Yosua 15:13 - AHYERƐLƐ KRONGRON

¹³ Kyɛbɔ AWURADE hyɛle Yosua nen, ɔfale Yuda abusua kure aseɛ ne bie mane Yefune awa Kalebo. Aseɛ ne ole Kiriate Aba, bɔ ye ole Hebron ne. (Né Aba te Anake baba).

Yosua 15:13 Iomraidhean Croise

Gyenesise 13:18

Yiti Abram tutuli ye ɛtena sua ne, na ɔɔtenane pingyele Mamre eluii mmakaa bɔ bɛwɔ Hebron ne, na osili afɔleɛ bokyea berɛ mane AWURADE.

Gyenesise 23:2

Sara wuli wɔ Kiriate Aba, (bɔ osa li Hebron), bɔ ɔwɔ Kanaan aseɛ so. Na Abraham oosuni Sara lili ye nwo yealɛ.

2 Samuel 2:1

Ɛhe asi ne, Dawide bisale AWURADE kyɛ, “Aso ngɔ Yuda nguro nemɔ ko aso anaa?” Na AWURADE buale ye kyɛ, “Yoo, kɔ.” Yeɛ Dawide sa bisale kyɛ, “Bɛ nu beni yeɛ ngɔ so ɔ?” Na obuale kyɛ, “Hebron.”

1 Aberɛso Dwirɛ 6:56

Nakoso kuro ne anwo mvofoen ne ye nwo namue nemɔ de, bɛfa bɛmane Yefune awa Kalebo.

2 Aberɛso Dwirɛ 11:10

Sora, Ayalɔn ne Hebron nwo waen. Bɛte nguro bɔ babɔ bɛ nwo waen wɔ Yuda ne Benyamin ɔ.

Numeri 13:30

Nakoso Kalebo tuli mmenia ne noa dwirɛ guale wɔ Mose nyunu, na ɔhane kyɛ, Ɛ́mɔma yɛhã yɛ nwo yɛhɔ kekesaala ye yɛɛfa aseɛ ne, ofikyɛ yɛkɔhora yɛkɔho yɛkɔfa.”

Numeri 13:6

Yuda abusua kure nu deɛ ole Yefune awa Kalebo;

Yosua 11:21

Sɔ mmerɛ ne, Yosua hɔle oohuhuni Anakefoɛ. Na ɔmane bɛ boso nuane fili mmokaa aseɛ ne aso, Hebron, Dɛbi, Anabo, Yuda mmokaa aseɛ ne amukoraa so, ɔne Yisrael mmokaa aseɛ ne amukoraa so. Yosua huhuni bɛ bɔkɔɔ, na ɔsɛkyele bɛ nguro nemɔ bɔkɔɔ.

Yosua 20:7

Yiti bɛyele nguro hemɔ besiele berɛ: Kedese bɔ ɔwɔ Galilea, bɔ ɔwɔ Nafetali mmokaa aseɛ so, Sɛkem bɔ ɔwɔ Efraim mmokaa aseɛ so, ɔne Kiriate Aba (bɔ ye ole Hebron) bɔ ɔwɔ Yuda mmokaa aseɛ so ne.

Yosua 21:11

Bɛfale Kiriate Aba (Aba te Anake baba) bɔ besa bɛfrɛ ye Hebron ne, ɔne ye nwo aseɛ bɔ nyɛmmoa didi so ɔ bɛmane bɛ. Ɔwɔ Yuda mmokaa aseɛ ne aso.

Maenbulɛfoɛ 1:10

Yuda ɔɔfale koɛ tetale Kanaanfoɛ bɔ bɛte Hebron ne (daa ne, né bɛfrɛ Hebron Kiriate Aba); na belili Sesayi, Ahiman ne Talmae so ngonim.

Maenbulɛfoɛ 1:20

Yisraelfoɛ fale Hebron bɛmane Kalebo, kyɛbɔ Mose hyɛle ne; na Kalebo tuli Anake mma mmienzua nza nemɔ fili berɛ.

1 Samuel 25:3

Sɔ biaa ne li Nabal, yeɛ ɔye koso li Abigail. Né braa ne te nworɛniɛ bɔ ye nwo koso yɛ nyemene ɔ; nakoso biaa ne de, né ye ti anu yɛ se, yeɛ ye sa bo koso yɛ se. Biaa ne te Kalebo bosoniɛ.

1 Samuel 30:14

Yɛɛbɔle apaa wɔ Keretifoɛ ngwaen dɔ, Yuda ngwaen dɔ, yeɛ Kalebo ngwaen dɔ, na yɛtole Siklage nu see.”

1 Samuel 30:31

Hebron, yeɛ nekaa biala bɔ Dawide ne ye mmenia nemɔ bɛɛbɔle aporɔ ne.