Yosua 18:10 - AHYERƐLƐ KRONGRON

¹⁰ Yosua guale serewa mane bɛ wɔ AWURADE nyunu wɔ Silo, na afei Yosua mane Yisrael abusua kure ngaa ne anu biala sa hane ye aseɛ.

Yosua 18:10 Iomraidhean Croise

1 Aberɛso Dwirɛ 24:5

Bɛfale serewagualɛ so yeɛ bɛhyɛle adwuma ne pɛpɛɛpɛ bɛmane bɛ ɔ, ofikyɛ Eleasa ne Yitama boso ama nemɔ, né bɛ mukoraa bele mbanyi mɔ bɔ bɛfata kyɛ bɛyɔ Nyameɛ adwuma wɔ nekaa krongron berɛ ɔ.

Nehemia 11:1

Né maen mbanyi nemɔ bɛtete Yerusalem. Na maen ne anu ama ngaa ne guale serewa kyɛ bɛfa so bɛyeye mmenia ne anu buru nu ngyɛmuɛ ko maa bɛbatena kuro krongron Yerusalem nu, ná buru nu ngyɛmuɛ ngona koso bɛtena nguro ngaa nemɔ aso.

Edwein 47:4

Ɔye y’agyapadeɛ sie berɛ ma yɛ, Yakob bɔ okuro ye dwirɛ ne, agyapadeɛ ne te ye animnyam. Sela

Edwein 61:5

Ofikyɛ wɔ, Nyameɛ, ate me bɔhyɛ ne, bɛ bɔ besuro wɔ dumaa ne, afa b’agyapadeɛ ama me.

Anyandera 18:18

Serewagualɛ ma aporowaa so pɛ, na obua tumifoɛ mɔ b’afia ndɛen.

Yeremia 7:12

Afei, ɛmɔhɔ m’atenaleɛ bɔ né ɔwɔ Silo, nekaa bɔ nnili moa mvale me dumaa ndole so ne, ná ɛmɔɔnea nikyee bɔ ɔnate me maen Yisrael ye bɔne ti mva nyɔle ye ɔ.

Hesekiel 47:22

Odi kyɛ ɛmɔfa serewagualɛ so bɛkyɛ maa ɔyɛ ɛmɔ agyapadeɛ, ɛmɔ ne amanvrafoɛ bɔ baatena ɛmɔ nu ná bawowo mmaa bagua ɛmɔ nu ne. Odi kyɛ ɛmɔbu bɛ kyɛ Yisrael mmaa bɔ bɛwole bɛ maen ne anu ne ala. Bɛ ne ɛmɔ yeɛ bekonya agyapadeɛ wɔ Yisrael mmusua kure nu ɔ.

Hesekiel 48:29

Sɔ aseɛ ne yeɛ odi kyɛ ɛmɔfa serewagualɛ so bɛkyɛ bɛma Yisrael mmusua kure mɔ maa ɔyɛ b’agyapadeɛ ɔ, na ebiala bue deɛ bɔ okonya ye hɔ ɛne, AWURADE Nyameɛ noa dwirɛ ɛne.

Mika 2:5

Yiti ɛmɔngonya ebiala bɔ okogua serewa kɔfa nyamaa kɔhyɛ aseɛ ne wɔ AWURADE asafo nu ɔ.

Numeri 34:16

AWURADE sele Mose kyɛ,

Mateo 27:35

Na bɛbɔle ye mmeamudua nu nen, beguale serewa bɛhyɛle ye ndaadeɛ ne, [amaa ɔnate so, bɔ ngɔmhyɛlɛniɛ ne hane ne wawa nu kyɛ: bɛhyɛle me ndena nu bɛfale, na beguale serewa bɛhyɛle me ndaadeɛ.]

Yohane 17:2

kyɛbɔ ama ye tumi wɔ anwoɔnaen amukoraa so, kyɛ ɔma ebiala bɔ afa ama ye ne daa ngoa ne.

Asomafoɛ 13:19

Nyameɛ sɛkyele maen nzoo wɔ Kanaan aseɛ so, na ɔhyɛle b’aseɛ ne mane yɛ nana mɔ kyɛkyɛ.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Kolosefoɛ 1:12

ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

Yosua 14:2

Bɛfale serewagualɛ so yeɛ bɛhyɛle b’aseɛ ne ɔ, kyɛbɔ AWURADE hyɛle Mose fale abusua ngona ne bue ne anwo ne.

Yosua 14:5

Kyɛbɔ AWURADE hyɛle Mose nen, sɔ ala yeɛ Yisraelfoɛ yɔle ɔ; bɛhyɛle aseɛ ne.

Yosua 18:11

Serewagualɛ ne lili moa yele Benyamin abusua kure ne, kyɛbɔ bɛ mmusua mmusua nemɔ te ne, na aseɛ bɔ Yosua fa mane ye ne ɔla Yuda abusua kure ne Yosef abusua kure bɛ deɛ afia.

Yosua 18:6

Odi kyɛ ɛmɔkyɛ aseɛ ne anu nzoo, ná ɛ́mɔfa ye nwo amaneɛ bɛbabɔ me, na ngogua serewa ngɔma ɛmɔ wɔ AWURADE yɛ Nyameɛ nyunu wa.

Yosua 18:8

Mmenia bɔ bɛkwaafa aseɛ ne aso ná bɛkyerɛ ye nwo dwirɛ nen, anzana bɛbaasi nu ne, Yosua hyɛle bɛ kyɛ, “Ɛmɔhɔ bɛɛfa aseɛ ne amukoraati so, ɛmɔhyerɛ ye nwo dwirɛ, ná ɛmɔsa bɛbra me wa; na ngogua serewa wɔ Silo wa, wɔ AWURADE nyunu ngɔma ɛmɔ.”

Yosua 18:9

Yiti ɛbɔfoɛ nemɔ hɔle bɛɛfale aseɛ ne aso, bɛhyerɛle kyɛbɔ besi bɛhyɛle nu nzoo ne, ɔne nguro somaa bɔ bɛwɔ bɛ nu biala nu beguale nwomaa bie anu, na afei besa bɛwale Yosua berɛ wɔ asikyeleɛ ne anu wɔ Silo.

Yosua 19:51

Sɔ aseɛ nemɔ yeɛ ɔsɔfo Eleasa, Nun awa Yosua ɔne mbanyi bɔ bɛlela Yisrael mmusua kure nemɔ noa ne beguale serewa wɔ Silo bɛhyɛle ɔ. Bɛhyɛle ye wɔ AWURADE nyunu, wɔ ɛtena sua atenaleɛ anoa nu berɛ. Yiti bɛhyɛle aseɛ ne anu beyiele.

Yosua 23:4

Ɛ́mɔtie, maen maen mɔ bɔ baha bɔ yɛnnya yɛllili bɛ so ngonim ne, yeɛ afei maen maen amukoraa bɔ mali bɛ so ngonim ne, b’aseɛ bɔ ofi asue Yɔɔdan noa ɔkwaadwu Ɛpo piri ne wɔ eyia atɔleɛ ne, mahyɛ mama ɛmɔ abusua kure nemɔ maa bafa bayɛ b’agyapadeɛ.