Yosua 14:6 - AHYERƐLƐ KRONGRON

⁶ Afei Yudafoɛ wale Yosua berɛ wɔ Gilgal, na Kalebo bɔ ɔse ole Kenisiniɛ Yefune ne, osele Yosua kyɛ, “Wɔ bɔbɔ ala ɛse edwirɛ bɔ AWURADE ha fale me ne wɔ nwo hyirele Nyameɛ sona Mose wɔ Kadese Banea ɔ.

Yosua 14:6 Iomraidhean Croise

1 Ahemvo 13:1

Ɛlɛho bie, Yeroboam gyi afɔleɛ bokyea ne anwo bɔ ɔyera ɛyɛɛ ne, Nyameɛ sona bie gyinane AWURADE dwirɛ so fili Yuda wale Betel.

1 Ahemvo 13:14

Ɔpole Nyameɛ sona ne aso, na ɔɔtole ye kyɛ ɔte eluii bie abo ɔ. Obisale ye kyɛ, “Nyameɛ sona bɔ ofi Yuda wale ne, aso yeɛ ole wɔ?” Na obuale ye kyɛ, “Yoo, me ɔ.”

2 Ahemvo 4:16

Na Elisa sele kyɛ, “Afoɛ bieku bekye sua, ɛkɔfa ɛwa kɔto wɔ gya so.” Yeɛ braa ne buale kyɛ, “Daabi, me mene, Nyameɛ sona, nnɛlakalaka w’afaneɛ.”

2 Ahemvo 4:42

Biaa bie fili Baal Salisa wale. Na aleɛ bɔ ofi fieso aleɛ bɔ bali moa bapɛ nu ne, ɔfa brɛle Nyameɛ sona ne. Ɔte ayuo paanoo aburanyɔ, yeɛ aburoo monɛ. Né ye mukoraa wɔ ye bɔtɔ nu. Elisa sele kyɛ, “Fa ma mmenia ne maa beli.”

2 Ahemvo 4:9

Nziɛ ye, braa ne sele ohu kyɛ, “Tie, mede medi kyɛ biaa ye bɔ ɔtaa ba yɛ wa ye, ɔte Nyameɛ sona krongron.

2 Ahemvo 8:11

Ɔneane ye nyunu haa kɔpem kyɛ afei de ye nyunu yɛle basaa. Afei, Nyameɛ sona ne suni.

2 Ahemvo 8:7

Elisa hɔle Damasko wɔ mmerɛ bɔ né anwonyerɛ abɔ Siria hene Ben Hadade ɔ. Bɛbɔle ye amaneɛ kyɛ, “Nyameɛ sona ne, wawa wa” nen,

1 Aberɛso Dwirɛ 23:14

Nakoso Nyameɛ sona Mose de, bɛhale ye boso ama bɛbokale Lewi abusua kure ne.

Edwein 90:1

AWURADE, wɔ yeɛ ɛte y’afealeɛ wɔ aworɛ ndoatoasoɛ amukoraa nu ɔ.

Yeremia 35:4

Na mvale bɛ mmale Nyameɛ sona Yigidalia awa Hanan ye mma mmienzua nemɔ pumbu nu wɔ AWURADE awuro berɛ. Sɔ pumbu ne, opingye atitire nemɔ pumbu, na ɔwɔ Maaseya bɔ ye baba ole anoa wɛmvoɛ Salum ye pumbu deɛ ne anwuro.

Numeri 13:26

Bɛwale Mose ne Aarɔn ɔne Yisrael maen amukoraa berɛ wɔ Kadese bɔ ɔwɔ Paran ɛserɛ ne aso ne. Bɛfale amaneɛ bɛɛbɔle bɛ ne maen ne amukoraa, na bɛfale aseɛ ne aso mmakaammaa ne behyirele bɛ.

