Yosua 13:3 - AHYERƐLƐ KRONGRON

³ fite asue Sihɔ bɔ ɔwɔ Misraim eyia afiteleɛ bɔ ɔkwaadwu Ekron ɛwɛen so wɔ ye sorɔ dɔ ne. Ye mukoraa te Kanaan aseɛ. Filistifoɛ ahemvo nnu yeɛ bɛwɔ berɛ ɔ. Bɛwɔ Gasa, Asedɔde, Asekelɔn, Gate ne Ekron, yeɛ Awimfoɛ koso bɔ bɛwɔ ngwaen dɔ ne.

Yosua 13:3 Iomraidhean Croise

Gyenesise 10:6

Ham mma mɔ ole Kuse, Misraim, Pute ne Kanaan.

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

1 Ahemvo 8:65

Yiti sɔ mmerɛ ne, Solomon ne Yisraelfoɛ amukoraa, ofi Lebo Hamate bɔ ɔkwaadwu Misraim bɔnza ne anu, bɛbɔle dwaa kandinga belili aluolue ne wɔ AWURADE yɛ Nyameɛ nyunu ɛlɛsoo.

1 Aberɛso Dwirɛ 13:5

Yiti Yisrael amukoraa, ofi asue Sihɔ bɔ ɔwɔ Misraim ɔkwaadwu Lebo Hamate, Dawide tole ye sa frɛle bɛ kyɛ bɛɛboka ma bɛfa Nyameɛ apam alaka ne béfi Kiriate Yearim bɛbra.

Yesaya 23:3

bɛfale ɛpo tɛtrɛtɛɛ so. Né enya wɔ sikaa fi Sihɔ aburoo nu, ɔne Naele noa fieso nningyein nu, na ɛɛyɛle nekaa bɔ maen maen mɔ bedi dwaa ɔ.

Yeremia 2:18

Sɛ ɛkɔ Misraim kɔno asue Naele nzue a, nzikyɛ mvasoɛ yeɛ ekonya ɔ? Yeɛ sɛ ɛkɔ Asiria kɔno asue Yufreti nzue a, nzikyɛ mvasoɛ yeɛ ekonya ɔ?

Deuteronomi 2:23

Na Awifoɛ koso bɔ né bɛtete namue nemɔ anu wɔ Gasa mbɔtam ne, Kafitorimfoɛ bɔ befi Kafito bɛwale ne huhuni bɛ, na bɛtenane b’aseɛ ne aso.)

Yosua 13:13

Nakoso Gesurefoɛ ne Maakatifoɛ de, Yisraelfoɛ andu bɛ amvi berɛ, yiti Gesurefoɛ ne Maakatifoɛ tɛ te Yisraelfoɛ nu maa waadwu ɛnɛ.

Maenbulɛfoɛ 16:5

Filistifoɛ mbanyi hɔle braa ne berɛ beesele ye kyɛ, “Dɛfɛdɛfɛ ye ná pena nikye horɛ bɔ ɔmaa ye nwo yɛ se sɔa ne, ɔne atee bɔ yɛkɔfa so yɛkoli ye so ngonim, amaa ɔnate so yafa nyamaa yakyekye ye yabrɛ ye ase. Sɛ ɛyɔ sɔ ma yɛ a, yɛ nu biala kɔma wɔ ɛdwetɛ apee ko ɛyaa ko.”

Maenbulɛfoɛ 3:3

Maen nemɔ ole Filistifoɛ ahemvo nnu ne, Kanaanfoɛ amukoraa, Sidonfoɛ, ɔne Hiwifoɛ bɔ bɛte Lebanon bokaa ne aso ne, ofi Baal Hɛmɔn bokaa ne aso bɔ ɔkwaadwu Lebo Hamate ne.

1 Samuel 5:1

Mmerɛ bɔ Filistifoɛ lele Nyameɛ apam alaka ne fili Yisrael sa nu nen, bɛfa befili Ebenesa bɛhɔle Asedɔde.

1 Samuel 5:10

Yiti bɛmaa bɛfale Nyameɛ apam alaka ne bɛhɔle Ekron. Nakoso bɛfale Nyameɛ apam alaka ne bedwuli Ekron nen, Ekronfoɛ teateane nu kyɛ, “Bafa Yisrael Nyameɛ apam alaka ne bawa yɛ wa kyɛ bɛbaafa bekuku yɛ ne yɛ kuro ama.”

1 Samuel 5:8

Yiti bɛsomane maa bɛɛfrɛfrɛle Filisti ahemvo amukoraa maa beyiale, na bebisale bɛ kyɛ, “Yisrael Nyameɛ apam alaka ne, yɛ́yɛ ye sɛ koraa?” Na bebuale kyɛ, “Ɔsɛ kyɛ yɛye Yisrael Nyameɛ apam alaka ne yɛfi wa yɛkɔ Gate.” Yiti bɛyele Yisrael Nyameɛ apam alaka ne befili berɛ bɛhɔle Gate.

1 Samuel 6:4

Na Filistifoɛ bisale kyɛ, “Nzikyɛ foɛlilɛ afɔleɛ yeɛ yɛfa yɛɛma ye ɔ?” Bebuale kyɛ, “Ɛ́mɔfa sikaa kɔkorɛ bɛ́yɔ mbɔmbɔ nnu ne mmurokuruwa nnu, kyɛbɔ Filisti ahemvo mɔ somaa te ɔ, ofikyɛ amaneɛ komapɛ ne ala yeɛ wawa ɛmɔ amukoraa ne ɛmɔ ahemvo mɔ so ɔ.