Yosua 13:7 - AHYERƐLƐ KRONGRON

⁷ Afei de, kyɛ aseɛ he maa ɔyɛ agyapadeɛ ma abusua kure ngona ne ɔne Manase abusua kure ne bue.”

Yosua 13:7 Iomraidhean Croise

Edwein 105:44

Ɔfale maen maen mɔ b’aseɛ mane Yisraelfoɛ, ɔmane Yisraelfoɛ bɛ sa hane bɔ maen maen nemɔ bafɛ banya ɔ,

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Hesekiel 45:1

Na sɛ ɛmɔfa serewagualɛ so bɛkyɛ aseɛ ne maa ɔyɛ agyapadeɛ a, odi kyɛ ɛmɔpɛ aseɛ ne bie betu besie berɛ maa ɔyɛ krongron ma AWURADE. Ye tendenn nu kɔyɛ agyirɛ apee aburanyɔ ne nnu, yeɛ ye tɛtrɛtɛɛ nu kɔyɛ agyirɛ apee buru; na sɔ aseɛ ne kɔyɛ krongron wɔ ye nekaa biala.

Numeri 33:54

Na ɛ́mɔfa serewagualɛ so bɛ́hyɛ aseɛ ne kyɛbɔ ɛmɔ mmusua mmusua nemɔ bɛ mbiri si te ɔ. Abusua bɔ ɔte piri ne, odi kyɛ ɛmɔma bɛ aseɛ piri, yeɛ bɔ ɔte kãa ne koso ɛ́mɔma bɛ aseɛ ne kaaba. Nekaa bɔ serewagualɛ ne kɔye kɔma ebiala ne, ma berɛ ɔyɛ ye deɛ. Ebiala konya ye agyapadeɛ wɔ ye nana mɔ abusua kure deɛ nu.

Numeri 34:13

Na Mose fale ahyɛdeɛ he mane Yisraelfoɛ kyɛ, Aseɛ he yeɛ odi kyɛ ɛmɔfa serewagualɛ so bɛkyɛ ɔ. AWURADE ahyɛ kyɛ bɛ́fa bɛ́ma mmusua kure ngona ne bue ne.

Yosua 13:6

Na Sidonfoɛ amukoraa bɔ bɛtete mmokaa aseɛ ne aso, fite Lebanon bɔ ɔkwaadwu Misrefote Maim ne, me bɔbɔ yeɛ ngɔfoa bɛ ngofi Yisraelfoɛ nyunu ɔ. Na wɔ de, kyekyɛ aseɛ ne ma Yisraelfoɛ maa ɔyɛ b’agyapadeɛ, kyɛbɔ mahyɛ wɔ kyɛ ɛyɔ ne ala.

Yosua 13:8

Manase abusua kure ne bue ko bɔ waha ne de, né bɛ ne Rubenfoɛ ne Gadefoɛ bali moa banya b’aseɛ deɛ dada. Mose yeɛ ɔfa mane bɛ wɔ asue Yɔɔdan si eyia afiteleɛ bue nu dɔ ɔ, kyɛbɔ AWURADE somvoɛ Mose hyɛ mane bɛ ne:

Yosua 14:2

Bɛfale serewagualɛ so yeɛ bɛhyɛle b’aseɛ ne ɔ, kyɛbɔ AWURADE hyɛle Mose fale abusua ngona ne bue ne anwo ne.