Yosua 15:8 - AHYERƐLƐ KRONGRON

⁸ Ɛwɛen ne fo kɔfa Hinom Awa bɔnza ne anu, wɔ Yebusifoɛ bokaa ne ngwaen dɔ (bɔ ye ole Yerusalem). Bokaa bɔ ɔwɔ Hinom bɔnza ndendeneɛ so ne, ɛwɛen ne nate ye anwuro dɔ, wɔ eyia atɔleɛ, wɔ Refaim bɔnza ne sorɔ dɔ.

Yosua 15:8 Iomraidhean Croise

2 Samuel 5:18

Filistifoɛ nemɔ wale bɛɛyɛle Refaim bɔnza ne anu mitimiti.

2 Samuel 5:22

Filistifoɛ sa hɔle bieku bɛɛyɛle Refaim bɔnza ne anu mitimiti.

2 Ahemvo 23:10

Yosia fale efiɛ hane Tofete bɔ ɔwɔ Ben Hinom bɔnza ne anu ne, amaa ɔnate so ebiala wamva ɔwa bienzua anaa ɔwa brasua wammɔ afɔleɛ wɔ see nu wamma bosoen Moleke ko.

1 Aberɛso Dwirɛ 11:4

Yerusalem bɔ né besa bɛfrɛ ye Yebusi, bɔ ɔte nekaa bɔ né Yebusifoɛ bɛte ne, Dawide ne Yisrael amukoraa bɛfale koɛ bɛɛtoale kuro ne.

2 Aberɛso Dwirɛ 28:3

Ɔyerale ɛyɛɛ wɔ Hinom Awa bɔnza ne anu, na ɔfale ye mma mmienzua bɔle afɔleɛ wɔ see nu, kyɛbɔ maen maen mɔ bɔ AWURADE foane bɛ fili Yisraelfoɛ nyunu ne, bɛ musue nningyein bɔ né bɛyɔ ne, ɔte ne ala.

Nehemia 11:30

Sanoa, Adulam ne bɛ nwo nguraa mɔ, Lakise ne ye nwo aseɛ mɔ, yeɛ Aseka ne ye nwo nguraa mɔ. Yiti bɛkyekyele asikyeleɛ fi Beɛ Hyeba beedwuli Hinom bɔnza ne anu.

Yesaya 17:5

Ɔkɔyɛ kyɛ aburoo bɔ ogyi berɛ bɔ kuaniɛ ɔfa ye sa pomba ye aleɛ ne ɔ, ɔkɔyɛ kyɛ ɛmo bɔ kuaniɛ ɔte ye si ne wɔ Refaim bɔnza nu ɔ.

Yeremia 19:14

Yeɛ Yeremia fili Tofete, nekaa bɔ AWURADE asoma ye kyɛ ɔɔhyɛ ngɔm ne ɔwale, na oogyinane AWURADE awuro ne aluo berɛ osele maen ne amukoraa kyɛ,

Yeremia 19:2

ná kɔ Hinom Awa bɔnza bɔ ɔwɔ Nyangaa Bue Pambim ne noa ne anu. Na bɔ edwirɛ bɔ ngɔhã ngohyire wɔ ne dawure wɔ berɛ.

Yeremia 19:6

Yiti tie, AWURADE nwa nyoo: Mmerɛ bie ɔ́ba bɔ bɛngɔfrɛ ɛwa Tofete anaa Hinom Awa bɔnza ko, na mmom bɛkɔfrɛ ɛwa Akumyɛɛ bɔnza.

Yosua 15:63

Nakoso Yebusifoɛ bɔ né bɛte Yerusalem ne de, Yudafoɛ angora andu bɛ bamvi berɛ; yiti Yebusifoɛ ne Yudafoɛ batena Yerusalem toonn maa waadwu ɛnɛ.

Yosua 18:16

Bokaa bɔ ɔwɔ Hinom Awa bɔnza ndendeneɛ so, bɔ ɔwɔ Refaim bɔnza ne sorɔ dɔ ne, ɛwɛen ne torotoro kɔ ye nye abo. Ɔkɔ Hinom bɔnza ne ngwaen dɔ, wɔ Yebusifoɛ ndoroleɛ nu ngwaen dɔ, na ɔtorotoro kɔ Ɛn Rogyel.

Yosua 18:28

Sela, Haelefe, Yebusi (bɔ ye ole Yerusalem), Gibea ne Kiriate Yearim: bɛte nguro buru ne nna ne bɛ namue mɔ. Benyamin abusua kure ne, kyɛbɔ nu mmusua mmusua ne te ne, ye aseɛ deɛ ɛne.

Maenbulɛfoɛ 1:21

Nakoso Benyaminfoɛ bandu Yebusifoɛ bɔ né bɛte Yerusalem ne bamvi berɛ. Yiti Yebusifoɛ ne Benyaminfoɛ babɔ nu batena Yerusalem maa waadwu ɛnɛ.

Maenbulɛfoɛ 1:8

Afei Yudafoɛ fale koɛ bɛɛtetale Yerusalem, na bɛho bɛfale kuro ne. Bele ngrandɛ behuhuni nu ama, na bɛtole kuro ne anu see.

Maenbulɛfoɛ 19:10

Nakoso Lewiniɛ ne wambene so kyɛ ɔkɔla berɛ sɔ kyẽa ne. Osili nu, na oodwuli Yebusi (ye ala ole Yerusalem) ndendeneɛ so. Ɔne ye afunum nyɔ bɔ nningyein gua bɛ so, ɔne ye sómaa ne yeɛ bɛhɔle ɔ.