Yosua 14:10 - AHYERƐLƐ KRONGRON

¹⁰ Na wɔ bɔbɔ wɔ nye ta, kyɛbɔ AWURADE hyɛle bɔ nen, wamaa matena ngoa nu alaa afoɛ aburanna ne nnu ɛhe, fite mmerɛ bɔ AWURADE hane sɔ dwirɛ ne hyirele Mose ɔ, mmerɛ bɔ né Yisrael nate ɛserɛ ne aso ne. Na kekesaala ye, mali afoɛ aburawɔtwɛ ne nnu.

Yosua 14:10 Iomraidhean Croise

Edwein 107:4

Behyinihyinini aseɛ pralaa so wɔ atee bɔ ebiala mva so ɔ so, bɔ bannwu kuro biala bandena so ɔ.

Edwein 91:7

Apee kɔtotɔ wɔ wɔ ngyɛnu, yeɛ apee buru kɔtotɔ wɔ wɔ sa famaa so, nakoso wɔ de, ebie ngɔto wɔ.

Numeri 14:30

ɛmɔ nu ko po ngodwu aseɛ bɔ ndale ndaen kyɛ ngɔfa ɛmɔ ngɔɔtena so ne aso, sana Yefune awa Kalebo ɔne Nun awa Yosua.

Numeri 14:38

Na mmenia bɔ bɛɛtetɛle aseɛ nen, Nun awa Yosua ɔne Yefune awa Kalebo angome yeɛ bɛhale ɔ.

Yosua 11:18

Yosua ne sɔ hene nemɔ bɛhone koɛ mmerɛ pee.

Yosua 13:1

Né Yosua ayɛ panyi, yeɛ afei né wayɛ aworowaa; na AWURADE sele ye kyɛ, “Ayɛ panyi, yeɛ afei ayɛ aworowaa, nakoso aseɛ bɔ waha bɔ ɔsɛ kyɛ ɛmɔfa bɛyɛ bɛ deɛ ne, ɔte dɔnn.

Yosua 14:11

Na kyẽa bɔ Mose somane me ne, kyɛbɔ né me nwo si yɛ se ne, sɔ ala yeɛ kekesaala ye me nwo tɛ yɛ se ɔ. M’anwoserɛ tɛ tua me, bɔ ngɔhora ngɔhɔ koɛ, ná mali akɔneaba ɔ.

Yosua 14:9

Na Mose tale ndaen sɔ kyẽa ne kyɛ, ‘Nahorɛ nu, aseɛ bɔ wɔ gya atia so ne, ɔkɔyɛ wɔ ne wɔ mma deɛ afebɔɔ, ofikyɛ ali nahorɛ turoloo ama AWURADE me Nyameɛ.’