Yosua 17:1 - AHYERƐLƐ KRONGRON

¹ Bɛmane Manase abusua kure ne aseɛ, ofikyɛ Manase yeɛ ɔte Yosef bamuɛbaa ɔ. Gileade ne Basan aseɛ ne, bɛfa bɛmane Manase bamuɛbaa Makyiri bɔ ɔwa ole Gileade ne, ofikyɛ né Makyiri te koɛhonɛniɛ.

Yosua 17:1 Iomraidhean Croise

Gyenesise 41:51

Yosef tole bamuɛbaa ne dumaa Manase, ofikyɛ ɔnwa, “Nyameɛ ama me wora afi me yealɛ amukoraa, ɔne me se awuro ama mu.”

Gyenesise 41:52

Ɔtole bɔ ɔtɔ so nyɔ ne dumaa Efraim, ofikyɛ ɔnwa, “Nyameɛ amaa manya mmaa wɔ aseɛ bɔ amaneɛnwunɛ wɔ so ye aso.”

Gyenesise 46:20

Yosef ne Asenate bɔ ɔte On sɔfo Pɔtifɛra awa brasua ne, bɛwole Manase ne Efraim wɔ Misraim maen nu.

Gyenesise 48:17

Na Yosef nwuni kyɛ ye baba afa ye sa famaa wato Efraim ti so nen, wanyɛ ye fɛ; yiti ɔyele ye baba sa fili Efraim ti so fa tole Manase ti so.

Gyenesise 48:18

Yeɛ Yosef sele ye baba kyɛ, “Daabi, baba, ɛhe yeɛ ɔte bamuɛbaa ɔ, yiti fa wɔ sa famaa ne to ye ti so.”

Gyenesise 50:23

Yosef nwuni Efraim ye nana nganzowa mɔ po, na bɛwole Manase awa Makyiri mma bɛtole Yosef gya so.

2 Samuel 2:9

Ɔfale ye sili Gileade, Asurifoɛ, Yesreel, Efraim, Benyamin ne Yisrael mukoraa so hene.

1 Aberɛso Dwirɛ 2:23

Nakoso Gesure ne Aram belele Hawote Yari, yeɛ Kenate ne ye nwo nguro aburasia nemɔ befili bɛ sa nu. Berɛ mmenia nemɔ amukoraa bɛte Gileade baba Makyiri ye boso ama.

Hesekiel 47:13

AWURADE Nyameɛ nwa nyoo, “Aseɛ ne bɔ ɛmɔkɔhyɛ bɛkɔma Yisrael mmusua kure buru ne nyɔ ne maa ɔkɔyɛ b’agyapadeɛ ne, bɛ wɛen mɔ ɛhe: Odi kyɛ Yosef nya bue nyɔ.

Hesekiel 48:4

Bɔ ɔtoa Nafetali aseɛ deɛ aso, ofi eyia afiteleɛ so kodwu eyia atɔleɛ so ne, ɔte Manase deɛ, bue ko ɛne.

Numeri 26:29

Manase boso ama mɔ ɛhe: Makyirifoɛ bɔ bɛte Makyiri sasofoɛ. Makyiri ɔwa ole Gileade, na Gileade sasofoɛ ole Gileadefoɛ.

Numeri 27:1

Selofehade ɔse ole Hefa, bɔ ɔse ole Gileade, bɔ ɔse ole Makyiri, bɔ ɔse ole Manase, bɔ ye koso ɔse ole Yosef ne. Yiti Selofehade te Manase bosoniɛ. Ye mmrasua mɔ ole Mahela, Nowa, Hogela, Milka ɔne Tisa. Selofehade mma mmrasua nemɔ wale

Numeri 32:33

Amorifoɛ hene Sihon ye ahennie ɔne Basan hene Ogo ye ahennie: b’aseɛ ne bɛ nguro, ɔne nguro bɔ wapɛ bɛ nwo wayia nemɔ aseɛ ne, Mose fa mane Gadefoɛ, Rubenfoɛ ɔne Yosef awa Manase abusua kure ne bue.

Deuteronomi 21:17

Ɔsɛ kyɛ biaa ne fa braa bɔ onguro ye n’awa bamuɛbaa dibea ma ye, ná ɔma ye bɔ ole ye amukoraa nza nu ngyɛmuɛ nyɔ, ofikyɛ ye yeɛ ɔte ye bienzua nu anwoserɛ bɔ oli moa ɔ, na bamuɛbaa dibea ne te ye deɛ.

Yosua 17:2

Bɛfale aseɛ ne bie koso bɛmane Manase abusua kure ne anu mmusua ngaa nemɔ: Abiesa abusua, Heleke abusua, Aseriɛl abusua, Sɛkem abusua, Hefa abusua ne Semida abusua. Sɔ mmienzua nemɔ, bɛte Yosef awa Manase ye bosofoɛ, na bɛ yeɛ bɛlela bɛ mmusua nemɔ noa ɔ.

Yosua 22:7

Manase abusua kure ne bue ko ne, né Mose ali moa wafa b’aseɛ deɛ wama bɛ wɔ Basan. Na sɔ abusua ne bue ko bɔ waha ne wora, Yosua fale aseɛ bɔ ɔwɔ b’eliɛma mɔ Yisraelfoɛ deɛ nu mane bɛ, wɔ asue Yɔɔdan eyia atɔleɛ. Mmerɛ bɔ Yosua baayakyi bɛ ate maa bɛkɔ nen, oyirale bɛ,

Maenbulɛfoɛ 5:14

Besili nu befili Efraim bɛhɔle Amalɛke bɔnza ne anu. Belili wɔ Benyamin, ne wɔ nwo ama si; Safohene nemɔ tuli bɛ bo befili Makyiri, yeɛ bɛ bɔ betira safohene pɔmaa mɔ koso, betuli bɛ bo befili Sebulɔn.