Yosua 18:13 - AHYERƐLƐ KRONGRON

¹³ Ɛwɛen ne fi berɛ a, ɔpɛ nu kɔ Luse ngwaen dɔ, ɔkɔ Luse (bɔ ye ole Betel) ndoroleɛ nu dɔ, na afei ɔtorotoro kɔ Atarote Ada, na ɔkɔ bokaa bɔ ɔwɔ Bete Horon aseɛnwo dɔ ne aso.

Yosua 18:13 Iomraidhean Croise

Gyenesise 28:19

Na ɔfrɛle berɛ Betel, nakoso daa ne de, né bɛfrɛ kuro ne Luse.

Nehemia 11:31

Benyaminfoɛ nemɔ koso bɛtenane nguro bɔ ofi Geba bɔ ɔkɔ nemɔ aso: Mikimase, Aiya, Betel ne ye nwo nguraa mɔ,

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Yosua 16:5

Efraim abusua kure ne, kyɛbɔ ye mmusua mmusua te ne, b’aseɛ ne wɛen ɛhe: b’aseɛ ne, ye wɛen wɔ eyia afiteleɛ ole Atarote Ada bɔ ɔkwaadwu Bete Horon sorɔ dɔ ne.

Yosua 18:14

Ɛwɛen ne buka fa neka foforɛ, na ɔkondo kɔ eyia atɔleɛ. Ɔfa aseɛnwo dɔ bokaa ne ngwaen wɔ Bete Horon ndendeneɛ so, na ɔkɔpem Kiriate Baal (bɔ ye ole Kiriate Yearim), bɔ ɔte Yuda abusua kure kuro ne. Aseɛ ne, ye eyia atɔleɛ dɔ ɛwɛen ɛne.

Yosua 18:22

Bete Araba, Semaraim, Betel,

Yosua 21:22

Kibisaim, yeɛ Bete Horon: bɛte nguro nna.

1 Samuel 13:18

kure bɔ ɔtɔ so nyɔ ne fale ye nye hyirele Bete Horon, yeɛ kure bɔ ɔtɔ so nza ne koso, ɔfale ye nye hyirele ɛwɛen bɔ ɔla Seboyim bɔnza ne anwuro dɔ ne, bɔ opingye ɛserɛ ne.