso, ɛ́mɔma yɛfa koɛ yɛɛteta bɛ, ofikyɛ yanwu aseɛ ne, na ɔte paa paa. Ɛmɔnwondɛ nzu? Nnɛma ɛmɔtwetwe ɛmɔ gya bo ase, na mmom ɛmɔhɔ aseɛ ne aso bɛɛfa.