Yosua 17:11 - AHYERƐLƐ KRONGRON

¹¹ Yisaka ne Asɛ aseɛ ne, nguro hemɔ wɔ so bɔ bɛte Manase deɛ ɔ: Bete Sean ne ye nwo namue mɔ, Yiblim ne ye nwo namue mɔ, Dɔɔ kuro berɛ ama ne ye nwo namue mɔ, Ɛn Dɔɔ kuro berɛ ama ne ye nwo namue mɔ, Taanake kuro berɛ ama ne ye nwo namue mɔ, Megido kuro berɛ ama ne ye nwo namue mɔ (yeɛ Nafate nza nu ngyɛmuɛ ko).

Yosua 17:11 Iomraidhean Croise

2 Samuel 21:12

Na ɛhe mane Dawide hɔle Yabese Gileadefoɛ berɛ oolele Sɔɔlo ne ɔwa Yonatan mmowue ne fili bɛ berɛ. Né Yabese Gileadefoɛ bali moa baawua mmowue ne bafi Bete San dwaa ne aso. Kyẽa bɔ Filistifoɛ huni Sɔɔlo wɔ Gilboa ne, Bete San dwaa ne aso yeɛ bɛfale efuin nemɔ besinzele ɔ.

1 Ahemvo 9:15

Kyɛbɔ Nana Solomon hyɛle mmenia maa bɛyɔle suasilɛ adwuma ne, ye nwo edwirɛ ɛhe: sua nemɔ ole AWURADE awuro ne, ye bɔbɔ ye ahemvie ne, sua bɔ bɛfrɛ ye Milo ne, ɔne Yerusalem fasue ne, Hasɔ, Megido yeɛ Gɛsɛre.

2 Ahemvo 9:27

Mmerɛ bɔ Yuda hene Ahasia nwuni bɔ ɔkɔ so ne, ɔfale ye nye hyirele Bete Hagan atee so kyɛ ɔnwati. Yehu foane ye, na Yehu hane kyɛ, “Ɛ́mɔto agyaen behũ ye koso.” Na bɛtole agyaen bɛwɔle ye wɔ teaseɛnam ne anu wɔ Gure pambaa bɔ opingye Yiblim ne aso. Yeɛ Ahasia nwati hɔle Megido, na oowuli dɔ.

1 Aberɛso Dwirɛ 6:70

Na Manase abusua kure ne bue ne anu, bɛyele aseɛ hemɔ befili nu bɛmane Kohate mmusua ngaa nemɔ: Anere ne ye nwo aseɛ bɔ nyɛmmoa didi so ɔ, yeɛ Bileam ne ye nwo aseɛ bɔ nyɛmmoa didi so ɔ.

1 Aberɛso Dwirɛ 7:29

kɔfa Manasefoɛ wɛen so, Bete Sean ne ye nwo nguro, Taanake ne ye nwo nguro, Megido ne ye nwo nguro, yeɛ Dɔɔ ne ye nwo nguro. Sɔ nguro nemɔ aso yeɛ né Yisrael awa Yosef ye boso ama bɛtete ɔ.

2 Aberɛso Dwirɛ 35:22

Nakoso Yosia wandie bɔ Neko kã ne, na mmom ɔɔsakyerale ye nwo ɔfale koɛ ɔtoale Neko. Wandie Nyameɛ dwirɛ bɔ ɔnate Neko so hane ne, na mmom ɔfale koɛ ɔɔtoale Neko wɔ Megido aseɛ frɛtɛɛ ne aso.

Edwein 83:10

Bɛ yeɛ ehuhuni bɛ wɔ Ɛn Dɔɔ mane bɛ fuin porɔle wɔ aseɛ so ne.

Yeremia 49:2

Yiti ɛ́mɔtie, mmerɛ bie ɔ́ba, AWURADE noa dwirɛ ɛne, bɔ ngɔmaa bɛkɔte koɛ nwo ngunga wɔ Amonfoɛ kuro Raba; ɔkɔkakyi kurofoen so sire, na bɛkɔfa see bɛkɔyera ye nwo nguraa mɔ. Na bɛ bɔ Yisrael agyapadeɛ oolili bɛ dɔ ne, Yisrael kosa kole ye nikye, AWURADE noa dwirɛ ɛne.

