Yosua 16:9 - AHYERƐLƐ KRONGRON

⁹ Afei koso, nguro bɔ bɛye befili Manasefoɛ agyapadeɛ nu bɛmane Efraimfoɛ ne, bɛboka aseɛ ne aso, nguro ne amukoraa ne bɛ namue mɔ.

Yosua 16:9 Iomraidhean Croise

2 Samuel 2:9

Ɔfale ye sili Gileade, Asurifoɛ, Yesreel, Efraim, Benyamin ne Yisrael mukoraa so hene.

1 Aberɛso Dwirɛ 7:28

B’agyapadeɛ ne b’atenaleɛ mɔ ole Betel ne ye nwo nguro mɔ, yeɛ Naaran bɔ ɔwɔ eyia afiteleɛ so, Gɛsɛre bɔ ɔwɔ eyia atɔleɛ so ne ye nwo nguro, Sɛkem ne ye nwo nguro, toonn kodwu Aya ne ye nwo nguro,

Hesekiel 48:5

Bɔ ɔtoa Manase aseɛ deɛ aso, ofi eyia afiteleɛ so kodwu eyia atɔleɛ so ne, ɔte Efraim deɛ, bue ko ɛne.

Yosua 16:10

Nakoso Kanaanfoɛ bɔ né bɛte Gɛsɛre ne de, Yisraelfoɛ andu bɛ amvi berɛ; yiti Kanaanfoɛ atena Efraimfoɛ nu toonn maa waadwu ɛnɛ, nakoso Efraimfoɛ hyɛ bɛ maa bɛyɔ adwuma.

Yosua 16:8

Ɛwɛen ne fi Tapua a, ɔkɔfa eyia atɔleɛ dɔ kɔ Kana bɔnza ne anu, na ye noa kɔpem ɛpo ne. Efraim abusua kure ne, kyɛbɔ ye mmusua mmusua nemɔ te ne, b’agyapadeɛ ɛne.

Yosua 17:9

Ɛwɛen ne torotoro kɔ Kana bɔnza ne anu dɔ. Berɛ nguro nemɔ bɔ bɛwɔ bɔnza ne ngwaen dɔ ne, bɛte Efraimfoɛ deɛ, nakoso bɛwɔ Manasefoɛ aseɛ so. Afei Manase ɛwɛen ne kɔfa bɔnza ne sorɔ dɔ, na ye noa kɔpem mboanoa.