Yosua 18:16 - AHYERƐLƐ KRONGRON

¹⁶ Bokaa bɔ ɔwɔ Hinom Awa bɔnza ndendeneɛ so, bɔ ɔwɔ Refaim bɔnza ne sorɔ dɔ ne, ɛwɛen ne torotoro kɔ ye nye abo. Ɔkɔ Hinom bɔnza ne ngwaen dɔ, wɔ Yebusifoɛ ndoroleɛ nu ngwaen dɔ, na ɔtorotoro kɔ Ɛn Rogyel.

Yosua 18:16 Iomraidhean Croise

2 Samuel 17:17

Né Yonatan ne Ahimaase baatetɛ wɔ Ɛn Rogyel, ofikyɛ né bɛmbena kyɛ bɛkɔ kuro ne anu dɔ maa benwu bɛ. Yiti né afaneɛ abaayaa bie yeɛ ɔfa ngraa ne kɔma bɛ maa bɛkɔbɔ Nana Dawide amaneɛ ɔ.

2 Samuel 5:18

Filistifoɛ nemɔ wale bɛɛyɛle Refaim bɔnza ne anu mitimiti.

1 Ahemvo 1:9

Adoniya fale mmoaen, nandwie nyii, ɔne nandwie sayɛɛ bɔle afɔleɛ wɔ Sohelete nyɔboɛ bɔ opingye Ɛn Rogyel ne anwo. Ɔtole ye sa frɛle Nana Dawide mma mmienzua bɔ bɛ yeɛ bɛte oliɛma nemɔ amukoraa, yeɛ Dawide mbanyi amukoraa bɔ bɛwɔ Yuda ɔ.

2 Ahemvo 23:10

Yosia fale efiɛ hane Tofete bɔ ɔwɔ Ben Hinom bɔnza ne anu ne, amaa ɔnate so ebiala wamva ɔwa bienzua anaa ɔwa brasua wammɔ afɔleɛ wɔ see nu wamma bosoen Moleke ko.

1 Aberɛso Dwirɛ 14:9

Ne Filistifoɛ baatetɛ wɔ Refaim bɔnza ne anu.

2 Aberɛso Dwirɛ 28:3

Ɔyerale ɛyɛɛ wɔ Hinom Awa bɔnza ne anu, na ɔfale ye mma mmienzua bɔle afɔleɛ wɔ see nu, kyɛbɔ maen maen mɔ bɔ AWURADE foane bɛ fili Yisraelfoɛ nyunu ne, bɛ musue nningyein bɔ né bɛyɔ ne, ɔte ne ala.

2 Aberɛso Dwirɛ 33:6

Ɔfale ye mma mmienzua bɔle afɔleɛ wɔ see nu wɔ Hinom Awa bɔnza ne anu. Ɔhɔle abisa, ɔyele ngonyaa, ɔyele musue, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Yeremia 19:11

ná se bɛ kyɛ, ‘Bɔ Asafo AWURADE kã ɛhe: Kyɛbɔ sona ɔbɔ ngukuenwonɛniɛ ye bua bɔ bɛngora bɛnwo ye yé ko ne, sɔ ala yeɛ ngɔbɔ maen he ne kuro he ɔ. Bekosie mmenia wɔ Tofete alaa kɔpem kyɛ bengonya aseɛ bengosie bɛ ko ɔ.

Yeremia 19:2

ná kɔ Hinom Awa bɔnza bɔ ɔwɔ Nyangaa Bue Pambim ne noa ne anu. Na bɔ edwirɛ bɔ ngɔhã ngohyire wɔ ne dawure wɔ berɛ.

Yeremia 19:6

Yiti tie, AWURADE nwa nyoo: Mmerɛ bie ɔ́ba bɔ bɛngɔfrɛ ɛwa Tofete anaa Hinom Awa bɔnza ko, na mmom bɛkɔfrɛ ɛwa Akumyɛɛ bɔnza.

Yeremia 32:35

Besisili Baal asɔneyɛɛ mɔ wɔ Hinom Awa bɔnza ne anu, kyɛ bɛfa bɛ mma mmienzua ne bɛ mma mmrasua bɛfa see nu (bɛbɔ afɔleɛ) bɛma Moleke, ɔwɔ nu kyɛ mamva ahyɛdeɛ mamma bɛ kyɛ bɛyɔ sɔ, yeɛ wamma me ti anu kyɛ bɛyɔ sɔ akyiwadeɛ ne bɛ́ma Yuda ɔyɔ bɔne.

Yosua 15:63

Nakoso Yebusifoɛ bɔ né bɛte Yerusalem ne de, Yudafoɛ angora andu bɛ bamvi berɛ; yiti Yebusifoɛ ne Yudafoɛ batena Yerusalem toonn maa waadwu ɛnɛ.

Yosua 18:28

Sela, Haelefe, Yebusi (bɔ ye ole Yerusalem), Gibea ne Kiriate Yearim: bɛte nguro buru ne nna ne bɛ namue mɔ. Benyamin abusua kure ne, kyɛbɔ nu mmusua mmusua ne te ne, ye aseɛ deɛ ɛne.

Maenbulɛfoɛ 1:21

Nakoso Benyaminfoɛ bandu Yebusifoɛ bɔ né bɛte Yerusalem ne bamvi berɛ. Yiti Yebusifoɛ ne Benyaminfoɛ babɔ nu batena Yerusalem maa waadwu ɛnɛ.

Maenbulɛfoɛ 1:8

Afei Yudafoɛ fale koɛ bɛɛtetale Yerusalem, na bɛho bɛfale kuro ne. Bele ngrandɛ behuhuni nu ama, na bɛtole kuro ne anu see.

Maenbulɛfoɛ 19:10

Nakoso Lewiniɛ ne wambene so kyɛ ɔkɔla berɛ sɔ kyẽa ne. Osili nu, na oodwuli Yebusi (ye ala ole Yerusalem) ndendeneɛ so. Ɔne ye afunum nyɔ bɔ nningyein gua bɛ so, ɔne ye sómaa ne yeɛ bɛhɔle ɔ.