Yosua 13:8 - AHYERƐLƐ KRONGRON

⁸ Manase abusua kure ne bue ko bɔ waha ne de, né bɛ ne Rubenfoɛ ne Gadefoɛ bali moa banya b’aseɛ deɛ dada. Mose yeɛ ɔfa mane bɛ wɔ asue Yɔɔdan si eyia afiteleɛ bue nu dɔ ɔ, kyɛbɔ AWURADE somvoɛ Mose hyɛ mane bɛ ne:

Yosua 13:8 Iomraidhean Croise

Numeri 32:19

Yɛ ne bɛ ngɔhyɛ Yɔɔdan si dɔ aseɛ ne, ofikyɛ yɛ sa aha yɛ agyapadeɛ deɛ wɔ Yɔɔdan ye bue faen bɔ ɔkɔ eyia afiteleɛ dɔ ne.”

Deuteronomi 3:8

Yiti sɔ mmerɛ ne, asue Yɔɔdan si dɔ aseɛ ne, fite Anɔn bɔnza nu kodwu Hɛmɔn bokaa ne, yɛle yɛfili Amorifoɛ hene nyɔ nemɔ sa nu.

Yosua 12:1

Aseɛ ne aso ahemvo bɔ Yisraelfoɛ lili bɛ so ngonim, bɔ Yisraelfoɛ fale b’aseɛ bɛtenane so wɔ asue Yɔɔdan si, wɔ eyia afiteleɛ bue nu dɔ, fite Anɔn Bɔnza ne anu bɔ ɔkwaadwu Hɛmɔn bokaa ne anwo, ɔne Araba bɔ ɔwɔ eyia afiteleɛ amukoraati ne, bɛ ɛhe:

Yosua 12:6

AWURADE somvoɛ Mose ne Yisraelfoɛ lili bɛ so ngonim, na AWURADE somvoɛ Mose hyɛle b’aseɛ ne mane Rubenfoɛ, Gadefoɛ ne Manase abusua kure ne bue.

Yosua 13:7

Afei de, kyɛ aseɛ he maa ɔyɛ agyapadeɛ ma abusua kure ngona ne ɔne Manase abusua kure ne bue.”

Yosua 13:9

Aseɛ ne trɛ fi Aroye bɔ ɔla Anɔn bɔnza ne noa ne, ɔne kuro bɔ ɔwɔ bɔnza ne afia ne, ɔne Medeba bokaa frɛtɛɛ amukoraa bɔ ɔkwaadwu Dibɔn;

Yosua 22:4

Afei AWURADE ɛmɔ Nyameɛ wabɔ ɛmɔ aliɛma mɔ atenaseɛ asomdwee nu, kyɛbɔ ɔhyɛle bɛ bɔ ne. Yiti ɛ́mɔsa ɛmɔ si bɛhɔ ɛmɔ kuro, wɔ aseɛ bɔ waayɛ ɛmɔ deɛ ne aso, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si dɔ ne.

Yosua 4:12

Rubenfoɛ ne Gadefoɛ ne Manase abusua kure ne bue pɛle asue ne. Né betiratira akodeɛ beli Yisraelfoɛ nyunu moa, kyɛbɔ Mose hyɛle bɛ ne.

1 Samuel 13:7

Hebrifoɛ biemɔ pɛle asue Yɔɔdan bɛhɔle Gade ne Gileade aseɛ so. Né Sɔɔlo tɛ wɔ Gilgal, na mmenia ne amukoraa bɛfale ahunundetelɛ belili ye si.