Yosua 18:1 - AHYERƐLƐ KRONGRON

¹ Yisraelfoɛ lili aseɛ ne aso ngonim yiele nen, bɛ mukoraa bɛbɔle dwaa wɔ Silo, na besili ɛtena sua atenaleɛ ne wɔ berɛ.

Yosua 18:1 Iomraidhean Croise

2 Samuel 7:6

Ofi kyẽa bɔ nyele Yisraelfoɛ mvili Misraim mmale bɔ ɔbaadwu ɛnɛ ɔ, nndenane awuro nu le; na mmom medi tutena wɔ ɛtena sua ne nyianu sua nu.

1 Ahemvo 14:2

Yeɛ Yeroboam sele ɔye kyɛ, “Dwɔso ná sakyera wɔ nwo, amaa bannwu kyɛ me Yeroboam, me ye ole wɔ. Tie, kɔ Silo, na ngɔmhyɛlɛniɛ Ahiya bɔ ɔhã hyirele me kyɛ ngoli maen ye aso hene ne, ɔwɔ dɔ.

1 Ahemvo 14:4

Yeroboam aye ne yɔle sɔ ala: osili nu hɔle Silo na oodwuli Ahiya awuro. Sɔ mmerɛ ne, né Ahiya onnwu nikye. Ɔnate enyinɛ bɔ wanyi ne ati, né ye nye so ayɛ ye musinamusina.

1 Ahemvo 2:27

Yiti Solomon lele AWURADE sɔfolilɛ adwuma ne fili Abiata sa nu. Na edwirɛ bɔ AWURADE hane ye wɔ Silo fale Eli boso ama nwo ne, ɛhe maa ɔwale nu.

Nehemia 9:24

Yiti bɛ boso ama nemɔ, bɛhɔle aseɛ ne aso bɛɛfale, na Kanaanfoɛ bɔ bɛ yeɛ né bɛte aseɛ ne aso mmenia ne, ɛfale bɛ wurale Yisraelfoɛ bo. Na ɛfale bɛ ne b’ahemvo ne aseɛ ne aso ama wurale Yisraelfoɛ sa kyɛ bɔ bekuro ne, bɛfa bɛyɔ bɛ.

Edwein 78:60

Ye atenaleɛ bɔ ɔwɔ Silo, ɛtena sua bɔ ɔtenane nu wɔ adasa mmaa nu ne, ɔpole ye.

Edwein 78:66

Ohuhuni ye pɔfoɛ mɔ pasapasa, na oguale bɛ nyunu ase afebɔɔ.

Yeremia 26:6

ye de, ngɔyɛ awuro he kyɛ Silo, na ngɔma kuro he kɔyɛ ɛnomalɛ nikyee ngɔma aseɛ ye aso maen maen amukoraa.’ ”

Yeremia 26:9

Nzu ati yeɛ afa AWURADE dumaa ahyɛ ngɔm kyɛ, ‘Awuro he kɔyɛ kyɛ Silo, ná kuro ye koso kɔyɛ kurofoen, bɔ ebiala ngɔtena so ɔ’?” Na mmenia ne amukoraa bɛpɛle Yeremia nwo beyiale wɔ AWURADE awuro berɛ.

Yeremia 41:5

mmienzua aburawɔtwɛ biemɔ fili Sɛkem ne Silo ne Samaria bɛwale. Né bapoa bɛ kanza, basunzua bɛ ndaadeɛ nu, yeɛ batete bɛ nwonaen, bɔ bɛfale aburoo afɔleɛ ne ɛyɛɛ kyɛ bɛ́fa bɛba AWURADE awuro berɛ.

Numeri 32:22

ná AWURADE di aseɛ ne aso ngonim a, ye si ye, ɛmɔkɔhora bekosa bɛ si. Sɛ ɔba ye sɔ a, né ɛmɔnni AWURADE ne Yisrael nyunu fɔ, na aseɛ he kɔyɛ ɛmɔ agyapadeɛ AWURADE nyunu.

Asomafoɛ 7:45

Na nziɛ ye, yɛ nana mɔ koso bɛ sa hane ɛtena sua ne fili bɛ baba mɔ berɛ, na bɛ ne Yosua fa wale maen maen bɔ Nyameɛ foane bɛ fili yɛ nana mɔ nyunu nemɔ aseɛ so. Na olili bɛ sa nu maa oodwuli Dawide aberɛ so.

Yosua 18:2

Né waha Yisraelfoɛ abusua kure nzoo bɔ né bɛ de bennyane agyapadeɛ ne bie ɔ.

