Yosua 14:4 - AHYERƐLƐ KRONGRON

⁴ Né Yosef mma nemɔ bɛte abusua kure nyɔ: Manase ne Efraim. Lewifoɛ nemɔ de, bannya aseɛ ne bie, sana nguro mɔ bɔ bɛkɔtena so ɔ, ɔne nguro nemɔ nwo aseɛ bɔ bɛ mmoaen ne nandwie kodidi so ɔ.

Yosua 14:4 Iomraidhean Croise

Gyenesise 41:51

Yosef tole bamuɛbaa ne dumaa Manase, ofikyɛ ɔnwa, “Nyameɛ ama me wora afi me yealɛ amukoraa, ɔne me se awuro ama mu.”

Gyenesise 41:52

Ɔtole bɔ ɔtɔ so nyɔ ne dumaa Efraim, ofikyɛ ɔnwa, “Nyameɛ amaa manya mmaa wɔ aseɛ bɔ amaneɛnwunɛ wɔ so ye aso.”

Gyenesise 46:20

Yosef ne Asenate bɔ ɔte On sɔfo Pɔtifɛra awa brasua ne, bɛwole Manase ne Efraim wɔ Misraim maen nu.

Gyenesise 48:1

Na ɛhe asi ne, bɛɛbɔle Yosef amaneɛ kyɛ, “Wɔ baba nde apɔ.” Yiti ɔfale Manase ne Efraim bɔ bɛte ye mma nyɔ ne bokale ye nwo so.

Gyenesise 48:5

Na afei wɔ mma mmienzua nyɔ nemɔ bɔ ɛwole bɛ wɔ Misraim koraka yeɛ meba wɔ wa wɔ Misraim nen, mekyire Efraim ɔne Manase, bɛte me deɛ; bɛkɔyɛ me mma kyɛbɔ Ruben ne Simeon bɛte ne ala.

Gyenesise 48:6

Ngwadaa bɔ ɛkɔwo bɛ nziɛ ye de, bɛte wɔ deɛ; na sɛ ɔba agyapadeɛ hyɛlɛ nu a, b’eliɛma nemɔ dumaa yeɛ ɔkɔla bɛ deɛ so ɔ.

2 Aberɛso Dwirɛ 30:1

Hesekia maa bɛbɔle ye dawure wɔ Yisrael ne Yuda nu amukoraa, na afei ɔhyerɛle ngrataa ɔɔmane Efraimfoɛ ne Manasefoɛ kyɛ beeyia wɔ AWURADE awuro berɛ wɔ Yerusalem, maa beli Abɔtra aluolue bɛhyɛ AWURADE Yisrael Nyameɛ ne animnyam.

Numeri 26:28

Yosef mma Manase ne Efraim bɛ mmusua mmusua mɔ ɛhe:

Yosua 16:4

Yosef boso ama bɔ bɛ ole Manase abusua kure ne Efraim abusua kure ne, bɛ sa hane b’agyapadeɛ.