Sakaria 12:11

Sɔ kyẽa ne, awuyebɔlɛ piri paa kɔwa Yerusalem bɔ ɔte kyɛ Hadadrimon awuyebɔlɛ wɔ Megido bɔnza nu ne.

Yosua 11:2

ahemvo mɔ bɔ bɛwɔ sorɔ dɔ mmokaa aseɛ ne aso ne, bɛ bɔ bɛwɔ Araba ne anu wɔ Kinerote ngwaen dɔ ne, bɛ bɔ bɛwɔ aseɛ frɛtɛɛ ne aso, ɔne bɛ bɔ bɛwɔ Nafɔte Dɔɔ wɔ eyia atɔleɛ ne.

Yosua 12:21

Taanake hene, Megido hene;

Yosua 12:23

Dɔɔ hene bɔ ɔwɔ Nafate Dɔɔ, Goyim hene bɔ ɔwɔ Gilgal;

Yosua 16:9

Afei koso, nguro bɔ bɛye befili Manasefoɛ agyapadeɛ nu bɛmane Efraimfoɛ ne, bɛboka aseɛ ne aso, nguro ne amukoraa ne bɛ namue mɔ.

Yosua 17:10

Ngwaen dɔ aseɛ ne te Efraim deɛ, yeɛ sorɔ dɔ aseɛ ne te Manase deɛ, na bɛ wɛen ole ɛpo ne. Manase ne Asɛ bɛbɔ wɛen wɔ sorɔ dɔ, na osa ne Yisaka bɛbɔ wɛen wɔ eyia afiteleɛ.

Yosua 17:16

Na Yosef abusua kure ne buale kyɛ, “Mmokaa aseɛ ne te kãa ma yɛ. Afei koso, Kanaanfoɛ amukoraa bɔ bɛwɔ aseɛ frɛtɛɛ ne aso ne, bele buralɛ teaseɛnam mɔ: bɛwɔ Bete Sean ne ye namue mɔ nu, ɔne Yesreel bɔnza ne anu.”

Maenbulɛfoɛ 1:27

Bete Sean ne ye nwo nguraa mɔ, Taanake ne ye nwo nguraa mɔ, Dɔɔ ne ye nwo nguraa mɔ, Yiblim ne ye nwo nguraa mɔ, yeɛ Megido ne ye nwo nguraa mɔ de, Manasefoɛ bandu berɛ ama bamvi berɛ; na mmom Kanaanfoɛ nemɔ hɔle so bɛtenane aseɛ ne aso.

Maenbulɛfoɛ 5:19

Ahemvo mɔ wale, na bɛhone; yeɛ Kanaan ahemvo koso bɛhone, wɔ Taanake bɔ opingye Megido nzue noa; bannya koɛ nu nzesadeɛ bɔ ɔte ɛdwetɛ ɔ.

1 Samuel 28:7

Afei Sɔɔlo sele ye somvoɛ nemɔ kyɛ, “Ɛmɔɔpena brasua nzamangɔmhyɛlɛniɛ bɛma me maa ngɔ ye berɛ abisa.” Na ye somvoɛ nemɔ buale ye kyɛ, “Nzamangɔmhyɛlɛniɛ bie wɔ Ɛndɔɔ.”

1 Samuel 31:10

Bɛfale ye akodeɛ ne beeguale bosoen Astarote asɔneyɛɛ sua nu, na bɛfale ye fuin ne besinzele kuro bɔ oli Bete San fasue nwo.

1 Samuel 31:12

bɛ koɛhonɛfoɛ ahoneserɛfoɛ nemɔ penene atee so. Bɛnatele kɔngɔen ne toonn, na bɛɛyele Sɔɔlo ne ye mma nemɔ fuin befili Bete San fasue ne anwo. Na bɛfale bɛ bɛwale Yabese bɛɛyerale bɛ wɔ berɛ.