Yosua 18:8

Mmenia bɔ bɛkwaafa aseɛ ne aso ná bɛkyerɛ ye nwo dwirɛ nen, anzana bɛbaasi nu ne, Yosua hyɛle bɛ kyɛ, “Ɛmɔhɔ bɛɛfa aseɛ ne amukoraati so, ɛmɔhyerɛ ye nwo dwirɛ, ná ɛmɔsa bɛbra me wa; na ngogua serewa wɔ Silo wa, wɔ AWURADE nyunu ngɔma ɛmɔ.”

Yosua 19:51

Sɔ aseɛ nemɔ yeɛ ɔsɔfo Eleasa, Nun awa Yosua ɔne mbanyi bɔ bɛlela Yisrael mmusua kure nemɔ noa ne beguale serewa wɔ Silo bɛhyɛle ɔ. Bɛhyɛle ye wɔ AWURADE nyunu, wɔ ɛtena sua atenaleɛ anoa nu berɛ. Yiti bɛhyɛle aseɛ ne anu beyiele.

Yosua 21:2

wɔ Silo bɔ ɔwɔ Kanaan aseɛ so beesele bɛ kyɛ, “AWURADE fale Mose so hyɛle kyɛ, ɔsɛ kyɛ bɛma yɛ nguro maa yɛtena so, ɔne nguro nemɔ nwo aseɛ bɔ yɛ nyɛmmoa kodidi so ɔ.”

Yosua 22:12

Na mmerɛ bɔ Yisraelfoɛ ngaa ne tele sɔ dwirɛ nen, Yisrael maen ye amukoraa boaboale bɛ noa wɔ Silo, kyɛ bɛkwaafa koɛ bɛtoa bɛ.

Yosua 22:19

Nakoso, sɛ ɛmɔnea ná efiɛ aha ɛmɔ aseɛ ne a, nzaade ɛ́mɔpɛ asue ne bɛbra AWURADE aseɛ ne aso, nekaa bɔ AWURADE nyianu sua wɔ ne, ná ɛmɔɔfa yɛ aseɛ ne bie. Nnɛma ɛmɔtwi bɛfa AWURADE dwirɛ so, anaa yɛ dwirɛ so, bɔ ɔkɔmaa ɛmɔkosi afɔleɛ bokyea bɛboka AWURADE yɛ Nyameɛ afɔleɛ bokyea ne aso ɔ.

Yosua 22:9

Yiti Rubenfoɛ, Gadefoɛ ne Manase abusua kure ne bue yakyili Yisraelfoɛ ngaa ne wɔ Silo, bɔ ɔwɔ Kanaan aseɛ so. Na besili nu kyɛ besa bɛkɔ Gileade bɔ ɔte bɛ bɔbɔ b’aseɛ ne aso; aseɛ bɔ begyinane AWURADE ahyɛdeɛ bɔ ɔnate Mose so bɛfale ne.

Maenbulɛfoɛ 18:31

Yiti Mika bɔbɔ ye amoen bɔ ɔyɛle ne, bɛhɔle so bɛfa bɛyɛle bɛ deɛ, mmerɛ amukoraa bɔ né Nyameɛ awuro ne wɔ Silo ɔ.

Maenbulɛfoɛ 21:12

Benyane ndaluwa bɔ bennwuni biaa le ɔ ɛyaa nna wɔ Yabese Gileadefoɛ nu, na bɛfale bɛ bɛwale asikyeleɛ ne anu berɛ wɔ Silo, bɔ ɔwɔ Kanaan aseɛ so.

Maenbulɛfoɛ 21:19

Yiti bɛhane kyɛ, “AWURADE afoɛnoa aluolue ne, bekoli ye wɔ Silo bɔ ɔwɔ Betel sorɔ dɔ ne. Atimbire bɔ ofi Betel kɔ Sɛkem ne, Silo wɔ ye eyia afiteleɛ so, na osa wɔ Lebona ngwaen.”

1 Samuel 1:24

Ɔpɛle akwadaa ne nyɔfone nen, ɔne ye bɛhɔle AWURADE awuro wɔ Silo, ɔwɔ nu kyɛ né akwadaa ne onnyini. Ɔfale ɛhemɔ koso bokale so: nandwie nyii bɔ wali afoɛ nza ɔ, esam graa ko, yeɛ bobe nzaa kɔndoa ko.

1 Samuel 1:3

Afoɛ biala, né Ɛlkana fi ye kuro kɔ Silo kɔsɔne Asafo AWURADE ná ɔbɔ afɔleɛ ma ye wɔ berɛ. Hofini ne Finehase bɔ bɛte Eli mma mmienzua nyɔ ne, né bɛte AWURADE asɔfo wɔ Silo.