Yosua 16:3 - AHYERƐLƐ KRONGRON

³ Ɔtorotoro kɔ eyia atɔleɛ, ɔkɔ Yafletefoɛ ɛwɛen so, ɔkɔ Bete Horon aseɛnwo dɔ ɛwɛen so, ɔtoa so kɔ Gɛsɛre, na ye noa kodwu mboanoa.

Yosua 16:3 Iomraidhean Croise

1 Aberɛso Dwirɛ 20:4

Ɛhe asi ye, bɛ ne Filistifoɛ hone koɛ wɔ Gɛsɛre. Koɛ ne anu, Husaniɛ Sibekae huni kwabranoa nemɔ bosoniɛ ko bɔ oli Sippae, na Filistifoɛ lili ngoguo.

1 Aberɛso Dwirɛ 7:24

Efraim awa brasua ole Seera bɔ ɔkyekyele Bete Horon ngwaen ne sorɔ, yeɛ Yusen Seera ne.

1 Aberɛso Dwirɛ 7:28

B’agyapadeɛ ne b’atenaleɛ mɔ ole Betel ne ye nwo nguro mɔ, yeɛ Naaran bɔ ɔwɔ eyia afiteleɛ so, Gɛsɛre bɔ ɔwɔ eyia atɔleɛ so ne ye nwo nguro, Sɛkem ne ye nwo nguro, toonn kodwu Aya ne ye nwo nguro,

2 Aberɛso Dwirɛ 8:5

Osa kyekyele Bete Horon sorɔ, yeɛ Bete Horon ngwaen, maa bɛyɛle nguro bɔ babɔ bɛ nwo waen bato bɛ nwo fasue, ná bafa mmuralɛ babrambram bɛ pambim mɔ asi ɔ.

Numeri 34:6

“Ɛmɔ eyia atɔleɛ wɛen kɔyɛ Ɛpo Piri ne ye mboanoa; ɛhe yeɛ ɔkɔyɛ ɛmɔ atɔleɛ ɛwɛen ɔ.

Yosua 10:33

Gɛsɛre hene Horam fo wale ɔɔbokale Lakisefoɛ, nakoso Yosua huhuni ye ne ye lɔen ne, na wanyakyi sona ko po.

Yosua 18:13

Ɛwɛen ne fi berɛ a, ɔpɛ nu kɔ Luse ngwaen dɔ, ɔkɔ Luse (bɔ ye ole Betel) ndoroleɛ nu dɔ, na afei ɔtorotoro kɔ Atarote Ada, na ɔkɔ bokaa bɔ ɔwɔ Bete Horon aseɛnwo dɔ ne aso.

1 Samuel 13:18

kure bɔ ɔtɔ so nyɔ ne fale ye nye hyirele Bete Horon, yeɛ kure bɔ ɔtɔ so nza ne koso, ɔfale ye nye hyirele ɛwɛen bɔ ɔla Seboyim bɔnza ne anwuro dɔ ne, bɔ opingye ɛserɛ ne.