Yosua 13:25 - AHYERƐLƐ KRONGRON

²⁵ B’aseɛ ne noa fa Yasere, Gileade nguro ne amukoraa, ɔne Amonfoɛ aseɛ ne bue, toonn bɔ ɔkwaadwu Aroye bɔ ɔwɔ Raba eyia afiteleɛ ne;

Yosua 13:25 Iomraidhean Croise

2 Samuel 11:1

Bɛhyɛ afoɛ bo bieku nen, mmerɛ bɔ ɔyɛ a ahemvo mɔ bɛkɔ koɛ ne, Dawide somane Yoabo ne ye koɛhonɛfoɛ mbanyi ne Yisrael koɛhonɛfoɛ amukoraa kyɛ bɛhɔ koɛ. Behuhuni Amonfoɛ pasaa, na betuale Raba kuro ne. Nakoso Dawide de, ɔhale Yerusalem.

2 Samuel 12:26

Yoabo fale koɛ ɔtetale Amonfoɛ ahenguro Raba, na olili so ngonim.

2 Samuel 24:5

Bɛɛpɛle asue Yɔɔdan, na besikyele wɔ Aroye, wɔ kuro ne ngwaen dɔ wɔ bɔnza ne anu, wɔ Gade ndendeneɛ so, na bɛtoale so bɛhɔle Yasere.

1 Aberɛso Dwirɛ 26:31

Hebron boso ama nemɔ, Yeriya yeɛ né ɔla bɛ noa ɔ. (Dawide lili bia ne, ye afoɛ aburanna ne aso, bɛneaneane ngrataa bɔ bahyerɛ bafa aworɛ ndoatoasoɛ ne mmusua mmusua nwo ne anu, na benwuni kyɛ Hebron boso ama nemɔ anu, mmienzua bɔ bɛte titire ɔ, bɛwɔ Yasere bɔ ɔwɔ Gileade.)

1 Aberɛso Dwirɛ 6:81

Hesebon ne ye nwo aseɛ bɔ nyɛmmoa didi so ɔ, yeɛ Yasere ne ye nwo aseɛ bɔ nyɛmmoa didi so ɔ.

Yesaya 16:8

Ofikyɛ Hesebon eboo nemɔ asɛkye, Sibima bobe nemɔ koso sɔ ala. Maen maen mbanyi mɔ bapomba bɛ mmaen nemɔ bagua. Mmaen nemɔ bɛtrɛ bekodwu Yasere, na bɛkondokondo alaa bɛkɔ ɛserɛ so. Ye mmaen ne, bɛtrɛ bɛkɔ dedeede, na bɛpɛ ɛpo bɛkɔ ye si.

Yesaya 17:2

Aroye nguro nemɔ kɔkakyi kurofoen, bɛkɔyɛ nyɛmmoa mɔ deɛ, na bɛkɔlela berɛ bɔ ebiala ngɔma bengosuro ɔ.

Yeremia 48:32

Ao Sibima bobe, ngosu wɔ kyɛ mesu Yasere ɔ! Wɔ mmaen trɛtrɛle fale ɛpo so, bɛtrɛ bekodwu Yasere ɛpo ne po; sɛkyefoɛ ne, watu ye nye wasie wɔ borɔdoma mma ne wɔ bobe mma so.

Hesekiel 21:20

Fa atee ko bea berɛ bɔ ngrandɛ ne kɔfa so kɔwa Amonfoɛ kuro Raba so ɔ, ɔne atee ko koso bɔ ɔkɔfa so kɔwa Yuda ɔ, mékyire Yerusalem bɔ bato ye nwo fasue ne.

Amose 1:14

Yiti ngɔto Raba fasue nu see maa ɔkɔyera ye anwoserɛ afealeɛ nemɔ; na gyegyeegye kɔhɔ so wɔ koɛhonɛ kyẽa ne, ná mvrama piri atu wɔ mvrama bɔ ɔpɛ ye nwo ɔ kyẽa ne.

Numeri 21:32

Na Mose somane maa bɛɛtetɛle Yasere. Belili Yasere nwo nguraa nemɔ aso ngonim, na bɛfoane Amorifoɛ bɔ né bɛtete aseɛ ne aso ne befili berɛ.

Numeri 32:35

Atrote Sofan, Yasere, Yobeha,

Deuteronomi 2:19

na sɛ edwu Amonfoɛ ɛwɛen so a, nnɛha bɛ, yeɛ nnɛfa koɛ kɔtoa bɛ, ofikyɛ mengɔfa Amonfoɛ aseɛ ne kaala po mengɔma wɔ kyɛ ɛfa, ɔnate kyɛ mafa mama Lɔto bosofoɛ kyɛ bɛfa.’

Deuteronomi 3:11

Refaimfoɛ bɛ bosofoɛ ne, né Basan hene Ogo ngome twe yeɛ waha ɔ. Né ye mba te buralɛ. Ye tendenn nu te agyirɛ ngona, yeɛ ye tɛtrɛtɛɛ nu te agyirɛ nna, kyɛbɔ sona agyirɛ nzusuleɛ te ɔ. Na ɔtɛ gyi Amonfoɛ kuro Raba so.

Yosua 13:11

Yeɛ Gileade, Gesurefoɛ ne Maakatifoɛ aseɛ, Hɛmɔn bokaa ne amukoraa, Basan amukoraa bɔ ɔkwaadwu Saleka ne.

Yosua 13:24

Mose mane Gade abusua kure ne koso agyapadeɛ, kyɛbɔ bɛ mmusua mmusua nemɔ te ɔ.

Yosua 13:26

ofi Hesebon bɔ ɔkwaadwu Ramate Misepe ne Betonim, ofi Mahanaim bɔ ɔkwaadwu Dɛbi ɛwɛen so,

Yosua 21:39

Hesebon, Yasere. Bɛte nguro nna.

Maenbulɛfoɛ 5:17

Gileade hale asue Yɔɔdan asi; na Dan de, nzu ati yeɛ ɔtenane ɛlɛen nemɔ anwo ɔ? Asɛ tenane konn wɔ mboanoa, na ɔbɔle ye atenaleɛ wɔ etii so.