Numeri 13:30

Nakoso Kalebo tuli mmenia ne noa dwirɛ guale wɔ Mose nyunu, na ɔhane kyɛ, Ɛ́mɔma yɛhã yɛ nwo yɛhɔ kekesaala ye yɛɛfa aseɛ ne, ofikyɛ yɛkɔhora yɛkɔho yɛkɔfa.”

Numeri 13:6

Yuda abusua kure nu deɛ ole Yefune awa Kalebo;

Numeri 14:24

Nakoso me somvoɛ Kalebo de, ɔnate kyɛ ye suban deɛ te sonongo ná wali nahorɛ wama me ne ati, ngɔfa ye ngɔhɔ aseɛ bɔ yeɛ ɔhɔle so ne aso, na aseɛ ne kɔyɛ ye boso ama bɛ deɛ.

Numeri 14:30

ɛmɔ nu ko po ngodwu aseɛ bɔ ndale ndaen kyɛ ngɔfa ɛmɔ ngɔɔtena so ne aso, sana Yefune awa Kalebo ɔne Nun awa Yosua.

Numeri 14:6

Na Nun awa Yosua ɔne Yefune awa Kalebo, bɔ bɛboka mmenia bɔ bɛɛtetɛle aseɛ ne aso ne, besunzuale bɛ bɔbɔ bɛ ndaadeɛ nu,

Numeri 26:65

Ofikyɛ né AWURADE aha afa bɛ nwo kyɛ, “Bekowuwu wɔ ɛserɛ ne aso.” Bɛ nu ko po anga, sana Yefune awa Kalebo ɔne Nun awa Yosua angome.

Numeri 32:12

Sana Kenisiniɛ Yefune ɔwa Kalebo ɔne Nun awa Yosua angome yeɛ bekonwu ye ɔ, ofikyɛ bɛ yeɛ bali nahorɛ bamma AWURADE ɔ.’

Deuteronomi 33:1

Saleɛ bɔ Nyameɛ sona Mose fa yirayirale Yisraelfoɛ koraka yeɛ owu ne ɛhe:

Deuteronomi 34:10

Ngɔmhyɛlɛniɛ foforɛ biala nne berɛ bɔ wadwɔso wɔ Yisrael bɔ ɔte kyɛ Mose ɔ. Ye yeɛ AWURADE maa ogyinane ye nyunu ɔne ye bedwudwole ɔ;

Deuteronomi 34:5

Afei AWURADE somvoɛ Mose wuli dɔ wɔ Moabo aseɛ so, kyɛbɔ AWURADE noa dwirɛ te ne.

1 Timoteo 6:11

Na wɔ, Nyameɛ sona, wɔ de, twe wɔ nwo fi ɛhemɔ anwo, ná fa tenenee, nyamesom paa, gyidie, ɔdɔ, animia ne anwobrɛaseɛ sie wɔ nye so.

2 Timoteo 3:17

amaa ɔnate so Nyameɛ sona wayɛ pɛpɛɛpɛ bɔ bama ye ndeteyɛɛ bɔ odi mu ɔ bama nnwumaa paa amukoraa.

Yosua 10:43

Afei Yosua ne Yisrael ɛlɔen ne amukoraa besa bɛwale asikyeleɛ ne anu wɔ Gilgal.

Yosua 14:14

Yiti Kalebo bɔ ɔse ole Kenisiniɛ Yefune ne, Hebron ayɛ ye agyapadeɛ maa waadwu ɛnɛ, ofikyɛ olili nahorɛ turoloo mane AWURADE Yisrael Nyameɛ.

Yosua 15:17

Na Otiniɛl bɔ ɔte Kalebo aliɛma bienzua Kenase awa ne, ɔho lili Kiriate Sefa so ngonim, yiti Kalebo fale ɔwa brasua Akesa maa ogyale ye.

Yosua 4:19

Bosome bɔ oli moa ne anu, ye eleburu ne aso yeɛ mmenia ne fili asue Yɔɔdan nu befite bɛwale ɔ, na bɛkyekyele asikyeleɛ wɔ Gilgal, wɔ Yeriko eyia afiteleɛ.